Asianet Suvarna News Asianet Suvarna News

ಸೌಂದರ್ಯಾ ಬಯೋಪಿಕ್‌ನಲ್ಲಿ ನಟಿಸುವಾಸೆ: ರಶ್ಮಿಕಾ ಮಂದಣ್ಣ

ದಿವಂಗತ ನಟಿ ಸೌಂದರ್ಯಾ ಬಯೋಪಿಕ್‌ನಲ್ಲಿ ನಟಿಸುವ ಆಸೆ ವ್ಯಕ್ತ ಪಡಿಸಿದ ನ್ಯಾಷನಲ್ ಕ್ರಶ್. ಸೌಂದರ್ಯರಂಥ ಪ್ರತಿಭಾನ್ವಿತ ನಟಿ ಪಾತ್ರಕ್ಕೆ ಜೀವ ತುಂಬೋ ಶಕ್ತಿ ರಶ್ಮಿಕಾಗಿದ್ಯಾ, ಅನುಮಾನ ವ್ಯಕ್ತಪಡಿಸಿದ ನೆಟ್ಟಿಗರು. 
 

Kannada actress Rashmika Mandanna express desire to act in Soundarya biopic vcs
Author
Bangalore, First Published Sep 18, 2021, 12:43 PM IST
  • Facebook
  • Twitter
  • Whatsapp

ಸ್ಯಾಂಡಲ್‌ವುಡ್‌ ಸಾನ್ವಿ, ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಅವರು 90ರ ದಶಕದ ಖ್ಯಾತ ನಟಿ ಸೌಂದರ್ಯಾ ಬಯೋಪಿಕ್‌ನಲ್ಲಿ ನಟಿಸಬೇಕು ಎನ್ನುವ ಆಶಯವನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ಖ್ಯಾತ ಅಭಿನೇತ್ರಿ ಸೌಂದರ್ಯಾ ಕನ್ನಡದ ಅದ್ಭುತ ನಟಿಯಾಗಿದ್ದು, ದಕ್ಷಿಣ ಭಾರತೀಯ ಚಿತ್ರಗಳಲ್ಲಿ ನಟಿಸಿದ್ದರು. ತಮ್ಮ ವೃತ್ತಿ ಜೀವನದ ಉತ್ತುಂಗದಲ್ಲಿರುವಾಗಲೇ ವಿಮಾನ ದುರಂತದಲ್ಲಿ ಕೊನೆಯುಸಿರೆಳೆದಿದ್ದು ಮಾತ್ರ ದುರಂತ. 

‘ನೀನು ನಟಿ ಸೌಂದರ್ಯಾ ರೀತಿಯೇ ಇದ್ದೀಯಾ ಎಂದು ಅಪ್ಪ ಯಾವಾಗಲೂ ಹೇಳ್ತಿದ್ರು. ನನ್ನ ಹಾಗೂ ಸೌಂದರ್ಯಾ ನಡುವೆ ಬಹಳ ಹೋಲಿಕೆ ಇದೆ ಅಂತ ಬೇರೆಯವರೂ ಹೇಳಿದ್ದಾರೆ. ಸೌಂದರ್ಯಾ ಅವರು ಮಾಡಿರುವ ಸಿನಿಮಾಗಳು ನನಗಿಷ್ಟ. ಒಂದೊಳ್ಳೆ ಸ್ಕ್ರಿಪ್ಟ್ ಮಾಡ್ಕೊಂಡು ಆಕೆಯ ಬಯೋಪಿಕ್‌ ಮಾಡೋದಾದರೆ ಅದರಲ್ಲಿ ಅಭಿನಯಿಸಲು ನಾನು ರೆಡಿ,’ ಎಂದು ಅವರು ಹೇಳಿದ್ದಾರೆ.

Kannada actress Rashmika Mandanna express desire to act in Soundarya biopic vcs

ಕನ್ನಡ ಸೇರಿ ಮಲಯಾಳಂ, ತಮಿಳು, ತೆಲಗೂ ಚಿತ್ರಗಳಲ್ಲಿಯೂ ನಟಿಸಿದ್ದ ಸೌಂದರ್ಯ ಅವರ ಅಭಿನಯ ನೋಡಲು ದ್ವೀಪ ಹಾಗೂ ಆಪ್ತಮಿತ್ರ ಚಿತ್ರಗಳನ್ನು ನೋಡಬೇಕು. ಸೌಂದರ್ಯಾಕ್ಕೆ ತಕ್ಕಂತೆ ಅವರಲ್ಲಿನ ಕಲಾವಂತಿಕೆಯೂ ಸಿನಿ ಪ್ರೇಮಿಗಳು ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿತ್ತು. ದಶಕಗಳು ಕಳೆದರೂ ಕನ್ನಡಿಗರ ಮನದಲ್ಲಿ ಸೌಂದರ್ಯಾಗೆ ವಿಶೇಷ ಸ್ಥಾನವನ್ನು ಕಲ್ಪಿಸಲಾಗಿದೆ ಎಂಬುದರಲ್ಲಿ ಅನುಮಾನವೇ ಇಲ್ಲ. 

ರಶ್ಮಿಕಾ ಹಿಂದಿಕ್ಕಿದ ಪೂಜಾ ಹೆಗ್ಡೆ... ಕಿರಿಕ್ ಬೆಡಗಿಗೆ ಬೇಡಿಕೆ ಕಡಿಮೆ ಆಯ್ತಾ?

ಕೆಲವು ದಿನಗಳ ಹಿಂದೆ ನಟಿ ಸಾಯಿ ಪಲ್ಲವಿ ಸೌಂದರ್ಯಾ ಬಯೋಪಿಕ್‌ಮಲ್ಲಿ ನಟಿಸುತ್ತಾರೆಂಬ ಸುದ್ದಿ ಹರಡಿತ್ತು. ಇಬ್ಬರೂ ಸ್ಟಾರ್ ನಟಿಯರೇ ಆದರೆ ಕಥೆ ಮಾಡಲು ಯಾವ ಡೈರೆಕ್ಟರ್ ಮುಂದು ಬರುತ್ತಾರೆ ಎಂದು ನೋಡಬೇಕಿದೆ. 

ಬಾಲಿವುಡ್ ಹಾಗೂ ಕಾಲಿವುಡ್‌ನಲ್ಲಿ ರಶ್ಮಿಕಾ ಮಂದಣ್ಣ ಬ್ಯುಸಿಯಾಗಿದ್ದು, ಯಾವ ಕನ್ನಡ ಸಿನಿಮಾಗಳನ್ನು ಒಪ್ಪಿಕೊಂಡಿಲ್ಲ.

Follow Us:
Download App:
  • android
  • ios