ಒಂದು ಕಡೆ ಪೆಟ್ರೋಲ್ ಡೀಸೆಲ್ ದರ ಗಗನಕ್ಕೇರುತ್ತಿದೆ. ಇನ್ನೊಂದೆಡೆ ನಮ್ಮ ರಾಜ್ಯದ ಪೆಟ್ರೊಲ್ ಬಂಕ್’ಗಳಲ್ಲಿ ಅಳತೆಯಲ್ಲಿ ಭಾರೀ ಮೋಸ ಮಾಡಲಾಗುತ್ತಿದೆ. ಆ ಮೂಲಕ ಗ್ರಾಹಕರಿಗೆ ಭರ್ಜರಿ ವಂಚನೆ ಮಾಡಲಾಗುತ್ತಿದೆ. ಈ ವಂಚನಾ ಜಾಲವನ್ನು ಸುವರ್ಣ ನ್ಯೂಸ್ನ ಕವರ್ಸ್ಟೋರಿ ತಂಡ ರಿಯಾಲಿಟಿ ಚೆಕ್ ಮಾಡಿ ಬಯಲಿಗೆಳೆದಿದೆ. ನಾನಾ ಕಡೆ ರಹಸ್ಯ ಕಾರ್ಯಾಚರಣೆ ಮಾಡಿ ಪೆಟ್ರೋಲ್ ಬಂಕ್ ಮಾಲೀಕರ ಮೋಸದಾಟವನ್ನ ಬಹಿರಂಗಗೊಳಿಸಿದೆ.
ಒಂದು ಕಡೆ ಪೆಟ್ರೋಲ್ ಡೀಸೆಲ್ ದರ ಗಗನಕ್ಕೇರುತ್ತಿದೆ. ಇನ್ನೊಂದೆಡೆ ನಮ್ಮ ರಾಜ್ಯದ ಪೆಟ್ರೊಲ್ ಬಂಕ್’ಗಳಲ್ಲಿ ಅಳತೆಯಲ್ಲಿ ಭಾರೀ ಮೋಸ ಮಾಡಲಾಗುತ್ತಿದೆ. ಆ ಮೂಲಕ ಗ್ರಾಹಕರಿಗೆ ಭರ್ಜರಿ ವಂಚನೆ ಮಾಡಲಾಗುತ್ತಿದೆ. ಈ ವಂಚನಾ ಜಾಲವನ್ನು ಸುವರ್ಣ ನ್ಯೂಸ್ನ ಕವರ್ಸ್ಟೋರಿ ತಂಡ ರಿಯಾಲಿಟಿ ಚೆಕ್ ಮಾಡಿ ಬಯಲಿಗೆಳೆದಿದೆ. ನಾನಾ ಕಡೆ ರಹಸ್ಯ ಕಾರ್ಯಾಚರಣೆ ಮಾಡಿ ಪೆಟ್ರೋಲ್ ಬಂಕ್ ಮಾಲೀಕರ ಮೋಸದಾಟವನ್ನ ಬಹಿರಂಗಗೊಳಿಸಿದೆ.
ಕವರ್ಸ್ಟೋರಿ ತಂಡ ದೊಡ್ಡ ಬಳ್ಳಾಪುರದ ಮಹಾದೇವಯ್ಯ ಆಂಡ್ ಕೋ ಪೆಟ್ರೋಲ್ ಬಂಕ್ ನಲ್ಲಿ ನಡೆಸಿದ ರಿಯಾಲಿಟಿ ಚೆಕ್ ಮಾಡಿದಾಗ, ಒಂದೊಂದು ಬಾರಿ ಒಂದೊಂದು ಅಳತೆ ಕಾಣ ಸಿಕ್ತು. ಆರಂಭದಲ್ಲಿ ನಾವು ಕ್ಯಾನ್ನಲ್ಲಿ ಪೆಟ್ರೋಲ್ ಖರೀದಿಸಿ, ಅದನ್ನು ಕಾನೂನು ಮಾಪನ ಶಾಸ್ತ್ರ ಇಲಾಖೆಯಿಂದ ಅನುಮತಿ ಪಡೆದು ಖರೀದಿಸಿದ ಮಾಪನದಲ್ಲಿ ಅಳತೆ ಮಾಡಿದಾಗ 50 mlಗೂ ಹೆಚ್ಚು ವ್ಯತ್ಯಾಸ ಕಂಡು ಬಂತು.
