ಎಲ್ಲರ ಗಮನ ಸೆಳೆಯಿತು ಅಪರೂಪದ ವಿವಾಹ ದಿಬ್ಬಣ
ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರಿನಲ್ಲಿ ಸೋಮವಾರ ಅಪರೂಪದ ವಿವಾಹದ ದಿಬ್ಬಣವೊಂದಕ್ಕೆ ನಾಗರಿಕರು ಸಾಕ್ಷಿಗಳಾದರು.
ಪುತ್ತೂರು: ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರಿನಲ್ಲಿ ಸೋಮವಾರ ಅಪರೂಪದ ವಿವಾಹದ ದಿಬ್ಬಣವೊಂದಕ್ಕೆ ನಾಗರಿಕರು ಸಾಕ್ಷಿಗಳಾದರು. ಪುತ್ತೂರು ನಗರದಲ್ಲಿ ಎಕ್ಸ್ಕವೇಟರ್ ಆಪರೇಟರ್ ಆಗಿರುವ ಚೇತನ್ ಅವರ ವಿವಾಹ ಮಮತಾ ಎಂಬವರೊಂದಿಗೆ ಕುಂಬ್ರದ ಕೊಯ್ಲತ್ತಡ್ಕ ಶಿವಕೃಪಾ ಆಡಿಟೋರಿಯಂನಲ್ಲಿ ಸೋಮವಾರ ನಡೆಯಿತು.
ಈ ಸಂದರ್ಭ ಮದುವೆಯ ದಿಬ್ಬಣ ಮಾಣಿ-ಮೈಸೂರು ಹೆದ್ದಾರಿಯಲ್ಲಿ ಸುಮಾರು 2 ಕಿ.ಮೀ. ದೂರ ಎಕ್ಸ್ಕವೇಟರ್ (ಜೆಸಿಬಿ ಎಂದೇ ಜನಜನಿತ)ನಲ್ಲೇ ಸಾಗಿದ್ದು ವಿಶೇಷವಾಗಿತ್ತು. ಈ ಚಿತ್ರ ಈಗ ಸಾಮಾಜಿಕ ಜಾಲ ತಾಣದಲ್ಲೂ ಪ್ರಚಾರ ಪಡೆಯುತ್ತಿದೆ.