ಪ್ರಾಮಾಣಿಕತೆ ಮೆರೆದ ಬಿಎಂಟಿಸಿಯ ಡ್ರೈವರ್ ಹಾಗೂ ಕಂಡಕ್ಟರ್

First Published 10, Apr 2018, 3:39 PM IST
BMTC Driver Conductor Honesty
Highlights

ಪ್ರಯಾಣಿಕರಿಗೆ ಸೇರಿದ 5 ಲಕ್ಷದ ಚಕ್ ಮತ್ತು ಮನೆ ದಾಖಲಾತಿಯನ್ನು ಸಂಬಂಧಿಸಿದವರಿಗೆ ತಲುಪಿಸಿ ಬಿಎಂಟಿಸಿ ಸಿಬ್ಬಂದಿ ಪ್ರಾಮಾಣಿಕತೆ ಮೆರೆದಿದ್ದಾರೆ.

ಬೆಂಗಳೂರು : ಪ್ರಯಾಣಿಕರಿಗೆ ಸೇರಿದ 5 ಲಕ್ಷದ ಚಕ್ ಮತ್ತು ಮನೆ ದಾಖಲಾತಿಯನ್ನು ಸಂಬಂಧಿಸಿದವರಿಗೆ ತಲುಪಿಸಿ ಬಿಎಂಟಿಸಿ ಸಿಬ್ಬಂದಿ ಪ್ರಾಮಾಣಿಕತೆ ಮೆರೆದಿದ್ದಾರೆ.

ಚಂದಾಪುರ ಡಿಪೋಗೆ ಸೇರಿದ ಬಿಎಂಟಿಸಿ ಸಿಬ್ಬಂದಿಯಿಂದ ಇಂತಹ ಜನ ಸ್ನೇಹಿ ಕಾರ್ಯ ನಡೆದಿದೆ.  ವಾಲ್ಟರ್ ಮೆಸ್ಕ್ಯೂರೆನ್ ಎಂಬುವರಿಗೆ ಸೇರಿದ 5 ಲಕ್ಷ ರೂ. ಚೆಕ್ ಮತ್ತು ಮನೆ ದಾಖಲಾತಿಗಳನ್ನು ಹಿಂದಿರುಗಿಸಲಾಗಿದೆ

ಇಂದು ಬೆಳಗ್ಗೆ ಬಸ್ ನಲ್ಲಿ ದಾಖಲಾತಿ ಹಾಗೂ ಹಣದ ಚೆಕ್’ನ್ನು ಅವರು ಬಿಟ್ಟು ಹೋಗಿದ್ದರು.  ಮಧ್ಯಾಹ್ನದ ಹೊತ್ತಿಗೆ ಬಿಎಂಟಿಸಿ ಸಿಬ್ಬಂದಿ ಈ ಎಲ್ಲಾ ವಸ್ತುಗಳನ್ನೂ ಕೂಡ ವಾಪಸ್ಸುನೀಡಿದ್ದಾರೆ.

ಕಂಡಕ್ಟರ್ ನಬಿಲಾಲ್, ಡ್ರೈವರ್ ಸುಬ್ರಹ್ಮಣಿ ಅವರು ಇಂತಹ ಕಾರ್ಯ ಮಾಡುವ ಮೂಲಕ ಪ್ರಶಂಸೆಗೆ ಪಾತ್ರರಾಗಿದ್ದಾರೆ.

 ಚಂದಾಪುರದಿಂದ ಹೊರಟ ಬಸ್ ನಲ್ಲಿ ಎಲೆಕ್ಟ್ರಾನಿಕ್ ಸಿಟಿ ಬಳಿ ದಾಖಲಾತಿ ಪತ್ತೆಯಾಗಿದ್ದು, ದಾಖಲಾತಿ ಕಂಡ ತಕ್ಷಣ ಡಿಪೋ ಮ್ಯಾನೇಜರ್’ಗೆ ಈ ಬಗ್ಗೆ  ಮಾಹಿತಿ ನೀಡಿದ್ದಾರೆ.

ಬಿಎಂಟಿಸಿ ಸಿಬ್ಬಂದಿಯಿಂದ ತಕ್ಷಣ ದಾಖಲಾತಿ ತರಿಸಿಕೊಂಡ ಮ್ಯಾನೇಜರ್ ಸಂಬಂಧಿಸಿದವರಿಗೆ ಬ್ಯಾಂಕ್ ಮೂಲಕ ಸಂಪರ್ಕಿಸಿ ದಾಖಲಾತಿ ವಾಪಸ್ಸು ನೀಡಿದ್ದಾರೆ.

loader