ನವದೆಹಲಿ[ಆ.28]: ವಾಯುಪಡೆಯಲ್ಲಿ ಮರಳಿ ಯುದ್ಧ ವಿಮಾನ ಚಲಾಯಿಸುವ ಅರ್ಹತೆಯನ್ನು ಇತ್ತೀಚೆಗಷ್ಟೇ ಪಡೆದುಕೊಂಡಿದ್ದ ವಿಂಗ್‌ ಕಮಾಂಡರ್‌ ಅಭಿನಂದನ್‌ ವರ್ತಮಾನ್‌ ಸೆ.3ರಂದು ಮತ್ತೆ ಮಿಗ್‌ 21 ವಿಮಾನ ಹಾರಿಸಲಿದ್ದಾರೆ.

ಅಂದು ಅಮೆರಿಕ ನಿರ್ಮಿತ ಬೋಯಿಂಗ್‌ ಎಎಚ್‌-64ಇ ಅಪಾಚೆ ಗಾರ್ಡಿಯನ್‌ ಹೆಲಿಕಾಪ್ಟರ್‌ಗಳು ಭಾರತೀಯ ವಾಯುಪಡೆಗೆ ಅಧಿಕೃತವಾಗಿ ಸೇರ್ಪಡೆಯಾಗುತ್ತಿದ್ದು, ಆ ವೇಳೆ ನಡೆಯುವ ಕಾರ್ಯಕ್ರಮದ ಭಾಗವಾಗಿ ಅಭಿನಂದನ್‌ ಮಿಗ್‌-21 ಯುದ್ಧ ವಿಮಾನ ಚಲಾಯಿಸಲಿದ್ದಾರೆ.

ವಿಂಗ್ ಕಮಾಂಡರ್ ಅಭಿನಂದನ್ ಯಾರು? ಇಲ್ಲಿದೆ ಧೀರ ಯೋಧನಿಗೆ ಸಂಬಂಧಿಸಿದ ಎಲ್ಲಾ ಸುದ್ದಿಗಳು

ಭಾರತೀಯ ಯೋಧರು ಶತ್ರು ದೇಶದ ವಶಕ್ಕೆ ಸಿಕ್ಕಿ ಮರಳಿದ ಬಳಿಕ ಅವರನ್ನು ದೈಹಿಕ ತಪಾಸಣೆಗೆ ಗುರಿಪಡಿಲಾಗುತ್ತದೆ. ಈ ವೇಳೆ ಯೋಧನ ಕಾರ್ಯಕ್ಷಮತೆಯನ್ನು ಪರೀಕ್ಷಿಸಲಾಗುತ್ತದೆ. ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ ಇಂಥ ಪರೀಕ್ಷೆಯಲ್ಲಿ ಅಭಿನಂದನ್‌ ಪಾಸಾಗುವ ಮೂಲಕ, ಮತ್ತೆ ಯುದ್ಧ ವಿಮಾನ ಚಲಾಯಿಸುವ ಅರ್ಹತೆ ಪಡೆದುಕೊಂಡಿದ್ದರು.