ಆಸ್ಪ್ರೇಲಿಯನ್‌ ಓಪನ್: ಕ್ವಾರ್ಟರ್‌ಗೆ ನಡಾಲ್, ಹಾಲೆಪ್‌
ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ಸ್ಪೇನ್‌ನ ರಾಫೆಲ್ ನಡಾಲ್, ಸಿಮೋನಾ ಹಾಲೆಪ್‌ ಅಂತಿಮ ನಾಲ್ಕರಘಟ್ಟಕ್ಕೆ ಲಗ್ಗೆಯಿಟ್ಟಿದ್ದಾರೆ. ಈ ಕುರಿತಾದ ವಿವರ ಇಲ್ಲಿದೆ ನೋಡಿ..
Followಮೆಲ್ಬರ್ನ್‌(ಜ.28): ಆಸ್ಪ್ರೇಲಿಯನ್‌ ಓಪನ್ ಗೆದ್ದು ರೋಜರ್‌ ಫೆಡರರ್‌ರ 20 ಗ್ರ್ಯಾಂಡ್‌ಸ್ಲಾಂ ದಾಖಲೆ ಸರಿಗಟ್ಟುವತ್ತ ವಿಶ್ವ ನಂ.1 ಆಟಗಾರ ರಾಫೆಲ್ ನಡಾಲ್ ದಿಟ್ಟಹೆಜ್ಜೆ ಇರಿಸಿದ್ದಾರೆ. 19 ಗ್ರ್ಯಾಂಡ್‌ಸ್ಲಾಂಗಳ ಒಡೆಯ ಸ್ಪೇನ್‌ನ ನಡಾಲ್, ಸೋಮವಾರ ನಡೆದ 4ನೇ ಸುತ್ತಿನ ಪಂದ್ಯದಲ್ಲಿ ಆಸ್ಪ್ರೇಲಿಯಾದ ನಿಕ್‌ ಕಿರಿಯೋಸ್‌ ವಿರುದ್ಧ 6-3, 3-6, 7-6, 7-6 ಸೆಟ್‌ಗಳಲ್ಲಿ ಗೆದ್ದು ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದರು.
ನಡಾಲ್ ಅಂತಿಮ 8ರ ಸುತ್ತಿನಲ್ಲಿ 5ನೇ ಶ್ರೇಯಾಂಕಿತ ಆಟಗಾರ, ಆಸ್ಟ್ರಿಯಾದ ಡೊಮಿನಿಕ್‌ ಥೀಮ್‌ರನ್ನು ಎದುರಿಸಲಿದ್ದಾರೆ. 4ನೇ ಶ್ರೇಯಾಂಕಿತ ರಷ್ಯಾದ ಡ್ಯಾನಿಲ್‌ ಮೆಡ್ವೆಡೆವ್‌ರನ್ನು 6-2, 2-6, 4-6, 7-6, 6-2 ಸೆಟ್‌ಗಳಲ್ಲಿ ಮಣಿಸಿದ ಸ್ವಿಜರ್‌ಲೆಂಡ್‌ನ ಸ್ಟ್ಯಾನಿಸ್ಲಾಸ್‌ ವಾವ್ರಿಂಕಾ, ರಷ್ಯಾದ ರುಬ್ಲೆವ್‌ ವಿರುದ್ಧ 6-4, 6-4, 6-4ರಲ್ಲಿ ಗೆದ್ದ 7ನೇ ಶ್ರೇಯಾಂಕಿತ ಜರ್ಮನಿಯ ಅಲೆಕ್ಸಾಂಡರ್‌ ಜ್ವೆರೆವ್‌ ಸಹ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದರು.
