ಡೇವಿಸ್ ಕಪ್: ಫಿನ್ಲೆಂಡ್‌ ವಿರುದ್ಧ ಭಾರತ ಟೆನಿಸ್ ಸೋಲು..!
* ಡೇವಿಸ್ ಕಪ್ ಟೆನಿಸ್ ಟೂರ್ನಿಯಲ್ಲಿ ಭಾರತ ತಂಡಕ್ಕೆ ಆಘಾತಕಾರಿ ಸೋಲು
* ಫಿನ್ಲೆಂಡ್‌ ಎದುರು ಭಾರತ 1-3ರಲ್ಲಿ ಸೋತು ಹಿಂಬಡ್ತಿ ಪಡೆದಿದೆ.
* ಮೊದಲ ದಿನವೇ 2 ಸಿಂಗಲ್ಸ್‌ ಪಂದ್ಯಗಳಲ್ಲಿ ಸೋತು 0-2ರಿಂದ ಹಿನ್ನಡೆ ಅನುಭವಿಸಿದ್ದ ಭಾರತ
Followಎಸ್ಪೂ(ಸೆ.19): ಡೇವಿಸ್ ಕಪ್ ಟೆನಿಸ್ ಪಂದ್ಯಾವಳಿಯಲ್ಲಿ ಭಾರತ ಮುಖಭಂಗ ಅನುಭವಿಸಿದೆ. ಫಿನ್ಲೆಂಡ್‌ ವಿರುದ್ಧ ವಿಶ್ವ ಗುಂಪು-1ರ ಪಂದ್ಯದಲ್ಲಿ ಭಾರತ 1-3ರಲ್ಲಿ ಸೋತು ಹಿಂಬಡ್ತಿ ಪಡೆದಿದೆ. 2022ರ ಡೇವಿಸ್ ಕಪ್‌ನಲ್ಲಿ ಭಾರತ, ವಿಶ್ವ ಗುಂಪು-1ರಲ್ಲಿ ಉಳಿದುಕೊಳ್ಳಬೇಕಿದ್ದರೆ ಪ್ಲೇ-ಆಫ್‌ನಲ್ಲಿ ಆಡಬೇಕಿದೆ.
ಮೊದಲ ದಿನವೇ ಎರಡೂ ಸಿಂಗಲ್ಸ್‌ ಪಂದ್ಯಗಳಲ್ಲಿ ಸೋತು 0-2ರಿಂದ ಹಿನ್ನಡೆ ಅನುಭವಿಸಿದ್ದ ಭಾರತ, ಶನಿವಾರ ಡಬಲ್ಸ್‌ ಪಂದ್ಯದಲ್ಲಿ ಗೆಲ್ಲಲೇಬೇಕಾದ ಅನಿವಾರ್ಯತೆಗೆ ಸಿಲುಕಿತು. ಕೊನೆ ಕ್ಷಣದಲ್ಲಿ ರೋಹನ್ ಬೋಪಣ್ಣ ಜೊತೆ ದಿವಿಜ್‌ ಶರಣ್‌ ಬದಲಿಗೆ ರಾಮ್‌ಕುಮಾರ್‌ ರಾಮನಾಥನ್‌ರನ್ನೇ ಕಣಕ್ಕಿಳಿಸಲು ತಂಡದ ನಾಯಕ ರೋಹಿತ್‌ ರಾಜ್‌ಪಾಲ್‌ ನಿರ್ಧರಿಸದರು.
ನಮ್ಮ ಸಂಬಂಧ ಸರಿಯಿರಲಿಲ್ಲ: ಭೂಪತಿ ಬಗ್ಗೆ ಪೇಸ್‌ ಅಚ್ಚರಿಯ ಹೇಳಿಕೆ
ಆದರೆ ನಿರ್ಣಾಯಕ ಪಂದ್ಯದಲ್ಲಿ ಬೋಪಣ್ಣ-ರಾಮ್‌ಕುಮಾರ್‌ ಜೋಡಿಯು 6-7, 6-7 ಸೆಟ್‌ಗಳಲ್ಲಿ ಹೆನ್ರಿ ಕೊಂಟಿನೆನ್‌ ಹಾಗೂ ಹಾರ್ರಿ ಹೆಲಿಯೊವಾರ ಜೋಡಿ ವಿರುದ್ಧ ಸೋಲುಂಡಿತು. ಔಪಚಾರಿಕವೆನಿಸಿದ್ದ 4ನೇ ಪಂದ್ಯದಲ್ಲಿ ಪ್ರಜ್ನೇಶ್‌ ಗೆದ್ದು ಸೋಲಿನ ಅಂತರವನ್ನು 1-3ಕ್ಕೆ ತಗ್ಗಿಸಿದರು.
