ಮತ್ತೊಂದು ಸಾಧನೆಗೆ ಇಸ್ರೋ ಸಿದ್ಧ!
ತಿರುನೆಲ್ವೇಲಿ (ಫೆ.19): ಮೊನ್ನೆಯಷ್ಟೇ ಏಕಕಾಲದಲ್ಲಿ ಒಂದೇ ರಾಕೆಟ್ ಮೂಲಕ 104 ಉಪಗ್ರಹ ಉಡಾವಣೆ ಮಾಡಿದ್ದ ಇಸ್ರೋ ಈಗ ಮತ್ತೊಂದು ಸಾಧನೆಗೆ ಸಜ್ಜಾಗಿದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಸಂಪೂರ್ಣ ದೇಶೀಯವಾಗಿ ಅಭಿವೃದ್ಧಿಪಡಿಸಿರುವ ಕ್ರಯೋಜೆನಿಕ್ ಎಂಜಿನ್ನ ಕೊನೆಯ ಹಂತದ ಪರೀಕ್ಷೆಯನ್ನು ಇಸ್ರೊ ಯಶಸ್ವಿಯಾಗಿ ನಡೆಸಿದೆ.
ಏಪ್ರಿಲ್ನಲ್ಲಿ ಈ ಎಂಜಿನನ್ನು ಭೂಸ್ಥಿರ ಉಪಗ್ರಹ ಉಡಾವಣಾ ವಾಹನ ‘ಜಿಎಸ್ಎಲ್ವಿ - ಎಂಕೆ 3’ಗೆ ಅಳವಡಿಸಲಾಗುತ್ತದೆ. ಈ ರಾಕೆಟ್ 50 ಮೀಟರ್ ಎತ್ತರವಿದ್ದು, 415 ಟನ್ ತೂಕವಿರಲಿದೆ. ರಾಕೆಟ್ ಎಂಜಿನ್ಗಳಲ್ಲೇ ಕ್ರಯೋಜೆನಿಕ್ ಎಂಜಿನ್ ಅತ್ಯಂತ ಸಂಕೀರ್ಣವಾದ ತಂತ್ರಜ್ಞಾನ.
ಸದ್ಯ ರಷ್ಯಾ, ಅಮೆರಿಕ, ಫ್ರಾನ್ಸ್, ಚೀನಾ, ಜಪಾನ್ ಮತ್ತು ಭಾರತದ ಬಳಿ ಮಾತ್ರ ಈ ತಂತ್ರಜ್ಞಾನವಿದೆ.
