ತಮ್ಮ ಜೀವನದಲ್ಲಿ ನಡೆದ ಮತ್ತು ಹಿಂದೆಂದೂ ಯಾವುದೇ ವೇದಿಕೆಯಲ್ಲಿ ಬಹಿರಂಗಪಡಿಸಿದ ಕುತೂಹಲಭರಿತವಾದ ಸಂಗತಿಗಳನ್ನೊಳಗೊಂಡ ಆತ್ಮಕಥನ ರಚಿಸುವುದಾಗಿ ನಟ ಸಂಜಯ್ ದತ್ ಅವರು ಹೇಳಿದ್ದಾರೆ.
ನವದೆಹಲಿ: ತಮ್ಮ ಜೀವನ ಆಧರಿತ ಸಂಜು ಚಿತ್ರ ಭರ್ಜರಿ ಯಶಸ್ಸು ಗಳಿಸಿದ ಬೆನ್ನಲ್ಲೇ, ತಮ್ಮ ಜೀವನದಲ್ಲಿ ನಡೆದ ಮತ್ತು ಹಿಂದೆಂದೂ ಯಾವುದೇ ವೇದಿಕೆಯಲ್ಲಿ ಬಹಿರಂಗಪಡಿಸಿದ ಕುತೂಹಲಭರಿತವಾದ ಸಂಗತಿಗಳನ್ನೊಳಗೊಂಡ ಆತ್ಮಕಥನ ರಚಿಸುವುದಾಗಿ ನಟ ಸಂಜಯ್ ದತ್ ಅವರು ಹೇಳಿದ್ದಾರೆ.
Add Asianetnews Kannada as a Preferred Source
ಸಂಜಯ್ರ 60ನೇ ಹುಟ್ಟುಹಬ್ಬದ ದಿನವಾದ 2019ರ ಜು.19ರಂದು ದತ್ ಅವರ ಆತ್ಮಕಥನವನ್ನು ಪ್ರಕಟಿಸುವುದಾಗಿ ಹಾರ್ಪರ್ ಕೊಲ್ಲಿನ್ಸ್ ಹೇಳಿದೆ. ಈ ಬಗ್ಗೆ ಬುಧವಾರ ಪ್ರತಿಕ್ರಿಯಿಸಿದ ನಟ ಸಂಜಯ್ ದತ್, ‘ನಾನು ಜೀವನದಲ್ಲಿ ಸಿಹಿ ಕಹಿ ಮತ್ತು ಸೋಲು-ಗೆಲುವುಗಳನ್ನು ಕಂಡಿದ್ದೇನೆ. ಆದಾಗ್ಯೂ, ನನ್ನ ಜೀವನದಲ್ಲಿ ನಡೆದ ಮತ್ತು ಎಲ್ಲಿಯೂ ಹೇಳದ ಕುತೂಹಲಕಾರಿ ಸಂಗತಿಗಳನ್ನು ಹೇಳಿಕೊಳ್ಳಬೇಕಿದೆ.
ಅವುಗಳನ್ನು ಈ ಪುಸ್ತಕದ ಮೂಲಕ ಹೇಳಿಕೊಳ್ಳಲು ಕಾತರನಾಗಿದ್ದೇನೆ,’ ಎಂದು ಹೇಳಿದ್ದಾರೆ. ಸಂಜಯ್ ದತ್ ವಿವಾದಾತ್ಮಕ ಜೀವನಾಧರಿಸಿದ ರಣಬೀರ್ ಕಪೂರ್ ಅಭಿನಯದ ಸಂಜು ಚಿತ್ರವು ಈಗಾಗಲೇ 250 ಕೋಟಿ ರು. ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದಿದೆ.
