ಜಗತ್ತಿಗೆ ಈವರೆಗೂ ತಿಳಿದಿರುವ ಪ್ರಕಾರ ಭೂಮಿಯಲ್ಲಿರುವುದು 5 ಸಾಗರ ಆದರೆ ವಿಜ್ಞಾನಿಗಳ ತಂಡವೊಂದು ಇದೀಗ 6ನೇ ಮಹಾಸಾಗರ ಪತ್ತೆಯಾಗಿದೆ ಎಂದು ಘೋಷಣೆ ಮಾಡಿದೆ.
ವಾಷಿಂಗ್ಟನ್: ಜಗತ್ತಿಗೆ ಈವರೆಗೂ ತಿಳಿದಿರುವ ಪ್ರಕಾರ ಭೂಮಿಯಲ್ಲಿರುವುದು 5 ಸಾಗರ. ಅವುಗಳೆಂದರೆ ಪೆಸಿಫಿಕ್, ಅಟ್ಲಾಂಟಿಕ್, ಹಿಂದೂ ಮಹಾಸಾಗರ, ಅರ್ಕ್ಟಿಕ್, ಅಂಟಾರ್ಟಿಕಾ ಮಹಾಸಾಗರಗಳು. ಆದರೆ ವಿಜ್ಞಾನಿಗಳ ತಂಡವೊಂದು ಇದೀಗ 6ನೇ ಮಹಾಸಾಗರ ಪತ್ತೆಯಾಗಿದೆ ಎಂದು ಘೋಷಣೆ ಮಾಡಿದೆ.
ಭೂಮಿಯ ಮೇಲ್ಮನಿಂದ 700 ಕಿ.ಮೀ ಆಳದಲ್ಲಿರುವ ಈ ಸಾಗರ, ಹಾಲಿ 3 ಸಮುದ್ರಗಳ ಒಟ್ಟು ವಿಸ್ತೀರ್ಣದಷ್ಟು ಬೃಹತ್ ಗಾತ್ರ ಹೊಂದಿದೆ. ನಾರ್ತ್ವೆಸ್ಟರ್ನ್ ವಿವಿಯ ವಿಜ್ಞಾನಿಗಳ ತಂಡ ಭೂಮಿಯ ಕಂಪನ ಅಳೆಯಲು ಬಳಸುವ ಸಿಸ್ಟೋಗ್ರಾಫ್ ಗಳನ್ನು ಅಮೆರಿಕದಾದ್ಯಂತ 2000 ಸ್ಥಳಗಳಲ್ಲಿ ಅಳವಡಿಸಿದ್ದಾರೆ. ಇವುಗಳಿಂದ ಸಂಗ್ರಹಿಸಿದ 500 ಭೂಕಂಪನಗಳ ಕುರಿತು ಅಧ್ಯಯನ ಮಾಡಿದ್ದಾರೆ. ಈ ವೇಳೆ ಕೆಲ ಕಡೆಗಳಲ್ಲಿ ಅಲೆಯ ತೀವ್ರತೆ ಕಡಿಮೆಯಾಗಿದ್ದನ್ನು ಕಂಡಿದ್ದಾರೆ. ಇದು ಅಲ್ಲಿ ನೀರಿನ ಇರುವಿಕೆಯನ್ನು ಸೂಚಿಸುತ್ತಿದೆ. ರಿಂಗ್ವುಡೈಟ್ ಎಂಬ ಮೆತ್ತಗಿನ ನೀಲಿ ಕಲ್ಲುಗಳ ಮಧ್ಯೆ ಈ ನೀರು ಬಂಧಿಯಾಗಿರಬಹುದು. ರಿಂಗ್ವುಡೈಟ್ ಭೂಮಿಯಾಳದಿಂದ ಒಸರಿದ ನೀರಿನಿಂದ ಸೃಷ್ಟಿಯಾಗಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.