ಆಸ್ಪ್ರೇಲಿಯನ್‌ ಓಪನ್ ಕ್ವಾರ್ಟರ್‌ಗೆ ಲಗ್ಗೆಯಿಟ್ಟ ಫೆಡರರ್‌
ಥೀಮ್‌ ತಮ್ಮ 4ನೇ ಸುತ್ತಿನ ಪಂದ್ಯದಲ್ಲಿ ಫ್ರಾನ್ಸ್‌ನ ಗೇಲ್‌ ಮಾನ್ಫಿಲ್ಸ್‌ ವಿರುದ್ಧ 6-2, 6-4, 6-4 ಸೆಟ್‌ಗಳಲ್ಲಿ ಜಯಗಳಿಸಿದರು. ಮಂಗಳವಾರ ನಡೆಯಲಿರುವ ಮೊದಲೆರಡು ಕ್ವಾರ್ಟರ್‌ ಫೈನಲ್‌ಗಳಲ್ಲಿ ನೋವಾಕ್‌ ಜೋಕೋವಿಚ್‌-ಮಿಲೋಸ್‌ ರವೊನಿಚ್‌, ರೋಜರ್‌ ಫೆಡರರ್‌-ಸ್ಯಾಂಡ್‌ಗ್ರೆನ್‌ ಎದುರಾಗಲಿದ್ದಾರೆ.
ಹಾಲೆಪ್‌ಗೆ ಸುಲಭ ಜಯ: 4ನೇ ಶ್ರೇಯಾಂಕಿತೆ ರೊಮೇನಿಯಾದ ಸಿಮೋನಾ ಹಾಲೆಪ್‌, 4ನೇ ಸುತ್ತಿನ ಪಂದ್ಯದಲ್ಲಿ ಬೆಲ್ಜಿಯಂನ ಎಲೈಸ್‌ ಮರ್ಟಿನ್ಸ್‌ ವಿರುದ್ಧ 6-4, 6-4 ಸೆಟ್‌ಗಳಲ್ಲಿ ಸುಲಭ ಜಯ ಪಡೆದು ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದರು. ಈ ಜಯದೊಂದಿಗೆ ಹಾಲೆಪ್‌ ವಿಶ್ವ ರಾರ‍ಯಂಕಿಂಗ್‌ನಲ್ಲಿ 2ನೇ ಸುತ್ತಿಗೇರಿದರು. ಹಾಲೆಪ್‌ ಅಂತಿಮ 8ರ ಸುತ್ತಿನಲ್ಲಿ ಎಸ್ಟೋನಿಯಾದ ಕೊಂಟಾವಿಟ್‌ರನ್ನು ಎದುರಿಸಲಿದ್ದಾರೆ. ನದೆರ್‌ಲೆಂಡ್ಸ್‌ನ ಕೀಕೀ ಬರ್ಟೆನ್ಸ್‌ ವಿರುದ್ಧ 6-3, 6-3 ಸೆಟ್‌ಗಳಲ್ಲಿ ಗೆದ್ದ ಮಾಜಿ ನಂ.1 ಸ್ಪೇನ್‌ನ ಗಾರ್ಬೈನ್‌ ಮುಗುರುಜಾ ಸಹ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದರು.
ಮಂಗಳವಾರ ನಡೆಯಲಿರುವ ಮೊದಲೆರಡು ಕ್ವಾರ್ಟರ್‌ ಫೈನಲ್‌ ಪಂದ್ಯಗಳಲ್ಲಿ ಅಮೆರಿಕದ ಸೋಫಿಯಾ ಕೆನಿನ್‌ಗೆ ಟ್ಯುನೀಶಿಯಾದ ಒನ್ಸ್‌ ಜಬೆಯುರ್‌ ಎದುರಾದರೆ, ವಿಶ್ವ ನಂ.1 ಆಸ್ಪ್ರೇಲಿಯಾದ ಆಶ್ಲೆ ಬಾರ್ಟಿ ಹಾಗೂ 7ನೇ ಶ್ರೇಯಾಂಕಿತೆ ಚೆಕ್‌ ಗಣರಾಜ್ಯದ ಪೆಟ್ರಾ ಕ್ವಿಟೋವಾ ಸೆಣಸಲಿದ್ದಾರೆ.
