ಟೆರರ್ ಕ್ಯಾಂಪ್`ಗಳು ನಮ್ಮ ಜೀವನವನ್ನ ನರಕವಾಗಿಸಿವೆ: ಪಿಓಕೆ ಜನರ ನೋವಿನ ನುಡಿ

ಶ್ರೀನಗರ(ಅ.06): ಪಾಕಿಸ್ತಾನ ಉಗ್ರರನ್ನ ಪೋಷಿಸುತ್ತಿದೆ ಎಂದು ಆರೋಪಕ್ಕೆ ತಾಜಾ ಉದಾಹರಣೆ ಸಿಕ್ಕಿದೆ. ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ ಉಗ್ರರ ನೆಲೆಗಳು ಟ್ರೈನಿಂಗ್ ಕ್ಯಾಂಪ್`ಗಳಿರುವ ಬಗ್ಗೆ ಮತ್ತು ಅದನ್ನ ಪಾಕಿಸ್ತಾನವೇ ಪೋಷಿಸುತ್ತಿರುವ ಬಗ್ಗೆ ಅಲ್ಲಿನ ನಿವಾಸಿಗಳೇ ಸತ್ಯ ಬಿಚ್ಚಿಟ್ಟಿದ್ದಾರೆ.

ನಾವಿಲ್ಲಿ ಜೀವಂತ ನರಕದಲ್ಲಿದ್ದೇವೆ. ಟೆರರ್ ಕ್ಯಾಂಪ್`ಗಳು ನಮಗೆ ನರಕ ತೋರಿಸುತ್ತಿವೆ ಎಂದು ಪಾಕ್ ಆಕ್ರಮಿತ ಕಾಶ್ಮೀರದ ಜನ ನೋವನ್ನ ವ್ಯಕ್ತಪಡಿಸಿರುವುದಾಗಿ ಎಎನ್`ಐ ವರದಿ ಮಾಡಿದೆ.

ಪಾಕ್ ಆಕ್ರಮಿತ ಕಾಶ್ಮೀರದ ಮುಜಾಫರಬಾದ್, ಕೋಟ್ಲಿ, ಚಿನಾರಿ, ಮೀರ್ಪುರ್, ಗಿಲ್ಗಿಟ್, ಡೈಮರ್ ಮತ್ತು ನೀಲಂ ಕಣಿವೆಯ ಜನ ಇದೀಗ ಪಾಕಿಸ್ತಾನದ ಈ ವರ್ತನೆ ವಿರುದ್ಧ ಸಿಡಿದೆದ್ದಿದ್ದು ಪ್ರತಿಭಟನೆ ನಡೆಸುತ್ತಿದ್ಧಾರೆ. ಇಲ್ಲಿ ನಿಷೇಧಿತ ಉಗ್ರಗಾಮಿಗಳ ಸಂಘಟನೆಗಳ ಕ್ಯಾಂಪ್`ಗಳಿದ್ದು, ಪಾಕಿಸ್ತಾನವೇ ಅವರನ್ನ ಪೋಷಿಸುತ್ತಿದೆ ಎಂದು ಆರೋಪಿಸಿದ್ಧಾರೆ.

 ಇಲ್ಲಿನ ಉಗ್ರಗಾಮಿ ಕ್ಯಾಂಪ್`ಗಳಿಗೆ ಪಾಕಿಸ್ತಾನದಿಂದಲೇ ಆಹಾರ, ದಿನಸಿ ಸರಬರಾಜಾಗುತ್ತಿದೆ. ತಿಂದು ಕೊಬ್ಬಿದ ಗ್ರರು ಇಲ್ಲಿನ ಹಳ್ಳಿಗಳನ್ನ ಲೂಟಿ ಮಾಡುತ್ತಿರುವುದಲ್ಲದೆ, ಮಹಿಳೆಯರಿಗೆ ಲೈಂಗಿಕ ಕಿರುಕುಳ ನೀಡುತ್ತಿದ್ದಾರೆ ಎಂದು ಇಲ್ಲಿನ ಜನ ಆರೋಪಿಸಿದ್ಧಾರೆ.