ಪ್ರಯಾಣಿಕರೆ ಗಮನಿಸಿ ಭಾರತೀಯ ರೈಲ್ವೆಯಿಂದ ನಿಮಗೊಂದು ಸಿಹಿ ಸುದ್ದಿ
ಹಾಲಿಯಿರುವ ಪಾವತಿಸಿ ಮತ್ತು ಉಪಯೋಗಿಸಿ ಯೋಜನೆಯನ್ನು ಬದಲಾಯಿಸಿ ಉಚಿತ ಇಲ್ಲವೆ ತೀರ ಕಡಿಮೆ ಹಣ ಪಾವತಿಸುವ ಯೋಜನೆಯಿದೆ.
ನವದೆಹಲಿ(ಫೆ.12): ಭಾರತೀಯ ರೈಲ್ವೆ ಪ್ರಯಾಣಿಕರಿಗೆ ಸಹಿ ಸುದ್ದಿ ನೀಡಿದೆ. ಇನ್ನು ಕೆಲವು ದಿನಗಳಲ್ಲಿ ರೈಲ್ವೆ ನಿಲ್ದಾಣಗಳಲ್ಲಿನ ಶೌಚಾಲಯಗಳಲ್ಲಿ ಹಣ ಪಾವತಿಸಬೇಕಾಗಿಲ್ಲ ಅಥವಾ ತೀರ ಕಡಿಮೆ ಹಣ ಪಾವತಿಸಬೇಕಾಗುತ್ತದೆ.
ಇತ್ತೀಚಿಗೆ ನಡೆದ ರೈಲ್ವೆ ಮಂಡಳಿಯ ಸಭೆಯ ನೂತನ ಪ್ರಸ್ತಾವನೆಯಲ್ಲಿ ಈ ವಿಷಯ ಪ್ರಸ್ತಾಪವಾಗಿದ್ದು ಹಾಲಿಯಿರುವ ಪಾವತಿಸಿ ಮತ್ತು ಉಪಯೋಗಿಸಿ ಯೋಜನೆಯನ್ನು ಬದಲಾಯಿಸಿ ಉಚಿತ ಇಲ್ಲವೆ ತೀರ ಕಡಿಮೆ ಹಣ ಪಾವತಿಸುವ ಯೋಜನೆಯಿದೆ.
ಹಾಲಿ ಪದ್ಧತಿಯಂತೆ ಎಲ್ಲ ರೈಲ್ವೆಗಳ ಶೌಚಾಲಯಗಳಲ್ಲಿ 2 ರಿಂದ 20 ರೂ.ಗಳ ವರೆಗೂ ದರ ವಿಧಿಸಲಾಗುತ್ತದೆ. ಮಂಡಳಿ ರೂಪಿಸಿರುವ ನೂತನ ವರದಿಯಲ್ಲಿ ಶೌಚಾಲಯವಿರದ ಸಣ್ಣಪುಟ್ಟ ನಿಲ್ದಾಣಗಳಲ್ಲಿಯೂ ಪ್ರಯಾಣಿಕರ ಹಾಗೂ ಸಿಬ್ಬಂದಿಯ ಆರೋಗ್ಯದ ಹಿತದೃಷ್ಟಿಯಿಂದ ಶೌಚಾಲಯಗಳನ್ನು ನಿರ್ಮಿಸಲಾಗುತ್ತದೆ.