ನಮ್ಮ ಗ್ಯಾಲಕ್ಸಿಯನ್ನು ಸೃಷ್ಟಿಸಿದ್ದು'ಶಿವ-ಶಕ್ತಿ', ಅತೀ ಹಳೆಯ ನಕ್ಷತ್ರ ಕಂಡುಹಿಡಿದ ಜರ್ಮನ್ ವಿಜ್ಞಾನಿಗಳು
ನಮ್ಮ ನಕ್ಷತ್ರಪುಂಜವನ್ನು ಶಿವ ಮತ್ತು ಶಕ್ತಿಯಿಂದ ರಚಿಸಲಾಗಿದೆ. ಈಗ ಜರ್ಮನ್ ವಿಜ್ಞಾನಿಗಳೂ ಇದನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ನಮ್ಮ ನಕ್ಷತ್ರಪುಂಜವನ್ನು ರೂಪಿಸುವ ಅತ್ಯಂತ ಹಳೆಯ ಕಣಗಳು ಅಂದರೆ ಕ್ಷೀರಪಥವನ್ನು ಶಿವ ಮತ್ತು ಶಕ್ತಿ ಎಂದು ಹೆಸರಿಸಲಾಗಿದೆ. ಈ ಕಣಗಳು ಒಟ್ಟಾಗಿ ನಮ್ಮ ನಕ್ಷತ್ರಪುಂಜವನ್ನು ಸೃಷ್ಟಿಸಿವೆ. ಜಿಯಾ ಬಾಹ್ಯಾಕಾಶ ದೂರದರ್ಶಕದ ಸಹಾಯದಿಂದ ಈ ಆವಿಷ್ಕಾರವನ್ನು ಮಾಡಲಾಗಿದೆ.
Followನವದೆಹಲಿ (ಮಾ.28): ನಮ್ಮ ನಕ್ಷತ್ರಪುಂಜದಲ್ಲಿ ಲಕ್ಷಾಂತರ ಮತ್ತು ಕೋಟಿ ನಕ್ಷತ್ರಗಳಿವೆ. ಜಿಯಾ ಬಾಹ್ಯಾಕಾಶ ದೂರದರ್ಶಕವು ಅವುಗಳನ್ನು ಅಧ್ಯಯನ ಮಾಡುತ್ತಿದೆ. ಈ ದೂರದರ್ಶಕದ ಸಹಾಯದಿಂದ, ಜರ್ಮನಿಯ ಅತಿದೊಡ್ಡ ವೈಜ್ಞಾನಿಕ ಸಂಸ್ಥೆ, ಮ್ಯಾಕ್ಸ್ ಪ್ಲ್ಯಾಂಕ್ ಇನ್ಸ್ಟಿಟ್ಯೂಟ್ ಆಫ್ ಆಸ್ಟ್ರಾನಮಿ, ನಕ್ಷತ್ರಪುಂಜವನ್ನು ರೂಪಿಸುವ ಎರಡು ಪ್ರಾಚೀನ ಕಣಗಳನ್ನು ಕಂಡುಹಿಡಿದಿದೆ. ಅವುಗಳಿಗೆ ಶಿವ ಮತ್ತು ಶಕ್ತಿ ಎಂದು ಹೆಸರಿಸಲಾಗಿದೆ. ಈ ಚಿತ್ರದಲ್ಲಿರುವ ನೀಲಿ ಚುಕ್ಕೆಗಳು ಶಿವ. ಹಳದಿ ಚುಕ್ಕೆಗಳು ಶಕ್ತಿ. ಈ ಎರಡು ಕಣಗಳು ಒಟ್ಟಾಗಿ ನಮ್ಮ ನಕ್ಷತ್ರಪುಂಜವನ್ನು ಅಂದರೆ ಕ್ಷೀರಪಥವನ್ನು ಸೃಷ್ಟಿಸಿವೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ. ಈ ಚುಕ್ಕೆಗಳು ಅಥವಾ ಕಣಗಳು ವಾಸ್ತವವಾಗಿ ನಕ್ಷತ್ರಗಳ ಎರಡು ಪ್ರಾಚೀನ ಅಲೆಗಳು. ಮಹಾಸ್ಫೋಟದ 200 ಕೋಟಿ ವರ್ಷಗಳ ನಂತರ ಇವುಗಳೇ ಒಟ್ಟಾಗಿ ನಕ್ಷತ್ರಪುಂಜವನ್ನು ಸೃಷ್ಟಿಸಿವೆ. ಸುಮಾರು 1200 ಕೋಟಿ ವರ್ಷಗಳ ಹಿಂದೆ ಇದು ನಡೆದಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.
