ಹಿಂದೂಗಳ ಕೈಬಿಟ್ಟ ಡೊನಾಲ್ಡ್ ಟ್ರಂಪ್
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಪದೇ ಪದೇ ಕೆಲ ವಿಚಾರಗಳಲ್ಲಿ ಪೇಚಿಗೆ ಸಿಲುಕುವುದು ಸಾಮಾನ್ಯ ಸಂಗತಿಯಾಗಿದೆ. ಇದೀಗ ದೀಪಾವಳಿ ಶುಭಾಶಯ ಕೋರಿ ಅದರಲ್ಲಿ ಹಿಂದುಗಳನ್ನೇ ಮರೆತುಬಿಟ್ಟಿದ್ದಾರೆ.
ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಹಿಂದೂಗಳ ಪವಿತ್ರ ಹಬ್ಬಗಳಲ್ಲಿ ಒಂದಾಗಿರುವ ದೀಪಾವಳಿ ಸಂಭ್ರಮದ ಶುಭಾಶಯ ಕೋರಿದ್ದಾರೆ.
ಆದರೆ, ಹಿಂದೂಗಳನ್ನೇ ಮರೆಯುವ ಮೂಲಕ ಇದೀಗ ತಾವೇ ಪೇಚಿಗೆ ಸಿಲುಕಿದ್ದಾರೆ. ಟ್ರಂಪ್ ನ. 7 ರಂದು ಶ್ವೇತಭವನದ ಐತಿಹಾಸಿಕ ರೂಸ್‌ವೆಲ್ಟ್‌ ಕೊಠಡಿಯಲ್ಲಿ ಭಾರತೀಯ-ಅಮೆರಿಕನ್ನರು, ಭಾರತೀಯ ಮೂಲದ ಅಧಿಕಾರಿಗಳು ಮತ್ತು ರಾಯಭಾರಿ ಅಧಿಕಾರಿಗಳ ಜೊತೆ ದೀಪಾವಳಿ ಹಬ್ಬ ಆಚರಿಸಿದ್ದರು.
ಜೊತೆಗೆ ಈ ಬಗ್ಗೆ ಟ್ವೀಟ್‌ ಮಾಡಿದ್ದ ಟ್ರಂಪ್, ‘ನಾವು ದೀಪಾವಳಿ ಸಂಭ್ರಮಾಚರಣೆಗಾಗಿ ಇಲ್ಲಿ ಸೇರಿದ್ದೇವೆ. ಬೌದ್ಧರು, ಸಿಖ್‌, ಮತ್ತು ಜೈನರು ಸೇರಿ ಎಲ್ಲ ಅಮೆರಿಕನ್ನರು ಹಾಗೂ ವಿಶ್ವಾದ್ಯಂತ ಇಂದು ದೀಪಾವಳಿ ಆಚರಿಸುತ್ತಿದ್ದಾರೆ’ ಎಂದಿದ್ದರು.
ಆದರೆ, ಈ ಸಂದರ್ಭದಲ್ಲಿ ಹಿಂದೂ ಸಮುದಾಯದ ಹೆಸರನ್ನೇ ಟ್ರಂಪ್ ಕೈಬಿಟ್ಟಿದ್ದರು. ಈ ಬಗ್ಗೆ ಟ್ವೀಟ್‌ ಮಾಡಿದ್ದ ಸಿಎನ್‌ಎನ್‌ ಸುದ್ದಿ ವಾಹಿನಿಯ ಪತ್ರಕರ್ತ ಮನು ರಾಜು, ‘ದೀಪಾವಳಿ ಹಿಂದೂಗಳ ಪವಿತ್ರ ಹಬ್ಬ. ಆದರೆ, ಟ್ರಂಪ್ ಆ ಸಮುದಾಯವನ್ನೇ ಕಡೆಗಾಣಿಸಿದ್ದಾರೆ’ ಎಂದು ಹೇಳಿದ್ದರು. ಇದಾದ ನಂತರ ಟ್ರಂಪ್ ಅವರು ತಮ್ಮ ಮೂಲ ಟ್ವೀಟ್‌ ಅಳಿಸಿ, ಮತ್ತೊಮ್ಮೆ ಟ್ವೀಟ್‌ ಮಾಡಿದ್ದಾರೆ. ಆದಾಗ್ಯೂ, ಅದರಲ್ಲಿಯೂ ಹಿಂದೂ ಸಮುದಾಯದ ಹೆಸರು ಸೇರಿಸುವಲ್ಲಿ ಎಡವಿದ್ದಾರೆ.ಕುಹುಕವಾಡಿದ್ದಾರೆ.
Today, we gathered for Diwali, a holiday observed by Buddhists, Sikhs, and Jains throughout the United States & around the world. Hundreds of millions of people have gathered with family & friends to light the Diya and to mark the beginning of a New Year. https://t.co/epHogpTY1A pic.twitter.com/9LUwnhngWJ
— Donald J. Trump (@realDonaldTrump) November 13, 2018