ಆ ಬಳಿಕ ನೇರವಾಗಿ ಪೆಟ್ರೋಲ್ ಬಂಕ್ ಒಳಗೇ ಹೋಗಿ ಅವರದ್ದೇ ಮಾಪನದಲ್ಲಿ ಅಳತೆ ಮಾಡಿದಾಗ್ಲೂ ಭಾರೀ ವ್ಯತ್ಯಾಸ ಕಂಡು ಬಂತು. ಬಳಿಕ ಚರ್ಚೆಗಿಳಿದಾಗ ಮತ್ತೆ ಅಳತೆ ಮಾಡಿ ತೋರಿಸ್ತೀವಿ ಅಂದ್ರು. ಆಗ ಇದ್ದಕ್ಕಿದ್ದ ಹಾಗೆ ಕರೆಂಟ್ ಬೇರೆ ಹೋಯ್ತು. ಮತ್ತೆ ಚೆಕ್ ಮಾಡಿದಾಗ ಐದು ಲೀಟರ್ಗಿಂತಲೂ ಹೆಚ್ಚು ಪೆಟ್ರೋಲ್ ಹಾಕಿದ್ರು. ಈ ರೀತಿ ಒಮ್ಮೊಮ್ಮೆ ಒಂದೊಂದು ರೀತಿಯ ಅಳತೆ ತೋರಿಸಿದ್ರು. ಇದು ಇಲ್ಲಿ ಅಳತೆಯಲ್ಲಿ ನಡೆಯುತ್ತಿರೋ ಮೋಸಕ್ಕೆ ಹಿಡಿದ ಕನ್ನಡಿಯಾಗಿದೆ.
ದೊಡ್ಡಬಳ್ಳಾಪುರ:
ದೊಡ್ಡಬಳ್ಳಾಪುರದ ಕನ್ನಮಂಗಲದ ಎಸ್ಎಲ್ವಿ ಫಿಲ್ಲಿಂಗ್ ಸ್ಟೇಷನ್ನಲ್ಲಿ ಸುವರ್ಣ ನ್ಯೂಸ್ನ ಕವರ್ಸ್ಟೋರಿ ತಂಡ ರಿಯಾಲಿಟಿ ಚೆಕ್ ಮಾಡಿದಾಗ ಐದು ಲೀಟರ್ಗೆ ನೂರು ಎಂ.ಎಲ್ ವ್ಯತ್ಯಾಸ ಕಂಡು ಬಂತು ಗೊತ್ತಾ? ಆರಂಭದಲ್ಲಿ ಬಂಕ್ನವರ ಮಾಪನದಲ್ಲಿ ಚೆಕ್ ಮಾಡಿದ್ವಿ. ಆಗ ವ್ಯತ್ಯಾಸ ಕಂಡು ಬಂತು. ಬಳಿಕ ಕವರ್ಸ್ಟೋರಿ ತಂಡ ಕಾನೂನು ಮಾಪನ ಶಾಸ್ತ್ರ ಇಲಾಖೆಯಿಂದ ಅನುಮತಿ ಪಡೆದು ಖರೀದಿಸಿದ ಮಾಪನದಲ್ಲಿ ಅಳತೆ ಮಾಡಿದಾಗಲೂ ವ್ಯತ್ಯಾಸ ಕಂಡು ಬಂತು. ಎಷ್ಟು ವ್ಯತ್ಯಾಸ ಇರಬಹುದು ಅಂತ ಚೆಕ್ ಮಾಡಿದಾಗ ನೂರು ಎಂಎಲ್ ವ್ಯತ್ಯಾಸ ಕಂಡು ಬಂತು.