ಶಿವ ಮತ್ತು ಶಕ್ತಿ ಅಂದರೆ ನೀಲಿ ಮತ್ತು ಹಳದಿ ಚುಕ್ಕೆಗಳನ್ನು ಹೊಂದಿರುವ ನಕ್ಷತ್ರಗಳ ಅಲೆಯು ತುಂಬಾ ಹಳೆಯದಾಗಿದೆ. ಇದರ ನಂತರವೇ ನಕ್ಷತ್ರಪುಂಜವು ಸುರುಳಿಯಾಕಾರದ ಆಕಾರವನ್ನು ಪಡೆದುಕೊಂಡಿತು. ಆದ್ದರಿಂದ, ಜರ್ಮನ್ ವಿಜ್ಞಾನಿಗಳು ಈ ನಕ್ಷತ್ರ ಅಲೆಗಳಿಗೆ ಬ್ರಹ್ಮಾಂಡವನ್ನು ಸೃಷ್ಟಿಸಿದ ಭಗವಾನ್ ಶಿವ ಮತ್ತು ಶಕ್ತಿ ದೇವತೆಯ ಹೆಸರನ್ನು ನೀಡಿದ್ದಾರೆ. ಇಂದು ನಾವು ವಾಸ ಮಾಡುತ್ತಿರವ ಗ್ಯಾಲಕ್ಸಿಯನ್ನು ಇಬ್ಬರೂ ಒಟ್ಟಾಗಿ ಅಡಿಪಾಯ ಹಾಕಿದ್ದರು ಎಂದು ತಿಳಿಸಿದ್ದಾರೆ.
ಇಂತಹ ಪುರಾತನ ಕಣಗಳು ಹಾಗೂ ನಕ್ಷತ್ರಗಳ ಪಟ್ಟಿಯನ್ನು ಪತ್ತೆ ಹಚ್ಚಲು ಸಾಧ್ಯವಾಗಿರುವುದು ನಮಗೆ ಸಂತಸ ತಂದಿದೆ ಎಂದು ಮ್ಯಾಕ್ಸ್ ಪ್ಲಾಂಕ್ ಖಗೋಳವಿಜ್ಞಾನ ಸಂಸ್ಥೆಯ ವಿಜ್ಞಾನಿ ಖ್ಯಾತಿ ಮಲ್ಹಾನ್ ಹೇಳಿದ್ದಾರೆ. ಈ ನಕ್ಷತ್ರಗಳು ಹುಟ್ಟಿದಾಗಿನಿಂದ, ನಮ್ಮ ನಕ್ಷತ್ರಪುಂಜವು ನಿರಂತರವಾಗಿ ಬದಲಾಗುತ್ತಿದೆ. ನಾವು ಅವುಗಳನ್ನು ಗುಂಪುಗಳಲ್ಲಿ ಹುಡುಕಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ. ಜಿಯಾದಿಂದ ಪಡೆದ ಮಾಹಿತಿಯ ಸಹಾಯದಿಂದ ಖ್ಯಾತಿ ಮತ್ತು ಅವರ ತಂಡವು ಈ ನಕ್ಷತ್ರಗಳ ಗುಂಪಿನ ಕಕ್ಷೆಯನ್ನು ಕಂಡುಹಿಡಿದಿದೆ. ಅವುಗಳು ಜನ್ಮತಾಳಿದ ಅಂಶಗಳನ್ನು ಹುಡುಕಿದೆ. ಅವುಗಳ ಗತಿ ಮತ್ತು ನಡವಳಿಕೆಯನ್ನು ಅರ್ಥಮಾಡಿಕೊಳ್ಳಲು ಪ್ರಯತ್ನಿಸಿದೆ. ಏಕೆಂದರೆ ಈ ಎರಡು ನಕ್ಷತ್ರಗಳ ಗುಂಪು ಅಂದರೆ ನೀಲಿ ಬಣ್ಣದ ಶಿವ ಮತ್ತು ಹಳದಿ ಬಣ್ಣದ ಶಕ್ತಿ ವಿಶೇಷ ರೀತಿಯ ರಾಸಾಯನಿಕ ಮಿಶ್ರಣದಿಂದ ರೂಪುಗೊಂಡಿವೆ. ಅದಕ್ಕಾಗಿಯೇ ಅವುಗಳಿಗೆ ಶಿವ-ಶಕ್ತಿ ಎಂದು ಹೆಸರಿಸಲಾಗಿದೆ ಎಂದಿದ್ದಾರೆ.
