ಬೀಚ್ನಿಂದ ಮಾಯವಾದ ನಿಗೂಢ ಲೋಹದ ವಸ್ತು: ಎಲ್ಲೋಯ್ತು?
ಬೀಚ್ನಲ್ಲಿ ಯಾರೂ ಕಂಡಿರದ ಬೃಹತ್ ಲೋಹದ ವಸ್ತು! ಯಾರ ಗಮನಕ್ಕೂ ಬಾರದೇ ಸಮುದ್ರದಲ್ಲಿ ಕಣ್ಮರೆಯಾದ ವಸ್ತು!ಮುಳಗಿದ ಹಡಗೊಂದರ ಪ್ರಮುಖ ಭಾಗವೇ ಈ ಲೋಹದ ವಸ್ತು?! ಏಲಿಯನ್ ಶಿಪ್ವೊಂದರ ತುಂಡರಿಸಿದ ಭಾಗ ಅಂತಾರೆ ಜನ
ಸೀಬ್ರೂಕ್(ಅ.11): ಬೀಚ್ನಲ್ಲಿ ಪತ್ತೆಯಾದ ನಿಗೂಢ ವಸ್ತುವೊಂದು ಅಷ್ಟೇ ನಿಗೂಢವಾಗಿ ಸಮುದ್ರದಲ್ಲಿ ಕಣ್ಮರೆಯಾದ ಘಟನೆ ದಕ್ಷಿಣ ಕರೋಲಿನಾದ ಸೀಬ್ರೂಕ್ ನಲ್ಲಿ ನಡೆದಿದೆ.
ಇಲ್ಲಿನ ಬೀಚ್ನಲ್ಲಿ ಪತ್ತೆಯಾದ ಬೃಹತ್ ಲೋಹದ ವಸ್ತು ಸಾರ್ವಜನಿಕರ ಕುತೂಹಲ ಕೆರಳಿಸಿದ್ದು, ಈ ಬೃಹತ್ ವಸ್ತು ಏನಿರಬಹುದೆಂದು ಜನ ಮಾತನಾಡಿಕೊಳ್ಳುತ್ತಿದ್ದರು.
ಆದರೆ ಕೆಲ ಸಮಯದ ಬಳಿಕ ಈ ನಿಗೂಢ ವಸ್ತು ಯಾರ ಗಮನಕ್ಕೂ ಬಾರದಂತೆ ಮತ್ತೆ ಸಮುದ್ರದಲ್ಲಿ ಕೊಚ್ಚಿ ಹೋಗಿದ್ದು, ಇದೀಗ ಜನ ಆತಂಕ ಪಡುವಂತಾಗಿದೆ.
ಈ ವಸ್ತುವಿನ ಕುರಿತು ವಿವಿಧ ಅಭಿಪ್ರಾಯಗಳು ವ್ಯಕ್ತವಾಗುತ್ತಿದ್ದು, ಕೆಲವರು ಇದನ್ನು ಮುಳಗಿದ ಹಡಗೊಂದರ ಭಾಗ ಇರಬಹುದು ಎಂದು ವಾದಿಸಿದರೆ, ಮತ್ತೆ ಕೆಲವರು ಸಮುದ್ರದಾಳದಲ್ಲಿ ಇರಬಹುದಾದ ಏಲಿಯನ್ ಶಿಪ್ ವೊಂದರ ಭಾಗ ಎಂದು ವಾದಿಸುತ್ತಿದ್ದಾರೆ.
ಸದ್ಯ ಈ ಬೃಹತ್ ಲೋಹದ ವಸ್ತು ಯಾವುದು?, ಅದು ಇಲ್ಲಿಗೆ ಹೇಗೆ ಬಂತು?, ಮತ್ತು ಅದು ಕಣ್ಮರೆಯಾಗಿದ್ದು ಹೇಗೆ ಎಂಬುದರ ಕುರಿತು ಸಾಗರ ತಜ್ಞರೇ ಉತ್ತರಿಸಬೇಕಿದೆ.