ಗುಜರಾತ್ ಸ್ಥಳೀಯಾಡಳಿತ ಸಂಸ್ಥೆಗಳ ಚುನಾವಣಾ ಫಲಿತಾಂಶ ಪ್ರಕಟ
ಗುಜರಾತ್ ಸ್ಥಳೀಯಾಡಳಿತ ಸಂಸ್ಥೆಗಳಿಗೆ ನಡೆದ ಚುನಾವಣೆ ಫಲಿತಾಂಶಗಳು ಪ್ರಕಟವಾಗಿದ್ದು, ಬಿಜೆಪಿಯು 75ರ ಪೈಕಿ 47 ಕಡೆ ಜಯಭೇರಿ ಬಾರಿಸಿದೆ.
ನವದೆಹಲಿ: ಗುಜರಾತ್ ಸ್ಥಳೀಯಾಡಳಿತ ಸಂಸ್ಥೆಗಳಿಗೆ ನಡೆದ ಚುನಾವಣೆ ಫಲಿತಾಂಶಗಳು ಪ್ರಕಟವಾಗಿದ್ದು, ಬಿಜೆಪಿಯು 75ರ ಪೈಕಿ 47 ಕಡೆ ಜಯಭೇರಿ ಬಾರಿಸಿದೆ.
ಕಳೆದ ಬಾರಿ 59 ಸ್ಥಾನಗಳನ್ನು ಗಳಿಸಿದ್ದ ಬಿಜೆಪಿ ಈ ಬಾರಿ 47 ಕಡೆ ಜಯಗಳಿಸಿದೆ. ಕಳೆದ ಬಾರಿ 13 ಕಡೆ ಗೆಲುವು ಸಾಧಿಸಿದ್ದ ಕಾಂಗ್ರೆಸ್ ಈ ಬಾರಿ 16 ಕಡೆ ಅಧಿಕಾರದ ಚುಕ್ಕಾಣಿ ಹಿಡಿಯುವಲ್ಲಿ ಯಶಸ್ವಿಯಾಗಿದೆ.
ಉಳಿದ ಕಡೆ, ಎನ್’ಸಿಪಿ-1, ಬಿಎಸ್ಪಿ-1, ಹಾಗೂ 6 ಕಡೆ ಯಾರಿಗೂ ಬಹುಮತ ಸಿಕ್ಕಿಲ್ಲವೆಂದು ಚುನಾವಣಾ ಆಯುಕ್ತರು ತಿಳಿಸಿದ್ದಾರೆ.
ಕಳೆದ ಫೆ.17ರಂದು ಗುಜರಾತ್ ರಾಜ್ಯದ್ಯಂತ ಸ್ಥಳೀಯಾಡಳಿತ ಸಂಸ್ಥೆಗಳಿಗೆ, 2 ಜಿಲ್ಲಾ ಪಂಚಾಯತ್, 17 ತಾಲ್ಲೂಕು ಹಾಗೂ 1400 ಗ್ರಾಮ ಪಂಚಾಯತ್’ಗಳಿಗೆ ಚುನಾವಣೆ ನಡೆದಿತ್ತು.
ಕಳೆದ ಗುಜರಾತ್ ವಿಧಾನಸಭಾ ಚುನಾವಣೆಯಲ್ಲಿ ಬಿಜಪಿ 99 ಸೀಟುಗಳನನ್ನು ಗಳಿಸುವ ಮೂಲಕ ಪ್ರಯಾಸದಾಯಕ ಜಯ ಗಳಿಸಿತ್ತು. ಕಾಂಗ್ರೆಸ್ 77 ಸ್ಥಾನಗಳನ್ನು ಗಳಿಸಿತ್ತು.