2022 ರಲ್ಲಿ ಜಿಯಾ ನಕ್ಷತ್ರಪುಂಜದ ಒಳಭಾಗಗಳ ಚಿತ್ರವನ್ನು ತೆಗೆದಿತ್ತು ಎಂದು ಖ್ಯಾತಿ ಹೇಳುತ್ತಾರೆ. ನಂತರ ನಮ್ಮ ನಕ್ಷತ್ರಪುಂಜವು ಪ್ರಾಚೀನ ನಕ್ಷತ್ರಗಳಿಂದ ತುಂಬಿದೆ ಎನ್ನುವುದು ತಿಳಿದುಬಂದಿತ್ತು. ಇದರ ನಂತರ, ನಕ್ಷತ್ರಪುಂಜದ ಪ್ರಾಚೀನ ಅಂಶಗಳ ಹುಡುಕಾಟದ ಸಮಯದಲ್ಲಿ ಈ ನಕ್ಷತ್ರಗಳನ್ನು ಕಂಡುಹಿಡಿಯಲಾಯಿತು. ಈ ನಕ್ಷತ್ರಗಳನ್ನು ಎರಡು ತರಂಗಗಳಾಗಿ ವಿಂಗಡಿಸಲಾಗಿದೆ. ಈ ಎರಡು ನಕ್ಷತ್ರಗಳ ಅಲೆಗಳು ವಿಭಿನ್ನ ನಡವಳಿಕೆಯನ್ನು ಹೊಂದಿವೆ. ಆದರೆ ಇವೆರಡೂ ಸೇರಿ ನಮ್ಮ ನಕ್ಷತ್ರಪುಂಜವನ್ನು ಸೃಷ್ಟಿಸಿವೆ. ನಕ್ಷತ್ರ ಪುಂಜ ತಿರುಗುತ್ತಲೇ ಹೊಸ ನಕ್ಷತ್ರಗಳು ಸೇರ್ಪಡೆಯಾಗುತ್ತಲೇ ಇತ್ತು ಎಂದಿದ್ದಾರೆ.
ಶಿವ ಮತ್ತು ಶಕ್ತಿ ನಮ್ಮ ನಕ್ಷತ್ರಪುಂಜದ ಹೃದಯಭಾಗದಲ್ಲಿರುವ ಪ್ರೋಟೋಗಲಾಕ್ಟಿಕ್ ತುಣುಕುಗಳಾಗಿವೆ. ಇವೆರಡರ ಕಕ್ಷೆಯ ಪಥವು ಒಂದೇ ಆಗಿರುತ್ತದೆ. ಪ್ರತಿ ಅಲೆಯ ದ್ರವ್ಯರಾಶಿಯು 1 ಕೋಟಿ ಸೂರ್ಯಗಳಿಗೆ ಸಮಾನವಾಗಿರುತ್ತದೆ. ಈ ಎಲ್ಲಾ ನಕ್ಷತ್ರಗಳು 1200 ರಿಂದ 1300 ಕೋಟಿ ವರ್ಷಗಳಷ್ಟು ಹಳೆಯವು. ನಕ್ಷತ್ರಗಳು ತಮ್ಮ ಜೀವನದುದ್ದಕ್ಕೂ ಪರಮಾಣು ಸಮ್ಮಿಳನಕ್ಕೆ ಒಳಗಾಗುತ್ತವೆ. ಇದರೊಂದಿಗೆ ಅವುಗಳು ಹೈಡ್ರೋಜನ್ ಅನ್ನು ಹೀಲಿಯಂ ಆಗಿ ಪರಿವರ್ತಿಸುತ್ತದೆ. ಇದರ ನಂತರ, ಹೀಲಿಯಂ ಅನ್ನು ಬೆಸೆಯುವ ಮೂಲಕ ಭಾರವಾದ ಅಂಶಗಳಾಗಿ ಪರಿವರ್ತಿಸಲಾಗುತ್ತದೆ. ಇವು ನಂತರ ಲೋಹವಾಗಿ ಬದಲಾಗುತ್ತವೆ.