ಅಚ್ಚರಿಯಾಯ್ತಾ? ಈ ರೀತಿ ಐದು ಲೀಟರ್ಗೆ ನೂರು ಎಂಎಲ್ ಖೋತಾ ಆದ್ರೆ ಗ್ರಾಹಕರಿಗಾಗೋ ನಷ್ಟ ಎಷ್ಟು ಆಗುತ್ತೆ ಗೊತ್ತಾ?
ನಷ್ಟದ ಲೆಕ್ಕಾಚಾರ
100ML 6.83 ರೂ
50ML 3.41 ರೂ
30ML 2.00 ರೂ
10ML 0.68 ಪೈಸೆ
ನೆಲಮಂಗಲ:
ನೆಲಮಂಗಲದ ಮಾರುತಿ ಕಿಸಾನ್ ಪೆಟ್ರೋಲ್ ಬಂಕ್ನಲ್ಲಿ ಸುವರ್ಣ ನ್ಯೂಸ್ನ ಕವರ್ಸ್ಟೋರಿ ತಂಡ ರಿಯಾಲಿಟಿ ಚೆಕ್ ಮಾಡಿದಾಗ ವಿಚಿತ್ರ ಅನುಭವವೇ ಆಯ್ತು. ಅಲ್ಲಿನ ಬಂಕ್ ಸಿಬ್ಬಂದಿ ರಹಸ್ಯ ಕಾರ್ಯಾಚರಣೆ ವೇಳೆ 5 ಲೀಟರ್ಗೆ ಅರ್ಧ ಲೀಟರ್ ವ್ಯತ್ಯಾಸ ಬರುತ್ತೆ ಅಂತ ಹೇಳಿದ್ರು. ಬಳಿಕ ಅಳತೆ ಚೆಕ್ ಮಾಡಿ ಅಂತ ಕೇಳಿದಾಗ ಯಾವುದೇ ಕಾರಣಕ್ಕೂ ಅಳತೆ ಮಾಡಿ ಕೊಡಲ್ಲ ಅಂತ ದರ್ಪ ಮೆರೆದ್ರು. ನಮ್ಮ ಜೊತೆ ಜಗಳಕ್ಕಿಳಿದ್ರು. ಒತ್ತಾಯದ ಬಳಿಕ ಮಾಪನ ತಂದ್ರು, ಅಳತೆ ಮಾಡಿದಾಗ ಅಳತೆಯಲ್ಲಿ ವ್ಯತ್ಯಾಸ ಕಂಡು ಬಂತು.
ಬೆಂಗಳೂರು ನಗರ:
ರಾಜಧಾನಿ ಬೆಂಗಳೂರಿನ ಪೆಟ್ರೋಲ್ ಬಂಕ್ಗಳಲ್ಲಿ ಅಳತೆಯಲ್ಲಿ ಗ್ರಾಹಕರಿಗೆ ಮೋಸ ಮಾಡಲಾಗುತ್ತಾ ಅಂತ ಚೆಕ್ ಮಾಡಲು ನಮ್ಮ ಕವರ್ಸ್ಟೋರಿ ತಂಡ ರಹಸ್ಯ ಕಾರ್ಯಾಚರಣೆಗೆ ಇಳಿಯಿತು. ಆಗ ನಮ್ಮ ಬಲೆಗೆ ಬಿದ್ದ ಮೊದಲ ವಂಚಕ ಬಂಕ್ ಅಂದ್ರೆ ಮೈಸೂರು ಬ್ಯಾಂಕ್ನಲ್ಲಿದ್ದ ಇಂಡಿಯನ್ ಆಯಿಲ್ ಪೆಟ್ರೋಲ್ ಬಂಕ್. ಇಲ್ಲಿ ಅಳತೆಯಲ್ಲಿ ಮೋಸ ಮಾತ್ರವಲ್ಲ ಬಂಕ್ ಸಿಬ್ಬಂದಿ ಸೊಕ್ಕು ಕೂಡಾ ಬಯಲಾಯ್ತು. ಹೇಗೆ ಗ್ರಾಹಕರ ಮೇಲೆ ಬಂಕ್ ಸಿಬ್ಬಂದಿ ದರ್ಪ ಪ್ರದರ್ಶಿಸುತ್ತಿದ್ದಾರೆ ಅನ್ನೋದು ಗೊತ್ತಾಯ್ತು.
