ಡಿಕೆಶಿಯ ಮಾಸ್ಟ'ರ್ ಮೈಂಡ್ ಯಾರು ಗೊತ್ತಾ? ಇಂಧನ ಸಚಿವರ ಹಲವು ವ್ಯವಹಾರಗಳ ಉಸ್ತುವಾರಿ ಈತನದೆ
ಮೈಸೂರಿನ ನರಸಿಂಹರಾಜುಕ್ಷೇತ್ರದ ಉಪ ಚುನಾವಣೆ ವೇಳೆ ಡಿಕೆಶಿಗೆ ಆತ್ಮೀಯರಾಗಿದ್ದರು
ಬೆಂಗಳೂರು(ಆ.08): ಡಿಕೆಶಿಯ ಬ್ಯೂಸಿನೆಸ್ ಮೆದುಳು ಅಂತಲೆ ಕರಿಸಿಕೊಳ್ಳುತ್ತಿರುವುದು ವಿನಯ್ ಕಾರ್ತಿಕ್. ಕಾಂಗ್ರೆಸ್ ಹಿರಿಯ ನಾಯಕ ಸಾಹುಕಾರ್ ಚೆನ್ನಯ್ಯ ಅವರ ಮೊಮ್ಮಗ. ಇವರ ಅಜ್ಜಿ ಮೈಸೂರು ಮೇಯರ್ ಕೂಡಾ ಆಗಿದ್ದರು. ವಿನಯ್ ತಂದೆ ಚಂದ್ರಶೇಖರ್ ಬೆಂಗಳೂರಿನ ಎಂಜಿ ರಸ್ತೆಯಲ್ಲಿ ಮಳಿಗೆ ಹೊಂದಿದ್ದಾರೆ.
ವಿನಯ್, ಮೈಸೂರಿನ ನರಸಿಂಹರಾಜುಕ್ಷೇತ್ರದ ಉಪ ಚುನಾವಣೆ ವೇಳೆ ಡಿಕೆಶಿಗೆ ಆತ್ಮೀಯರಾಗಿದ್ದರು. ಚುನಾವಣೆ ಸಿದ್ಧತೆಗೆ ಮನೆ ಹುಡುಕಿಕೊಡೋದು ಸೇರಿದಂತೆ ಹಲವು ಕೆಲಸಗಳನ್ನು ವಿನಯ್ ಕಾರ್ತಿಕ್ ಮಾಡಿದ್ದರು. ಉಪ ಚುನಾವಣೆಯಲ್ಲಿ ವಿನಯ್ ಓಡಾಟ ನೋಡಿ ಮೆಚ್ಚಿಕೊಂಡಿದ್ದ ಡಿಕೆಶಿ. ವಿನಯ್ ಕಾರ್ತಿಕ್ನನ್ನು ಕಾಂಗ್ರೆಸ್ಗೆ ಸೇರಿಸಿಕೊಂಡರು. ಡಿಕೆಶಿಯ ಮೈಸೂರು ವ್ಯವಹಾರಗಳನ್ನು ನೋಡಿಕೊಳ್ಳುತ್ತಿದ್ದ ವಿನಯ್ ಕಾರ್ತಿಕ್, ಬೆಂಗಳೂರಿನ ಕೆಲವು ವ್ಯವಹಾರಗಳನ್ನು ಕೂಡ ನೋಡಿಕೊಳ್ಳುತ್ತಿದ್ದರು. ಡಿಕೆಶಿ ವ್ಯವಹಾರದಲ್ಲಿ ಪಾಲುದಾರರು ಆಗಿರುವ ವಿನಯ್ ಕಾರ್ತಿಕ್, ಇತ್ತೀಚೆಗೆ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿಯಾಗಿ ಆಯ್ಕೆಯಾಗಿದ್ದರು. ಅಲ್ಲದೆ ಗುಜರಾತ್ ಶಾಸಕರ ನಿರ್ವಹಣೆ ಹೊಣೆಯನ್ನೂ ವಿನಯ್ ಕಾರ್ತಿಕ್ ಹೊತ್ತಿಕೊಂಡಿದ್ದರು.
