’ಆ್ಯಕ್ಸಿಡೆಂಟಲ್ ಪಿಎಂ’ ಖೇರ್ ಸೇರಿ 13 ಜನರಿಗೆ ಸಂಕಷ್ಟ!
ಆ್ಯಕ್ಸಿಡೆಂಟಲ್ ಪಿಎಂ: ಖೇರ್ ಸೇರಿ 13 ಜನರ ವಿರುದ್ಧ ಕೇಸ್ಗೆ ಸೂಚನೆ
ಪಟನಾ[ಜ.09]: ಮಾಜಿ ಪ್ರಧಾನಿ ಡಾ.ಮನಮೋಹನ್ ಸಿಂಗ್ ಅವರ ಕುರಿತಾದ ‘ಆ್ಯಕ್ಸಿಡೆಂಟಲ್ ಪ್ರೈಮ್ ಮಿನಿಸ್ಟರ್’ ಸಿನಿಮಾಕ್ಕೆ ಸಂಬಂಧಿಸಿದಂತೆ ನಟ ಅನುಪಮ್ ಖೇರ್ಗೆ ಮತ್ತೊಂದು ಸಂಕಷ್ಟ ಎದುರಾಗಿದೆ.
ವಕೀಲ ಸುಧೀರ್ ಓಜಾ ಎಂಬುವರು ಸಲ್ಲಿಸಿದ ಅರ್ಜಿ ವಿಚಾರಣೆಯನ್ನು ಮಂಗಳವಾರ ನಡೆಸಿದ ಇಲ್ಲಿನ ಸ್ಥಳೀಯ ನ್ಯಾಯಾಲಯವೊಂದು, ನಟ ಅನುಪಮ್ ಖೇರ್ ಸೇರಿದಂತೆ ಈ ಸಿನಿಮಾದಲ್ಲಿ ಅಭಿನಯಿಸಿರುವ ಇತರ 13 ಮಂದಿ ವಿರುದ್ಧವೂ ಎಫ್ಐಆರ್ ದಾಖಲಿಸುವಂತೆ ಆದೇಶಿಸಿದೆ.
ಜ.11ಕ್ಕೆ ಬಿಡುಗಡೆಗೆ ಸಿದ್ಧವಾಗಿರುವ ಆ್ಯಕ್ಸಿಡೆಂಟಲ್ ಪ್ರೈಮ್ ಮಿನಿಸ್ಟರ್ ಚಿತ್ರದ ಪ್ರೋಮೊಗಳಿಂದ ತಮಗೆ ನೋವಾಗಿದೆ ಎಂದು ವಕೀಲ ಸುಧೀರ್ ಓಜಾ ವಾದಿಸಿದ್ದರು.