1.5 ಲಕ್ಷ ನೀಡಿ ಫ್ಯಾನ್ಸಿ ನಂಬರ್‌ ಖರೀದಿಸಿದ ಯಶ್
ಶಾಂತಿನಗರದ ಟಿಟಿಎಂಸಿ ಕಟ್ಟದಲ್ಲಿರುವ ಸಾರಿಗೆ ಆಯುಕ್ತರ ಕಚೇರಿಯಲ್ಲಿ ಮಂಗಳವಾರ ನಡೆದ ಕೆಎ 05-ಎಂವೈ ಶ್ರೇಣಿಯ ಫ್ಯಾನ್ಸಿ ನೋಂದಣಿ ಸಂಖ್ಯೆಯ ಹರಾಜಿನಲ್ಲಿ 9999 ನೋಂದಣಿ ಸಂಖ್ಯೆ ಅಧಿಕ ಮೊತ್ತ 4.26 ಲಕ್ಷ ರು.ಗೆ ಹರಾಜಾಯಿತು. 1.47 ಲಕ್ಷ ರು. ನೀಡಿ ಚಿತ್ರನಟ ಯಶ್ ಅವರು 8055 ಸಂಖ್ಯೆ ಪಡೆದುಕೊಂಡರು.
ಬೆಂಗಳೂರು (ಜೂ. 20): ಶಾಂತಿನಗರದ ಟಿಟಿಎಂಸಿ ಕಟ್ಟದಲ್ಲಿರುವ ಸಾರಿಗೆ ಆಯುಕ್ತರ ಕಚೇರಿಯಲ್ಲಿ ಮಂಗಳವಾರ ನಡೆದ ಕೆಎ 05-ಎಂವೈ ಶ್ರೇಣಿಯ ಫ್ಯಾನ್ಸಿ ನೋಂದಣಿ ಸಂಖ್ಯೆಯ ಹರಾಜಿನಲ್ಲಿ 9999 ನೋಂದಣಿ ಸಂಖ್ಯೆ ಅಧಿಕ ಮೊತ್ತ 4.26 ಲಕ್ಷ ರು.ಗೆ ಹರಾಜಾಯಿತು. 1.47 ಲಕ್ಷ ರು. ನೀಡಿ ಚಿತ್ರನಟ ಯಶ್ ಅವರು 8055 ಸಂಖ್ಯೆ ಪಡೆದುಕೊಂಡರು.
ಒಟ್ಟು 27 ಫ್ಯಾನ್ಸಿ ನಂಬರ್‌ಗಳು ಹರಾಜಾಗಿದ್ದು, ಸಾರಿಗೆ ಇಲಾಖೆಗೆ ಸುಮಾರು 40 ಲಕ್ಷ ರು.ಆದಾಯ ಬಂದಿದೆ. ಈ 27 ಸಂಖ್ಯೆಗಳ ಪೈಕಿ 0001 (2.86 ಲಕ್ಷ ರು.), 9000(2.85 ಲಕ್ಷ ರು.), 6666 (1.85 ಲಕ್ಷ ರು.), 0009 (1.69 ಲಕ್ಷ ರು.), 0003 (1.15 ಲಕ್ಷ ರು.), 0007 (1.11 ಲಕ್ಷ ರು.) ಸಂಖ್ಯೆಗಳನ್ನು ಭಾರಿ ಮೊತ್ತ ನೀಡಿ ಆಸಕ್ತರು ಖರೀದಿಸಿದರು.
ಯಶ್ ಕಾರಿಗೆ ಬಾಸ್‌(8055) ಸಂಖ್ಯೆ:
ಹರಾಜಿನಲ್ಲಿ 8055 ನೋಂದಣಿ ಸಂಖ್ಯೆಗೆ ಆರಂಭಿಕ ಠೇವಣಿ 75 ಸಾವಿರ ರು. ಇಡಲಾಗಿತ್ತು. ಅನಂತರ ಆರಂಭಗೊಂಡ ಹರಾಜಿನಲ್ಲಿ ರಾಕಿಂಗ್‌ ಸ್ಟಾರ್‌ ಯಶ್ ಹೊಸದಾಗಿ ಖರೀದಿಸಿರುವ ಬೆಂಜ್‌ ಕಾರಿಗೆ ಈ ನೋಂದಣಿ ಸಂಖ್ಯೆಯನ್ನು 72 ಸಾವಿರ ರು.ಗೆ ಹರಾಜು ಕೂಗಿದರು. ಹರಾಜಿನಲ್ಲಿ ಸಂಖ್ಯೆಗೆ ಹೆಚ್ಚಿನವರು ಬಿಡ್‌ ಮಾಡದ ಪರಿಣಾಮ ನಟ ಯಶ್ ಪರವಾಗಿ ಹರಾಜಿನಲ್ಲಿ ಭಾಗವಹಿಸಿದ ಯಶಪರ ಪಾಲ್ಗೊಂಡಿದ್ದ ರಾಕೇಶ್‌ 72 ಸಾವಿರಕ್ಕೆ ಪಡೆದುಕೊಂಡರು. ಹೀಗಾಗಿ ಹರಾಜು ಮೊತ್ತ 72 ಸಾವಿರ ರು. ಮತ್ತು 75 ಸಾವಿರ ಠೇವಣಿ ಸೇರಿದಂತೆ ಒಟ್ಟಾರೆ 1.47 ಲಕ್ಷ ರು. ನೀಡಿ ಯಶ್ ಪರ ಬಿಡ್ಡುದಾರ ರಾಕೇಶ್‌ ಪಡೆದುಕೊಂಡರು.
