ಪ್ರಮಾಣ ವಚನ ಕಾರ್ಯಕ್ರಮದಲ್ಲಿ ಕಡಿಮೆ ಸಂಖ್ಯೆಯಲ್ಲಿ ಜನರು ಭಾಗವಹಿಸಿದ್ದರು ಎಂಬ ಸುಳ್ಳು ವರದಿಗಳಿಗೆ ಮಾಧ್ಯಮಗಳು ಬೆಲೆತೆರಬೇಕಾದಿತು ಎಂದು ಟ್ರಂಪ್ ಎಚ್ಚರಿಸಿದ್ದಾರೆ.
ವಾಷಿಂಗ್ಟನ್ (ಜ.22): ನೂತನ ಅಮೆರಿಕಾ ಅಧ್ಯಕ್ಷರಾಗಿ ಪ್ರಮಾಣ ವಚನ ಸ್ವೀಕರಿದ ಬಳಿಕವೂ ಡೊನಾಲ್ಡ್ ಟ್ರಂಪ್ ವಿವಾದಾತ್ಮಕ ಹೇಳಿಕೆಯನ್ನು ನೀಡುವ ತಮ್ಮ ಚಾಳಿಯನ್ನು ಮುಂದುವರೆಸಿದ್ದಾರೆ.
Add Asianetnews Kannada as a Preferred Source
ಭೂಮಿಯ ಮೇಲಿರುವ ಅತ್ಯಂತ ಅಪ್ರಾಮಾಣಿಕ ಜನರು ಪತ್ರಕರ್ತರು ಎಂದು ಹೇಳುವ ಮೂಲಕ ಮಾಧ್ಯಮಗಳ ವಿರುದ್ಧ ವಾಗ್ದಾಳಿಯನ್ನು ಮುಂದುವರೆಸಿದ್ದಾರೆ.
ಸಿಐಏ ಅಧಿಕಾರಿಗಳ ಸಭೆಯಲ್ಲಿ ಭಾಗವಹಿಸಿ ಟ್ರಂಪ್ ಮಾತನಾಡುತ್ತಿದ್ದರು.
ಮಾಧ್ಯಮದೊಂದಿಗೆ ನಾನು ಒಂದು ರೀತಿಯ ಯುದ್ಧ ನಡೆಸುತ್ತಲೇ ಇದ್ದೇನೆ; ಪ್ರಮಾಣ ವಚನ ಕಾರ್ಯಕ್ರಮದಲ್ಲಿ ಕಡಿಮೆ ಸಂಖ್ಯೆಯಲ್ಲಿ ಜನರು ಭಾಗವಹಿಸಿದ್ದರು ಎಂಬ ಸುಳ್ಳು ವರದಿಗಳಿಗೆ ಮಾಧ್ಯಮಗಳು ಬೆಲೆತೆರಬೇಕಾದಿತು ಎಂದು ಎಚ್ಚರಿಸಿದ್ದಾರೆ.
ಸಮಾರಂಭದಲ್ಲಿ ಮಿಲಿಯನ್’ಗಟ್ಟಲೇ ಸಭಿಕರು ಸೇರಿದ್ದರು; ಆದರೆ ಮಾಧ್ಯಮಗಳು ಖಾಲಿಯಿದ್ದ ಸ್ಥಳದ ಚಿತ್ರವನ್ನು ತೋರಿಸುವ ಮೂಲಕ ಜನರೇ ಸೇರಿಲ್ಲವೆಂದು ಬಿಬಿಸಲು ಪ್ರಯತ್ನಿಸಿವೆ, ಎಂದು ಟ್ರಂಪ್ ಕಿಡಿಕಾರಿದ್ದಾರೆ.
