JNU ಎಲೆಕ್ಷನ್: ABVPಯನ್ನ ಮಕಾಡೆ ಮಲಗಿಸಿದ ಪ್ರಗತಿಪರ ಒಕ್ಕೂಟ
ತೀವ್ರ ಕುತೂಹಲ ಕೆರಳಿಸಿದ್ದ ಜೆಎನ್ಯು ವಿಶ್ವವಿದ್ಯಾಲಯ ಚುನಾವಣೆ ಫಲಿತಾಂಶ ಇಂದು (ಭಾನುವಾರ) ಹೊರಬಿದ್ದಿದೆ. ಪ್ರಬಲ ಎಬಿವಿಪಿಯನ್ನ ಮಣಿಸಲು ಒಂದಾಗಿದ್ದ ಎಡ ಪ್ರಗತಿಪರ ವಿದ್ಯಾರ್ಥಿಗಳ ಒಕ್ಕೂಟ ವಿಜಯ ಪತಾಕೆ ಹಾರಿಸಿದೆ.
ದೆಹಲಿ, (ಸೆ.16): ತೀವ್ರ ಕುತೂಹಲ ಕೆರಳಿಸಿದ್ದ 2018r ಜೆಎನ್ಯು ವಿಶ್ವವಿದ್ಯಾಲಯ ಚುನಾವಣೆ ಫಲಿತಾಂಶ ಇಂದು (ಭಾನುವಾರ) ಹೊರಬಿದ್ದಿದೆ. ಪ್ರಬಲ ಎಬಿವಿಪಿಯನ್ನ ಮಣಿಸಲು ಒಂದಾಗಿದ್ದ ಎಡ ಪ್ರಗತಿಪರ ವಿದ್ಯಾರ್ಥಿಗಳ ಒಕ್ಕೂಟ ವಿಜಯ ಪತಾಕೆ ಹಾರಿಸಿದೆ.
ಶನಿವಾರ ನಡೆದ ಮತ ಏಣಿಕೆ ವೇಳೆ ಎಬಿವಿಪಿ ವಿರುದ್ಧ ಗಲಾಟೆ ಮಾಡಿರುವ ಆರೋಪ ಕೇಳಿ ಬಂದಿತ್ತು. ಈ ಹಿನ್ನೆಲೆಯಲ್ಲಿ ಮತ ಎಣಿಕೆಯನ್ನ ಸುಮಾರು 14 ಗಂಟೆಗಳ ಕಾಲ ಮುಂದೂಡಲಾಗಿತ್ತು. ಅದರಂತೆ ಇಂದು ಮತ ಎಣೆಕೆ ಪ್ರಕ್ರಿಯೆ ನಡೆದಿದ್ದು, ಭಾರತೀಯ ವಿದ್ಯಾರ್ಥಿ ಪರಿಷತ್ (ಎಬಿವಿಪಿ) ಮಕಾಡೆ ಮಲಗಿದೆ.
ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಸೇರಿ ಪ್ರಮುಖ 4 ಸ್ಥಾನಗಳಿಗೆ ಎಡ ಪ್ರಗತಿಪರ ವಿದ್ಯಾರ್ಥಿಗಳ ಒಕ್ಕೂಟದ ಅಭ್ಯರ್ಥಿಗಳು ಆಯ್ಕೆಯಾಗಿದ್ದಾರೆ. ಅಧ್ಯಕ್ಷರಾಗಿ ಎನ್.ಸಾಯಿ ಬಾಲಾಜಿ, ಉಪಾಧ್ಯಕ್ಷರಾಗಿ ಸಾರಿಕಾ ಚೌಧರಿ, ಪ್ರಧಾನ ಕಾರ್ಯದರ್ಶಿಯಾಗಿ ಎಜಾಝ್ ಅಹ್ಮದ್, ಕಾರ್ಯದರ್ಶಿಯಾಗಿ ಅಮುದಾ ಜಯ ದೀಪ್ ಆಯ್ಕೆಯಾಗಿದ್ದಾರೆ.
