ಹೀಗಿರುವಾಗಲೇ, ಅಚ್ಚರಿಯೆನಿಸುವಂಥ ಹೊಸ ವಿಚಾರವೊಂದು ತಿಳಿದುಬಂದಿದೆ. ಅದೇನೆಂದರೆ, ಒಬಾಮ ಅವರಿಗೆ ಕಂಪನಿಯೊಂದು ಕೆಲಸದ ಆಫರ್ ನೀಡಿದೆ.
ವಾಷಿಂಗ್ಟನ್(ಜ.10): ಕಳೆದ ಎಂಟು ವರ್ಷಗಳಿಂದ ಅಮೆರಿಕದ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಿರುವ ಬರಾಕ್ ಒಬಾಮ ಅವರು ಇನ್ನೇನು ಕೆಲವೇ ವಾರಗಳಲ್ಲಿ ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿಯಲಿದ್ದಾರೆ. ನಂತರ ಅವರೇನು ಮಾಡುತ್ತಾರೆ ಎಂಬ ಪ್ರಶ್ನೆ ಹಲವರಲ್ಲಿ ಉದ್ಭವಿಸಿರಬಹುದು.
Add Asianetnews Kannada as a Preferred Source
ಹೀಗಿರುವಾಗಲೇ, ಅಚ್ಚರಿಯೆನಿಸುವಂಥ ಹೊಸ ವಿಚಾರವೊಂದು ತಿಳಿದುಬಂದಿದೆ. ಅದೇನೆಂದರೆ, ಒಬಾಮ ಅವರಿಗೆ ಕಂಪನಿಯೊಂದು ಕೆಲಸದ ಆಫರ್ ನೀಡಿದೆ. ವಿಶ್ವದ ಪ್ರಮುಖ ಮ್ಯೂಸಿಕ್ ಕಂಪನಿಯಾಗಿರುವ ‘ಸ್ಪೋಟಿೈ’ ಇದೀಗ ‘ಪ್ರೆಸಿಡೆಂಟ್ ಆಫ್ ಪ್ಲೇಲಿಸ್ಟ್’ ಹಾಗೂ ‘ಕನಿಷ್ಠ 8 ವರ್ಷದ ಅನುಭವವುಳ್ಳ, ದೇಶದ ಬಗ್ಗೆ ಅಪಾರ ಒಲವಿರುವವರು ಬೇಕಾಗಿದ್ದಾರೆ,’’ ಎಂಬ ಜಾಹೀರಾತನ್ನು ಪ್ರಕಟಿಸಿದೆ. ಅಷ್ಟೇ ಅಲ್ಲ, ನಮ್ಮಲ್ಲಿ ಕೆಲಸಕ್ಕೆ ಸೇರುವವರು ನೊಬೆಲ್ ಶಾಂತಿ ಪ್ರಶಸ್ತಿ ಪುರಸ್ಕೃತರಾಗಿದ್ದು, ಕಲಾವಿದರು, ಸಂಗೀತ ಪ್ರೇಮಿಗಳೊಂದಿಗೆ ಉತ್ತಮ ಬಾಂಧವ್ಯ ಹೊಂದಿರಬೇಕು,’’ ಎಂದೂ ಜಾಹೀರಾತಿನಲ್ಲಿ ತಿಳಿಸಲಾಗಿದೆ. ಈ ಮೂಲಕ ಕಂಪನಿಯು ಪರೋಕ್ಷವಾಗಿ ಒಬಾಮ ಅವರಿಗೆ ಆಫರ್ ನೀಡಿದೆ.
