ಭಾರತೀಯ ಮೂಲದ ಉದ್ಯಮಿಯ ಮಗಳು! ಲಂಡನ್ ಐಷಾರಾಮಿ ವಿದ್ಯಾರ್ಥಿನಿ ಎಂಬ ಹೆಗ್ಗಳಿಕೆ! ಈಕೆಯ ಉಪಚಾರಕ್ಕೆ 12 ಜನ ಸಿಬ್ಬಂದಿ ನೇಮಕ! ಪತ್ರಿಕೆಯಲ್ಲಿ ಜಾಹಿರಾತು ಹಾಕಿದ ಉದ್ಯಮಿ ಕುಟುಂಬ!ವಾಸಕ್ಕಾಗಿ ಪ್ರತ್ಯೇಕ ಬಂಗಲೆಯನ್ನೇ ಖರೀದಿಸಿದ ಉದ್ಯಮಿ
ಲಂಡನ್(ಸೆ.12): ದೇಶದ ಶ್ರೀಮಂತ ಉದ್ಯಮಿಗಳ, ನಟರ ಮಕ್ಕಳು ವಿದ್ಯಾಭ್ಯಾಸಕ್ಕಾಗಿ ಲಂಡನ್ಗೆ ತೆರಳುತ್ತಾರೆ. ಈ ಮಕ್ಕಳ ಜೀವನ ಶೈಲಿ, ಓಡಾಟ, ಸುತ್ತಾಟ ಆಗಾಗ ಮಾಧ್ಯಮಗಳಲ್ಲಿ ಚರ್ಚೆಯಾಗುತ್ತಿರುತ್ತದೆ.
ಆದರೆ ಅವರಾರೂ ಲಂಡನ್ನ 'ಐಷಾರಾಮಿ ವಿದ್ಯಾರ್ಥಿ' ಎಂದು ಕರೆಸಿಕೊಂಡಿರಲಿಲ್ಲ. ಆದರೆ ಈಗ ಭಾರತೀಯ ಮೂಲದ ಆಗರ್ಭ ಶ್ರೀಮಂತ ಉದ್ಯಮಿಯೊಬ್ಬರ ಮಗಳು ಲಂಡನ್ನಲ್ಲಿ ಅತ್ಯಂತ ಐಷಾರಾಮಿ ವಿದ್ಯಾರ್ಥಿನಿ ಎಂದು ಕರೆಸಿಕೊಂಡಿದ್ದಾರೆ.
ಈ ವಿದ್ಯಾರ್ಥಿನಿ ಲಂಡನ್ ನ ಅತೀ ಐಷಾರಾಮಿ ವಿದ್ಯಾರ್ಥಿನಿ ಎಂದು ಕರೆಸಿಕೊಳ್ಳಲು ಕಾರಣವೂ ಇದೆ. ಊಟ, ಬಟ್ಟೆ, ಮೇಕಪ್ ನಿಂದ ಹಿಡಿದು ಆಕೆಯ ಸಂಪೂರ್ಣ ವೈಯಕ್ತಿಕ ಕೆಲಸಗಳನ್ನು ನಿರ್ವಹಿಸಲು 12 ಸಿಬ್ಬಂದಿ ಬೇಕಿದ್ದಾರೆ ಎಂದು ಅವರ ಪೋಷಕರು ಜಾಹಿರಾತು ನೀಡಿದ್ದಾರೆ.
ಮಗಳು ಸಾಮಾನ್ಯ ವಿದ್ಯಾರ್ಥಿ ನಿಲಯದಲ್ಲಿ ಇರುವುದು ಬೇಡವೆಂದು ಐಷಾರಾಮಿ ಬಂಗಲೆಯನ್ನು ಖರೀದಿಸಿದ್ದಾರೆ ಈ ಉದ್ಯಮಿ. ಈಕೆಯ ಉಪಚಾರಕ್ಕಾಗಿ ನೇಮಕವಾಗುವ ಸಿಬ್ಬಂದಿಯನ್ನೂ ಅದೇ ಬಂಗಲೆ ಯಲ್ಲಿ ಇರಿಸಲಾಗುವುದು ಎಂದು ಜಾಹೀರಾತಿನಲ್ಲಿ ತಿಳಿಸಲಾಗಿದೆ. ಆದರೆ ಆ ಉದ್ಯಮಿ ಯಾರು ಎಂಬುದನ್ನು ಭದ್ರತೆಯ ಕಾರಣಕ್ಕೆ ಬಹಿರಂಗಪಡಿಸಿಲ್ಲ.
