ದುರ್ಘಟನೆ ಸಂಭವಿಸಿದಾಗ 200 ಕಾರ್ಮಿಕರು ಫ್ಯಾಕ್ಟರಿಯಲ್ಲಿದ್ದರೆನ್ನಲಾಗಿದೆ. ಸಾವಿನ ಸಂಖ್ಯೆ ಇನ್ನೂ ಹೆಚ್ಚಾಗುವ ಭೀತಿ ಇದೆ.
ತಿರುಚ್ಚಿ(ಡಿ. 01): ಸ್ಫೋಟಕ ಸಾಮಗ್ರಿ ತಯಾರಿಸುವ ಫ್ಯಾಕ್ಟರಿಯೊಂದರಲ್ಲಿ ಭೀಕರ ಅಗ್ನಿ ಅವಘಡ ಸಂಭವಿಸಿದ್ದು 20ಕ್ಕೂ ಹೆಚ್ಚು ಜನರು ಸಾವಿಗೀಡಾಗಿದ್ದಾರೆ. ಬೆಳಗ್ಗೆ 7ಗಂಟೆಗೆ ಸಂಭವಿಸಿದ ಈ ಅವಘಡದಲ್ಲಿ ಇನ್ನೂ ಹಲವಾರು ಮಂದಿ ಗಾಯಗೊಂಡಿದ್ದಾರೆ. ಸ್ಫೋಟದ ತೀವ್ರತೆಗೆ ವೆಟ್ರಿವೇಲ್ ಎಕ್ಸ್'ಪ್ಲೋಸಿವ್ ಕಟ್ಟಡದ ಕೆಳ ಮತ್ತು ಮೊದಲ ಮಹಡಿಗಳು ಕುಸಿದಿವೆ. ಇನ್ನೂ ಕೂಡ ಬೆಂಕಿ ನಂದಿಸುವ ಪ್ರಯತ್ನ ಮುಂದುವರಿದಿದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ವೆಟ್ರಿವೇಲ್ ಎಕ್ಸ್'ಪ್ಲೋಸಿವ್ಸ್ 5 ಎಕರೆ ವಿಶಾಲ ಪ್ರದೇಶದಲ್ಲಿರುವ ದೊಡ್ಡ ಕಾರ್ಖಾನೆಯಾಗಿದ್ದು, 15 ಉಪ-ಘಟಕಗಳು ಇದರಲ್ಲಿವೆ. ಈ ಫ್ಯಾಕ್ಟರಿಯಲ್ಲಿ ಬಂಡೆಯನ್ನು ಸ್ಫೋಟಿಸಲು ಬಳಸುವ ಜಿಲೆಟಿನ್ ಕಡ್ಡಿಗಳನ್ನು ತಯಾರಿಸಲಾಗುತ್ತಿತ್ತು.
ದುರ್ಘಟನೆ ಸಂಭವಿಸಿದಾಗ 200 ಕಾರ್ಮಿಕರು ಫ್ಯಾಕ್ಟರಿಯಲ್ಲಿದ್ದರೆನ್ನಲಾಗಿದೆ. ಸಾವಿನ ಸಂಖ್ಯೆ ಇನ್ನೂ ಹೆಚ್ಚಾಗುವ ಭೀತಿ ಇದೆ.
