ಟೆಸ್ಟ್ ಕ್ಯಾಪ್ ಪಡೆದು ನಾಯಕ ಅಲಿಸ್ಟರ್ ಕುಕ್ ಜೊತೆ ಮೈದಾನಕ್ಕಿಳಿದ ಜೆನ್ನಿಂಗ್ಸ್ ಭಾರತದ ಬೌಲಿಂಗ್ ದಾಳಿಯನ್ನ ಯಶಸ್ವಿಯಾಗಿ ಎದುರಿಸಿದರು. 219 ಎಸೆತಗಳಲ್ಲಿ ಭರ್ಜರಿ 112 ರನ್ ಸಿಡಿಸಿ ಸಂಭ್ರಮಿಸಿದರು. ಈ ಮೂಲಕ ಪಾದಾರ್ಪಣೆ ಮಾಡಿದ ಪಂದ್ಯದಲ್ಲೇ ವಿದೇಶದಲ್ಲಿ ಶತಕ ಸಿಡಿಸಿದ ಸಾಧನೆ ಮಾಡಿದ ಇಂಗ್ಲೀಷ್ ಆಟಗಾರ ಎಂಬ ಖ್ಯಾತಿ ಗಳಿಸಿದ್ದಾರೆ.
ಮುಂಬೈ(ಡಿ.08): ಕೆಟೋನ್ ಜೆನ್ನಿಂಗ್ಸ್.. ಇಂಗ್ಲೆಂಡ್ ಕ್ರಿಕೆಟ್ ಸಾಗರದಲ್ಲಿ ಹೊಸ ಅಲೆ. ಮುಂಬೈನಲ್ಲಿ ನಡೆಯುತ್ತಿರುವ ಭಾರತ ವಿರುದ್ಧದ 4ನೇ ಟೆಸ್ಟ್ ಪಂದ್ಯದಲ್ಲಿ ಟೆಸ್ಟ್ ಕ್ರಿಕೆಟ್`ಗೆ ಪಾದಾರ್ಪಣೆ ಮಾಡಿದ ಜೆನ್ನಿಂಗಸ್, ಪಾದಾರ್ಪಣೆ ಮಾಡಿದ ಪಂದ್ಯದಲ್ಲೇ ಶತಕ ಸಿಡಿಸಿ ದಾಖಲೆ ಬರೆದಿದ್ದಾರೆ.
ಟೆಸ್ಟ್ ಕ್ಯಾಪ್ ಪಡೆದು ನಾಯಕ ಅಲಿಸ್ಟರ್ ಕುಕ್ ಜೊತೆ ಮೈದಾನಕ್ಕಿಳಿದ ಜೆನ್ನಿಂಗ್ಸ್ ಭಾರತದ ಬೌಲಿಂಗ್ ದಾಳಿಯನ್ನ ಯಶಸ್ವಿಯಾಗಿ ಎದುರಿಸಿದರು. 219 ಎಸೆತಗಳಲ್ಲಿ ಭರ್ಜರಿ 112 ರನ್ ಸಿಡಿಸಿ ಸಂಭ್ರಮಿಸಿದರು. ಈ ಮೂಲಕ ಪಾದಾರ್ಪಣೆ ಮಾಡಿದ ಪಂದ್ಯದಲ್ಲೇ ವಿದೇಶದಲ್ಲಿ ಶತಕ ಸಿಡಿಸಿದ ಸಾಧನೆ ಮಾಡಿದ ಇಂಗ್ಲೀಷ್ ಆಟಗಾರ ಎಂಬ ಖ್ಯಾತಿ ಗಳಿಸಿದ್ದಾರೆ.
ಆರ್`ಸಿಬಿಯ ಮಾಜಿ ಕೋಚ್ ಪುತ್ರ ಜೆನ್ನಿಂಗ್ಸ್: ಈ ಜೆನ್ನಿಂಗ್ಸ್ ಬೇರಾರೂ ಅಲ್ಲ. 2008ರಿಂದ 2013ರವರೆಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಕೋಚ್ ಆಗಿ ಕೆಲಸ ಮಾಡಿದ್ದ ದಕ್ಷಿಣ ಆಫ್ರಿಕಾದ ರಾಯ್ ಜೆನ್ನಿಂಗ್ಸ್ ಪುತ್ರ. ರಾಯ್ ಜೆನ್ನಿಂಗ್ಸ್ 2004ರಲ್ಲಿ ದಕ್ಷಿಣ ಆಫ್ರಿಕಾದ ಕೋಚ್ ಆಗಿ, 19 ವರ್ಷದೊಳಗಿನವರ ತಂಡದ ಕೋಚ್ ಆಗಿಯೂ ಕಾರ್ಯನಿರ್ವಹಿಸಿದ್ದಾರೆ.