ಬನಶಂಕರಿಯಲ್ಲಿರೋ ಪೆಟ್ರೋಲ್ ಬಂಕ್’ನಲ್ಲಂತು ಬಂಕ್ ಸಿಬ್ಬಂದಿ ದಾರಿ ತಪ್ಪಿಸಲು ಮುಂದಾದ್ರು. ಅಳತೆ ಮಾಡಿ 5 ಲೀಟರ್ ಪೆಟ್ರೋಲ್ ಕೊಡಿ ಅಂತ ಕೇಳಿದಾಗ ಅರ್ಧ ಲೀಟರ್ ಮಾಪನ ತೋರಿಸಿ ನಾವು ಇದರಲ್ಲೇ ಅಳತೆ ಮಾಡೋದು ಅಂದ್ರು. ಆ ಬಳಿಕ ತಮ್ಮಲ್ಲಿ ಐದು ಲೀಟರ್ ಮಾಪನ ಇಲ್ಲಾ ಅಂದ್ರು. ಕೊನೆಗೆ ಕ್ಯಾಮರಾ ಹೊರಗೆ ತಂದಾಗ ಇಂಧನ ಚೆಕ್ ಮಾಡಿದಾಗ ಆಳತೆಯಲ್ಲಿ ಭಾರೀ ವ್ಯತ್ಯಾಸ ಕಂಡು ಬಂತು.
ಡಬಲ್ ರೋಡ್ನಲ್ಲಿರೋ ಭಾರತ್ ಪೆಟ್ರೋಲ್ ಬಂಕ್ ಸಿಬ್ಬಂದಿ ಆರಂಭದಲ್ಲಿ ಅಳತೆ ಮಾಡಿ ಕೊಡಲ್ಲ ಎಂದು ದರ್ಪ ತೋರಿದ್ರು. ಮನವಿ ಮಾಡಿದ್ರೆ ಮಾತ್ರ ಅಳತೆ ಮಾಡಿ ಕೊಡ್ತೀವಿ ಅಂದ್ರು. ಯಾವಾಗ ಕ್ಯಾಮರಾ ತೋರಿಸಿದೆವೋ ಆಗ ಅಳತೆ ಮಾಡಲು ಒಪ್ಪಿದ್ರು. ಇಲ್ಲಿ ಒಂದೊಂದು ಗನ್ನಲ್ಲಿ ಒಂದೊಂದು ಅಳತೆ ಬರಲು ಪ್ರಾರಂಭಿಸಿತು. ಒಂದು ಗನ್ನಲ್ಲಂತು 40 ml ವ್ಯತ್ಯಾಸ ಕಂಡು ಬಂತು.
ಬೆಂಗಳೂರಿನಲ್ಲಿ ಮತ್ತೊಂದು ವಿಚಿತ್ರ ಅಂಶ ಬಹಿರಂಗವಾಯಿತು. ಅದೇನಂದ್ರೆ ಕೆಲವು ಪೆಟ್ರೋಲ್ ಬಂಕ್ಗಳಲ್ಲಿ ಎರಡೆರಡು ಅಳತೆ ಮಾಪನಗಳನ್ನ ಹೊಂದಿವೆ ಎಂದು. ಗ್ರಾಹಕರನ್ನು ವಂಚಿಸಲು ಇವರು ಇಂಥಾ ಟ್ರಿಕ್ಸ್ ಬಳಸುತ್ತಿದ್ರು. ಇದು ಬಂಬೂ ಬಜಾರ್ನ ಯುನಿವರ್ಸಲ್ ಪೆಟ್ರೋಲ್ ಬಂಕ್ನಲ್ಲಿ ಕಂಡು ಬಂತು. ಕೆಲವು ಪೆಟ್ರೋಲ್ ಬಂಕ್ ಗಳು ಮಾತ್ರ ಪಕ್ಕಾ 5 ಲೀಟರ್ ಅಳತೆ ಇಟ್ಟುಕೊಂಡಿದ್ದವು.
