ಮಾಹಿತಿ ನೀಡದೇ ಸಮುದ್ರ ಮಾರ್ಗದಲ್ಲಿ ಮಾಲ್ಡೀವ್ಸ್ ಮಾಜಿ ಅಧ್ಯಕ್ಷ ಭಾರತಕ್ಕೆ!
ಮಾಲ್ಡೀವ್ಸ್ ದೇಶದ ಮಾಜಿ ಅಧ್ಯಕ್ಷ ಅಹಮದ್ ಅದೀಬ್ ಅದ್ಬುಲ್ ಗಫರ್ ಅವರು ಸಮುದ್ರ ಮಾರ್ಗವಾಗಿ ಬೋಟ್ ಮೂಲಕ ತಮಿಳುನಾಡಿಗೆ ಆಗಮಿಸಿದ್ದಾರೆ. ಆದರೆ ಮಾಹಿತಿ ನೀಡದೇ ಆಗಮಿಸಿದ ಹಿನ್ನೆಲೆ ಅವರನ್ನು ವಿಚಾರಣೆಗೆ ಒಳಪಡಿಸಲಾಗಿದೆ.
ತೂತ್ತುಕುಡಿ [ಆ.02]: ಮಾಲ್ಡೀವ್ಸ್ ದೇಶದ ಮಾಜಿ ಅಧ್ಯಕ್ಷ ಅಹಮದ್ ಅದೀಬ್ ಅದ್ಬುಲ್ ಗಫರ್ ಅವರು ಗುರುವಾರ ಸಮುದ್ರ ಮಾರ್ಗವಾಗಿ ಬೋಟ್ ಮೂಲಕ ತಮಿಳುನಾಡಿನ ತೂತ್ತುಕುಡಿಗೆ ಆಗಮಿಸಿದ್ದಾರೆ.
ಯಾವುದೇ ಪೂರ್ವ ಮಾಹಿತಿ ನೀಡದೇ, ನೆರೆ ದೇಶದ ಮಾಜಿ ಅಧ್ಯಕ್ಷರು ಹೀಗೆ ಏಕಾಏಕಿ ಬಂದ ಹಿನ್ನೆಲೆಯಲ್ಲಿ, ಕೇಂದ್ರೀಯ ತನಿಖಾ ಸಂಸ್ಥೆಗಳು ಗಫರ್ ಅವರನ್ನು ವಿಚಾರಣೆಗೆ ಗುರಿಪಡಿಸಿವೆ. ಬೇರೆ ದೇಶಗಳ ಗಣ್ಯರು ಭಾರತಕ್ಕೆ ಬರುವುದಾದರೆ ಪೂರ್ವ ಮಾಹಿತಿ ನೀಡಬೇಕು ಹಾಗೂ ಅವರ ಆಗಮನಕ್ಕೆ ತಕ್ಕಂತೆ ಸ್ವಾಗತ ಕೈಗೊಳ್ಳಲಾಗುತ್ತದೆ.
ಆದರೆ ಸಮುದ್ರಮಾರ್ಗದಲ್ಲಿ ದಿಢೀರ್ ಆಗಮಿಸಿದ ಹಿನ್ನೆಲೆಯಲ್ಲಿ ಬೋಟ್ನಲ್ಲೇ ಅದೀಬ್ರನ್ನು ವಿಚಾರಣೆಗೆ ಗುರಿಪಡಿಸಲಾಗಿದೆ.