ಪರ್ರಿಕರ್ ಅನಾರೋಗ್ಯ : ನೂತನ ಸಿಎಂ ನೇಮಕ?
ಗೋವಾ ಸಿಎಂ ಮನೋಹರ್ ಪರ್ರಿಕರ್ ಅವರಿಗೆ ಅನಾರೋಗ್ಯ ಕಾಡಿದ್ದು ಸದ್ಯ ಅವರು ಚಿಕಿತ್ಸೆಗಾಗಿ ಅಮೆರಿಕಾಗೆ ತೆರಳಿದ್ದಾರೆ. ಈ ನಿಟ್ಟಿನಲ್ಲಿ ಗೋವಾದಲ್ಲಿ ರಾಜಕೀಯ ಚರ್ಚೆಯು ಕಾವೇರಿದೆ.
ಪಣಜಿ: ಅನಾರೋಗ್ಯಕ್ಕೀಡಾದ ಗೋವಾ ಮುಖ್ಯಮಂತ್ರಿ ಮನೋಹರ ಪರ್ರಿಕರ್ ಅವರು ವೈದ್ಯಕೀಯ ಚಿಕಿತ್ಸೆಗೆ ಅಮೆರಿಕಕ್ಕೆ ತೆರಳಿದ್ದಾರೆ.
ಇತ್ತ ರಾಜ್ಯದ ಪೂರ್ಣಾವಧಿ ಮುಖ್ಯಮಂತ್ರಿ ನೇಮಕ ವಿಚಾರದಲ್ಲಿ ರಾಜ್ಯಪಾಲೆ ಮೃದುಲಾ ಸಿನ್ಹಾ ಅವರು ಮಧ್ಯಸ್ಥಿಕೆ ವಹಿಸುವ ಬಗ್ಗೆ ಕಾಂಗ್ರೆಸ್ ಪ್ರಸ್ತಾಪಿಸಿದೆ.
ಈ ಕುರಿತು ಗುರುವಾರ ಮಾತನಾಡಿದ ಕಾಂಗ್ರೆಸ್ ಶಾಸಕಾಂಗ ಮುಖ್ಯಸ್ಥ ಹಾಗೂ ಗೋವಾ ವಿಧಾನಸಭೆ ಪ್ರತಿಪಕ್ಷ ನಾಯಕ ಚಂದ್ರಕಾಂತ್‌ ಕಾವ್ಲೇಕರ್‌, ‘ಗೋವಾದಲ್ಲಿ ಸ್ವಯಂಘೋಷಿತ ತುರ್ತು ಪರಿಸ್ಥಿತಿ ಇದೆ.
ರಾಜ್ಯದ ಆಡಳಿತದ ಬಗ್ಗೆ ವಿಚಾರಿಸಬೇಕೆಂದರೆ, ಯಾರೂ ಕೈಗೆ ಸಿಗಲ್ಲ. ಇದರಿಂದಾಗಿ ಆಡಳಿತ ಸಂಪೂರ್ಣವಾಗಿ ಬಿದ್ದು ಹೋಗಿದ್ದು, ಸಾರ್ವಜನಿಕರು ಸಂಕಷ್ಟಕ್ಕೀಡಾಗಿದ್ದಾರೆ,’ ಎಂದು ಹೇಳಿದ್ದಾರೆ.
Last Updated Sep 9, 2018, 9:36 PM IST