ಚಂದ್ರಯಾನ 3 ಲ್ಯಾಂಡಿಂಗ್‌ ಸೈಟ್‌ಗೆ Statio Shiva Shakti ಹೆಸರು ಅಧಿಕೃತಗೊಳಿಸಿದ ಖಗೋಳ ಒಕ್ಕೂಟ !
ಬ್ರಹ್ಮಾಂಡವು ಹೆಚ್ಚಾಗಿ ಹೈಡ್ರೋಜನ್ ಮತ್ತು ಹೀಲಿಯಂನ ಒಂದು ಗುಂಪಾಗಿದ್ದ ಸಮಯದಲ್ಲಿ ಈ ನಕ್ಷತ್ರವು ರೂಪುಗೊಂಡಿತು. ನಂತರ ಸೂಪರ್ನೋವಾಗಳು ರೂಪುಗೊಂಡವು. ಇವು ಬ್ರಹ್ಮಾಂಡದಲ್ಲಿ ಹರಡುತ್ತಲೇ ಹೋದವು. ಎರಡನೇ ತಲೆಮಾರಿನ ನಕ್ಷತ್ರಗಳಲ್ಲಿ ಮತ್ತೆ ಲೋಹಗಳ ಮಿಶ್ರಣ ಪ್ರಾರಂಭವಾಯಿತು. ನಕ್ಷತ್ರಗಳ ಜನನ, ಮರಣ ಮತ್ತು ಪುನರ್ಜನ್ಮದ ಪ್ರಕ್ರಿಯೆಯು ಬಾಹ್ಯಾಕಾಶದಲ್ಲಿ ನಿರಂತರವಾಗಿ ಮುಂದುವರೆಯಿತು. ಅದು ಇಂದಿಗೂ ನಡೆಯುತ್ತಿದೆ.
ಇಂದು ವಿಕ್ರಮ್‌ ಹಾಗೂ ಪ್ರಗ್ಯಾನ್‌ ಎಚ್ಚರವಾದರೆ ಅದು ಇಸ್ರೋ ಪಾಲಿಗೆ ಐತಿಹಾಸಿಕ, ಇಸ್ರೋ ಅಧ್ಯಕ್ಷ ಎಸ್‌ ಸೋಮನಾಥ್!
ಆದರೆ ಪುರಾತನ ನಕ್ಷತ್ರಗಳು, ಅಂದರೆ ಶಿವ-ಶಕ್ತಿ, ನಮ್ಮ ನಕ್ಷತ್ರಪುಂಜದ ಹೃದಯವನ್ನು ಸುರಕ್ಷಿತವಾಗಿ, ಸಮತೋಲನ ಮತ್ತು ನಿಯಂತ್ರಣದಲ್ಲಿ ಇರಿಸಿದೆ. ಇವು ನಿರಂತರವಾಗಿ ನಡೆಯುತ್ತಿದೆ. ಇಲ್ಲಿ ಶಿವ-ಶಕ್ತಿ ತಂತಿಗಳ ನಡುವೆ ಅನೇಕ ಸಾಮ್ಯತೆಗಳಿವೆ, ಆದರೆ ವ್ಯತ್ಯಾಸಗಳೂ ಇವೆ.
