ಏಷ್ಯನ್ ಗೇಮ್ಸ್‌ನಲ್ಲಿ ಬೆಳ್ಳಿ ಗೆದ್ದ ಭಾರತದ ಮಿಶ್ರ ರಿಲೇ ತಂಡಕ್ಕೀಗ ಚಿನ್ನದ ಭಾಗ್ಯ..!
2018ರ ಏಷ್ಯನ್ ಗೇಮ್ಸ್ ಮಿಶ್ರ ರಿಲೇ ವಿಭಾಗದಲ್ಲಿ ಬೆಳ್ಳಿ ಗೆದ್ದಿದ್ದ ಭಾರತ ತಂಡಕ್ಕೆ ಇದೀಗ ಚಿನ್ನಕ್ಕೆ ಕೊರಳೊಡ್ಡುವ ಭಾಗ್ಯ ಒಲಿದು ಬಂದಿದೆ. ಇದು ಸಾದ್ಯವಾಗಿದ್ದು ಹೇಗೆ ಎನ್ನುವುದರ ಕಂಪ್ಲೀಟ್ ಡೀಟೈಲ್ಸ್ ಇಲ್ಲಿದೆ ನೋಡಿ.
Followನವದೆಹಲಿ(ಜು.24): ಜಕಾರ್ತಾದಲ್ಲಿ ನಡೆದ ಏಷ್ಯಾನ್‌ ಗೇಮ್ಸ್‌ನ 4/400 ಮಿಶ್ರ ರಿಲೇ ವಿಭಾಗದಲ್ಲಿ ಭಾರತ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟುಕೊಂಡಿತ್ತು. ಆದರೆ ಇದೀಗ ಭಾರತ ತಂಡಕ್ಕೆ ಚಿನ್ನದ ಪದಕ ಹುಡುಕಿಕೊಂಡು ಬಂದಿದೆ.
ಹೌದು, ತಾರಾ ಅಥ್ಲೀಟ್‌ಗಳಾದ ಕರ್ನಾಟಕದ ಪೂವಮ್ಮ, ಹಿಮಾ ದಾಸ್‌, ಮೊಹಮದ್‌ ಅನಾಸ್‌ ಮತ್ತು ಆರೋಗ್ಯರಾಜ್‌ ಅವರನ್ನೊಳಗೊಂಡ ಭಾರತದ 4/400 ಮಿಶ್ರ ರಿಲೇ ತಂಡ, 3 ನಿಮಿಷ 15.71 ಸೆ.ಗಳಲ್ಲಿ ಗುರಿ ತಲುಪಿ 2018ರ ಏಷ್ಯನ್ ಗೇಮ್ಸ್‌ನಲ್ಲಿ ಬೆಳ್ಳಿ ಜಯಿಸಿತ್ತು.
ಈ ಸ್ಪರ್ಧೆಯಲ್ಲಿ ಚಿನ್ನ ಗೆದ್ದಿದ್ದ ಬಹರೈನ್‌ ತಂಡ ಇತ್ತೀಚೆಗಷ್ಟೇ ಉದ್ದೀಪನಾ ಮದ್ದು ಸೇವನೆ ಪ್ರಕರಣದಲ್ಲಿ 4 ವರ್ಷ ನಿಷೇಧ ಶಿಕ್ಷೆ ಅನುಭವಿಸಿದೆ. ಹೀಗಾಗಿ 2 ವರ್ಷದ ಹಿಂದೆ ಬೆಳ್ಳಿ ಗೆದ್ದಿದ್ದ ಭಾರತ ಮಿಶ್ರ ರಿಲೇ ತಂಡ, ಚಿನ್ನದ ಪದಕಕ್ಕೆ ಬಡ್ತಿ ಪಡೆದಂತಾಗಿದೆ. ಅಲ್ಲದೇ 400 ಮೀ. ಹರ್ಡಲ್ಸ್‌ನಲ್ಲಿ ಅನು ರಾಘವನ್‌ ಕಂಚು ಗೆದ್ದಿದ್ದಾರೆ. ಈ ವಿಷಯವನ್ನು ಭಾರತ ಅಥ್ಲೆಟಿಕ್ಸ್‌ ಫೆಡರೇಷನ್‌ ಅಧ್ಯಕ್ಷ ಅಡಿಲ್ಲೆ ಸುಮಾರಿವಾಲ ಖಚಿತಪಡಿಸಿದ್ದಾರೆ.
ಕೊರೋನಾ ಕಮ್ಮಿಯಾಗದಿದ್ರೆ 2021ಕ್ಕೂ ಒಲಿಂಪಿಕ್ಸ್ ಇಲ್ಲ..?
ಇದರೊಂದಿಗೆ ಭಾರತದ ಪದಕಗಳ ಸಂಖ್ಯೆ 20ಕ್ಕೆ ಏರಿಕೆಯಾಗಿದ್ದು, ಈ ಪೈಕಿ 8 ಚಿನ್ನ, 9 ಬೆಳ್ಳಿ ಪದಕಗಳು ಸೇರ್ಪಡೆಯಾದಂತಾಗಿದೆ.
