ಪಬ್ ಜಿಯಲ್ಲಿ ಬಿಜಿಯಾದ್ರೆ ಜೈಲೂಟ ಫಿಕ್ಸ್.. ಹುಚ್ಚಾಟ ಆಡ್ತಿದ್ದವರ ಬಂಧನ
ಯುವಜನತೆಯನ್ನು ಒಂದರ್ಥದಲ್ಲಿ ಕಂಗೆಡಿಸಿರುವ ಪಬ್ ಜಿ ಗೇಮ್ ಮೇಲೆ ಕಠಿಣ ಕ್ರಮ ತೆಗೆದುಕೊಳ್ಳಲಾಗಿದೆ. ಗುಜರಾತ್ ಪೊಲೀಸರು ಮೊದಲ ಹೆಜ್ಜೆ ಇಟ್ಟಿದ್ದಾರೆ.
ಅಹಮದಾಬಾದ್[ಮಾ. 14] ಯುವಕರ ಮಾನಸಿಕ ಸ್ಥಿತಿಯನ್ನೇ ಕದಡುತ್ತಿರುವ ಪಬ್ ಜಿ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಲು ಗುಜರಾತ್ ಪೊಲೀಸರು ಮುಂದಾಗಿದ್ದಾರೆ. ಗೇಮ್ ಆಡುತ್ತಿದ್ದ 10 ಜನರನ್ನು ಬಂಧಿಸಿದ್ದಾರೆ.
ಗುಜರಾತ್ನ ಸೂರತ್, ರಾಜ್ಕೋಟ್ ಮತ್ತು ವಡೋದರಾಗಳಲ್ಲಿ ಕಳೆದ ವಾರ ಗೇಮ್ ಮೇಲೆ ನಿಷೇಧ ಹೇರಲಾಗಿದೆ. ಆ ನಂತರ ಗುಜರಾತ್ನ ಹಲವು ನಗರಗಳಲ್ಲಿ ಪಬ್ಜಿ ಮತ್ತು ಮೋಮೋ ಚಾಲೆಂಜ್ ಅನ್ನು ನಿಷೇಧಿಸಿ ಆದೇಶ ಹೊರಡಿಸಲಾಗಿದೆ. ಆದರೂ ಮೊಬೈಲ್ ಗೇಮ್ ನಲ್ಲಿ ಬಿಜಿಯಾಗಿದ್ದ 6 ವಿದ್ಯಾರ್ಥಿಗಳು ಸೇರಿದಂತೆ 10 ಜನರನ್ನು ಬಂಧಿಸಲಾಗಿದೆ.
ಬಂಧಿತ ಯುವಕರಲ್ಲಿ ಹಲವರಿಗೆ ತಮ್ಮ ಸುತ್ತಲಿನ ಪ್ರಪಂಚದ ಅರಿವೇ ಇರಲಿಲ್ಲ. ಬಂಧಿತರ ಮೊಬೈಲ್ ಫೋನ್ಗಳನ್ನು ಜಪ್ತಿ ಮಾಡಲಾಗಿದ್ದು ಎಲ್ಲರಿಗೂ ಇದೊಂದು ಎಚ್ಚರಿಕೆ ಸಂದೇಶ ಆಗಿದೆ ಎಂದು ಪೊಲೀಸ್ ಅಧಿಕಾರಿ ರೋಹಿತ್ ರಾವಲ್ ತಿಳಿಸಿದ್ದಾರೆ.
Last Updated Mar 14, 2019, 9:59 PM IST
