Asianet Suvarna News Asianet Suvarna News

ಶೂಟಿಂಗ್‌ ವಿಶ್ವ​ಕಪ್‌ ಫೈನಲ್ಸ್‌: ಭಾರ​ತಕ್ಕೆ 3 ಚಿನ್ನ!

ಐಎಸ್‌ಎಸ್‌ಎಫ್‌ ಶೂಟಿಂಗ್‌ ವಿಶ್ವ​ಕಪ್‌ ಫೈನಲ್ಸ್‌ನಲ್ಲಿ ಭಾರತದ ಯುವ ಶೂಟರ್‌ಗಳು ಮತ್ತೊಮ್ಮೆ ಮಿಂಚುವ ಮೂಲಕ ಮೂರು ಚಿನ್ನದ ಪದಕಗಳಿಗೆ ಕೊರಳೊಡ್ಡಿದ್ದಾರೆ. ಇದರೊಂದಿಗೆ ಭಾರತ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ..

ISSF World Cup Finals Manu Bhaker Elavenil Valarivan Divyansh Panwar clinch golds
Author
China, First Published Nov 22, 2019, 9:49 AM IST

ಪುಟಿ​ಯನ್‌(ನ.22​): ಭಾರ​ತದ ಯುವ ಶೂಟರ್‌ಗಳು ಇಲ್ಲಿ ನಡೆ​ಯು​ತ್ತಿ​ರುವ ಐಎಸ್‌ಎಸ್‌ಎಫ್‌ ಶೂಟಿಂಗ್‌ ವಿಶ್ವ​ಕಪ್‌ ಫೈನಲ್ಸ್‌ನಲ್ಲಿ ಗುರು​ವಾರ 3 ಚಿನ್ನದ ಪದಕ ಜಯಿಸಿದರು. 

ಏಷ್ಯನ್ ಶೂಟಿಂಗ್: ಬೆಳ್ಳಿ ಗೆದ್ದ ಸೌರಭ್ ಚೌಧರಿ

17 ವರ್ಷದ ಮನು ಭಾಕರ್‌, ಮಹಿ​ಳೆ​ಯರ 10 ಮೀ. ಏರ್‌ ಪಿಸ್ತೂಲ್‌ ಸ್ಪರ್ಧೆಯ ಫೈನಲ್‌ನಲ್ಲಿ 244.7 ಅಂಕ ಗಳಿಸಿ ಅಗ್ರ​ಸ್ಥಾನ ಗಳಿ​ಸಿ​ದರು. ಕಿರಿ​ಯರ ವಿಭಾ​ಗ​ದಲ್ಲಿ ಇದು ವಿಶ್ವ ದಾಖಲೆಯ ಅಂಕ​ವೆ​ನಿ​ಸಿತು. 20 ವರ್ಷದ ಎಲಾ​ವೆ​ನಿಲ್‌ ವಲ​ರಿ​ವನ್‌ ಮಹಿಳೆಯರ 10 ಮೀ. ಏರ್‌ ರೈಫಲ್‌ ಫೈನಲ್‌ನಲ್ಲಿ 250.8 ಅಂಕ ಗಳಿಸಿ ಸ್ವರ್ಣ ಪದ​ಕಕ್ಕೆ ಮುತ್ತಿಟ್ಟರು. ಬೆಳ್ಳಿ ಗೆದ್ದ ತೈವಾನ್‌ನ ಲಿನ್‌ ಯಿಂಗ್‌ಗಿಂತ 0.1 ಅಂಕ ಹೆಚ್ಚಿಗೆ ಗಳಿಸಿ ಅಗ್ರ​ ಸ್ಥಾನ ಪಡೆ​ದರು.

ಪುರು​ಷರ 10 ಮೀ.ಏರ್‌ ರೈಫಲ್‌ ಸ್ಪರ್ಧೆ​ಯ ಫೈನಲ್‌ನಲ್ಲಿ 250.1 ಅಂಕ ಗಳಿ​ಸಿದ 17 ವರ್ಷದ ದಿವ್ಯಾನ್ಷ್ ಪನ್ವಾರ್‌ ಭಾರ​ತಕ್ಕೆ 3ನೇ ಚಿನ್ನ ದೊರ​ಕಿ​ಸಿ​ಕೊಟ್ಟರು. 3 ಚಿನ್ನದೊಂದಿಗೆ ಭಾರತ ಪದಕ ಪಟ್ಟಿ​ಯಲ್ಲಿ ಅಗ್ರ​ಸ್ಥಾ​ನ​ಕ್ಕೇ​ರಿದೆ. ಚೀನಾ 2 ಚಿನ್ನ, 1 ಬೆಳ್ಳಿ, 1 ಕಂಚಿ​ನೊಂದಿಗೆ 2ನೇ ಸ್ಥಾನ​ದ​ಲ್ಲಿದೆ.

ಈಗಾಗಲೇ ಮನು ಭಾಕರ್‌, ದಿವ್ಯಾನ್ಷ್ ಪನ್ವಾರ್‌ ಟೋಕಿಯೋ ಒಲಿಂಪಿಕ್ಸ್‌ಗೆ ಅರ್ಹತೆಗಿಟ್ಟಿಸಿಕೊಂಡಿದ್ದು, ಭಾರತ ಪರ ಪದಕ ಗೆಲ್ಲುವ ಭರವಸೆ ಮೂಡಿಸಿದ್ದಾರೆ. 

Follow Us:
Download App:
  • android
  • ios