ಸ್ಟಾಕ್ಹೋಂ(ಅ.4): ಪ್ರಸಕ್ತ ಸಾಲಿನ ಭೌತಶಾಸ ನೊಬೆಲ್ ಮೂವರು ಬ್ರಿಟಿಷ್ ವಿಜ್ಞಾನಿಗಳ ಪಾಲಾಗಿದೆ. ವಿಲಕ್ಷಣ ಭೌತವಸ್ತುಗಳ ರಹಸ್ಯವನ್ನು ಬಯಲುಗೊಳಿಸಿದ್ದಕ್ಕಾಗಿ ವಿಜ್ಞಾನಿಗಳಾದ ಡೇವಿಡ್ ಥೌಲೆಸ್, ಡಂಕನ್ ಹಲ್ಡೇನ್ ಮತ್ತು ಮೈಕೆಲ್ ಕೋಸ್ಟರ್ಲಿಟ್ಝ್ರಿಗೆ ಈ ಗೌರವ ಸಂದಿದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
‘‘ಈ ಸಾಧಕರು ಭೌತವಸ್ತುಗಳು ವಿಚಿತ್ರ ಸ್ಥಿತಿಗೆ ತಲುಪುವಂತಹ ಹೊಸ ಜಗತ್ತನ್ನು ನಮಗೆ ತೋರಿಸಿದ್ದಾರೆ. ಸುಧಾರಿತ ಉಪಕರಣಗಳನ್ನು ಬಳಸಿ ಸೂಪರ್ಕಂಡಕ್ಟರ್ಗಳು, ಸೂಪರ್ಲ್ಯ್ೂಯಡ್ಗಳು ಅಥವಾ ತೆಳ್ಳನೆಯ ಕಾಂತೀಯ ಪದರಗಳು ಮತ್ತಿತರ ಭೌತವಸ್ತುಗಳ ಅಸಾಮಾನ್ಯ ಸ್ಥಿತಿಯನ್ನು ಅಥವಾ ಹಂತಗಳನ್ನು ಪ್ರದರ್ಶಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಪ್ರಸಕ್ತ ವರ್ಷದ ಭೌತ ನೊಬೆಲ್ ಅನ್ನು ಈ ಮೂವರು ವಿಜ್ಞಾನಿಗಳಿಗೆ ನೀಡುತ್ತಿದ್ದೇವೆ,’’ ಎಂದು ನೊಬೆಲ್ ತೀರ್ಪುಗಾರರು ಹೇಳಿದ್ದಾರೆ.
9.31 ಲಕ್ಷ ಯುಎಸ್ ಡಾಲರ್ ಮೊತ್ತದ ಪ್ರಶಸ್ತಿಯ ಅರ್ಧಭಾಗ ಥೌಲೆಸ್ ಅವರಿಗೆ ಸಂದರೆ, ಉಳಿದರ್ಧವನ್ನು ಡಂಕನ್ ಮತ್ತು ಮೈಕೆಲ್ ಹಂಚಿಕೊಳ್ಳಲಿದ್ದಾರೆ.
