ಈ ಬಾರಿ ಒಟ್ಟು 1,099 ಅಭ್ಯರ್ಥಿಗಳು ಆಯ್ಕೆಯಾಗಿದ್ದಾರೆ. ಇವರಲ್ಲಿ 846 ಪುರುಷರು, 253 ಮಹಿಳೆಯರು ಇದ್ದಾರೆ. ಜನರಲ್ ಕೆಟಗರಿಯಿಂದ 500, ಒಬಿಸಿಯಿಂದ 347, ಪರಿಶಿಷ್ಟ ಜಾತಿಯಿಂದ 163, ಪರಿಶಿಷ್ಟ ಪಂಗಡದಿಂದ 89 ಜನರು ತೇರ್ಗಡೆಯಾಗಿದ್ದಾರೆ.
ಬೆಂಗಳೂರು(ಜೂನ್ 05): ಕೇಂದ್ರ ಲೋಕಸೇವಾ ಆಯೋಗ ನಡೆಸುವ ಪರೀಕ್ಷೆಗಳು ಎಷ್ಟು ಕಠಿಣ ಎಂಬುದಕ್ಕೆ ಈ ಬಾರಿಯ ಐಎಎಸ್ ಪರೀಕ್ಷೆ ಟಾಪರ್ಸ್ ಗಳಿಸಿದ ಅಂಕಗಳೇ ಕೈಗನ್ನಡಿಯಾಗಿವೆ. ಐಎಎಸ್'ನಲ್ಲಿ ಫಸ್ಟ್ ರ್ಯಾಂಕ್ ಗಳಿಸಿದ ಕನ್ನಡತಿ ಕೆಆರ್ ನಂದಿನಿ 55.3% ಪಡೆದಿದ್ದಾರೆ. ನಂದಿನಿ ಸೇರಿದಂತೆ ಸಿವಿಲ್ ಸರ್ವಿಸಸ್ ಪರೀಕ್ಷೆಗಳಲ್ಲಿ ಟಾಪ್ ಆದವರ ಅಂಕಗಳನ್ನು ಯುಪಿಎಸ್ಸಿ ಬಹಿರಂಗಪಡಿಸಿದೆ. ಪ್ರೀಲಿಮಿನರಿಯಲ್ಲಿ ತೇರ್ಗಡೆಯಾದ ನಂತರ ಮೈನ್ ಮತ್ತು ಇಂಟರ್'ವ್ಯೂ ಎಂಬ ಎರಡು ಹಂತಗಳಲ್ಲಿ ನಡೆಯುವ ಈ ಪರೀಕ್ಷೆಯಲ್ಲಿ ಒಟ್ಟು 2,025 ಅಂಕಗಳಿರುತ್ತವೆ. ಇದರಲ್ಲಿ ನಂದಿನಿ ಪಡೆದದ್ದು 1,120 ಅಂಕಗಳು. ಮೈನ್ ಮತ್ತು ಇಂಟರ್ವ್ಯೂ ಸುತ್ತಿನಲ್ಲಿ ನಂದಿನಿ ಪಡೆದದ್ದು 927 ಮತ್ತು 193 ಅಂಕಗಳನ್ನ.
ಐಎಎಸ್ ಟಾಪರ್'ಗಳಲ್ಲಿ ಅತ್ಯಂತ ಕಡಿಮೆ ಅಂಕ ಗಳಿಸಿದ್ದು ಅಭಿಷೇಕ್ ಶ್ರೀವಾಸ್ತವ. ಪರೀಕ್ಷೆಯಲ್ಲಿ ಯಶಸ್ವಿಯಾದ 1,099 ಅಭ್ಯರ್ಥಿಗಳ ಪೈಕಿ ಕೊನೆಯವರಾದ ಇವರು 40.34 ಪರ್ಸೆಂಟ್, ಅಂದರೆ 817 ಅಂಕಗಳನ್ನ ಪಡೆದಿದ್ದಾರೆ.
ಈ ಬಾರಿ ಒಟ್ಟು 1,099 ಅಭ್ಯರ್ಥಿಗಳು ಆಯ್ಕೆಯಾಗಿದ್ದಾರೆ. ಇವರಲ್ಲಿ 846 ಪುರುಷರು, 253 ಮಹಿಳೆಯರು ಇದ್ದಾರೆ. ಜನರಲ್ ಕೆಟಗರಿಯಿಂದ 500, ಒಬಿಸಿಯಿಂದ 347, ಪರಿಶಿಷ್ಟ ಜಾತಿಯಿಂದ 163, ಪರಿಶಿಷ್ಟ ಪಂಗಡದಿಂದ 89 ಜನರು ತೇರ್ಗಡೆಯಾಗಿದ್ದಾರೆ.
ಟಾಪರ್ಸ್'ಗಳ ಅಂಕಪಟ್ಟಿ:
ಒಟ್ಟು ಅಂಕಗಳು: 2025
1) ನಂದಿನಿ ಕೆಆರ್: 1,120 (55.3%)
2) ಅನ್ಮೋನ್ ಶೇರ್ ಸಿಂಗ್ ಬೇಡಿ: 1,105 (54.37%)
3) ಗೋಪಾಲಕೃಷ್ಣ ರೋಣಂಕಿ: 1,101 (54.37%)
1,099) ಅಭಿಷೇಕ್ ಶ್ರೀವಾಸ್ತವ: 817 (40.34%)
2015ರ ಸಿವಿಲ್ ಸರ್ವಿಸಸ್ ಪರೀಕ್ಷೆಯ ಟಾಪರ್ ಆಗಿದ್ದ ಟೀನಾ ಡಾಬಿ ಅವರು 1,063 ಅಂಕ (52.49%) ಪಡೆದಿದ್ದರು.
ಸಿಎ, ಐಸಿಡಬ್ಲ್ಯೂಎಐಯಂತಹ ಪರೀಕ್ಷೆಗಳಂತೆಯೇ ನಾಗರಿಕ ಸೇವಾ ಪರೀಕ್ಷೆಗಳೂ ಕೂಡ ಅತ್ಯಂತ ಕಠಿಣ ಮೌಲ್ಯಮಾಪನ ಪ್ರಕ್ರಿಯೆ ಹೊಂದಿದೆ. ಅಂಕ ಗಳಿಸುವುದು ಅಷ್ಟು ಸುಲಭವಾಗಿಲ್ಲ ಎಂಬುದು ವೇದ್ಯವಾಗಿದೆ.
