ಏನಪ್ಪಾ ಅವಸ್ಥೆ, ಕಿಸ್ ಮಾಡುವಾಗಲೇ ಗಂಡನ ನಾಲಿಗೆ ತುಂಡರಿಸಿದ ಪತ್ನಿ!
ತನ್ನ ಗಂಡ ನೋಡಲು ಚೆನ್ನಾಗಿಲ್ಲ ಎಂದು ಭಾವಿಸಿದ ಪತ್ನಿ ಗಂಡನಿಗೆ ಚುಂಬಿಸುವ ವೇಳೆ ಆತನ ಅರ್ಥ ನಾಲಿಗೆಯನ್ನೇ ಕಚ್ಚಿ ತುಂಡರಿಸಿದ್ದಾಳೆ. ಇಂಥ ವಿಚಿತ್ರ ಪ್ರಕರಣಕ್ಕೆ ರಾಷ್ಟ್ರ ರಾಜಧಾನಿ ನವದೆಹಲಿ ಸಾಕ್ಷಿಯಾಗಿದೆ.
ನವದೆಹಲಿ (ಸೆ.24) ತನ್ನ ಪತಿ ನೋಡಲು ಚೆನ್ನಾಗಿಲ್ಲ ಎಂದು ಪತ್ನಿಯೊಬ್ಬಳು ಆತನಿಗೆ ಕಿಸ್ ಮಾಡುತ್ತಲೇ ಅರ್ಧ ನಾಲಿಗೆ ಕಚ್ಚಿ ತುಂಡರಿಸಿದ್ದಾಳೆ. ನವದೆಹಲಿಯ ರಾನ್ ಹೋಲಾ ಭಾಗದಲ್ಲಿ ಶನಿವಾರ ಇಂಥ ಘಟನೆ ನಡೆದಿದೆ.
ಎಂಟು ತಿಂಗಳ ಗರ್ಭಿಣಿಯಾಗಿರುವ ಪತ್ನಿ, ತನ್ನ ಪತಿ ನೋಡಲು ಚೆನ್ನಾಗಿಲ್ಲ ಎಂದು ಆತನ ಜೊತೆ ಯಾವಾಗಲೂ ಜಗಳವಾಡುತ್ತಿದ್ದಳು. ಹಾಗಾಗಿ ಆಕೆ ಪತಿಗೆ ಕಿಸ್ ಮಾಡುತ್ತಲೇ ನಾಲಿಗೆ ಕಚ್ಚಿದ್ದಾಳೆ. ಪತಿ ತನ್ನ ಅರ್ಧ ನಾಲಿಗೆಯನ್ನೇ ಕಳೆದುಕೊಂಡಿದ್ದಾನೆ. ಈ ಇಬ್ಬರ ನಡುವೆ ಹೊಂದಾಣಿಕೆ ಇರಲಿಲ್ಲ. ಪದೇ ಪದೇ ಜಗಳವಾಡುತ್ತಿದ್ದರು ನಂತರ ಸರಿಯಾಗುತ್ತಿದ್ದರು.
ಇದೇ ರೀತಿ ಶನಿವಾರ ರಾತ್ರಿ ಹಾಸಿಗೆಯಲ್ಲಿ ಒಂದಾಗಿದ್ದ ವೇಳೆ ಇದ್ದಕ್ಕಿದ್ದಂತೆ ಆಕ್ರೋಶಗೊಂಡ ಪತ್ನಿ ಪತಿಯ ನಾಲಿಗೆ ಕತ್ತರಿಸಿದ್ದಾಳೆ. 2016ರ ನವೆಂಬರ್ ನಲ್ಲಿ ವಿವಾಹವಾಗಿದ್ದ ಜೋಡಿ ಜಗಳವಾಡುತ್ತಲೆ ಸಂಸಾರ ಮಾಡಿಕೊಂಡು ಬಂದಿತ್ತು.