ಮಾಜಿ ಸಚಿವ ಹಾಗೂ ರೆಬೆಲ್‌ಸ್ಟಾರ್‌ ಅಂಬ​ರೀಶ್‌ ಅವರ ಮುಂದಿನ ನಡೆ ಏನು ಎಂಬ ಬಗೆ​ಗಿನ ಗೊಂದ​ಲ​ಗ​ಳನ್ನು ಪರಿ​ಹ​ರಿ​ಸಿ​ಕೊ​ಳ್ಳಲು ಮುಖ್ಯ​ಮಂತ್ರಿ ಸಿದ್ದ​ರಾ​ಮಯ್ಯ ಅವರೇ ಖುದ್ದು ಅಖಾ​ಡಕ್ಕೆ ಇಳಿ​ದಿದ್ದು, ನೇರ ಭೇಟಿಯ ನಂತರ ಅಂಬ​ರೀಶ್‌ ಟಿಕೆಟ್‌ ಕುರಿತು ಅಂತಿಮ ನಿರ್ಧಾ​ರ​ ಕೈಗೊ​ಳ್ಳ​ಲಿ​ದ್ದಾ​ರೆ.

ಬೆಂಗ​ಳೂರು : ಮಾಜಿ ಸಚಿವ ಹಾಗೂ ರೆಬೆಲ್‌ಸ್ಟಾರ್‌ ಅಂಬ​ರೀಶ್‌ ಅವರ ಮುಂದಿನ ನಡೆ ಏನು ಎಂಬ ಬಗೆ​ಗಿನ ಗೊಂದ​ಲ​ಗ​ಳನ್ನು ಪರಿ​ಹ​ರಿ​ಸಿ​ಕೊ​ಳ್ಳಲು ಮುಖ್ಯ​ಮಂತ್ರಿ ಸಿದ್ದ​ರಾ​ಮಯ್ಯ ಅವರೇ ಖುದ್ದು ಅಖಾ​ಡಕ್ಕೆ ಇಳಿ​ದಿದ್ದು, ನೇರ ಭೇಟಿಯ ನಂತರ ಅಂಬ​ರೀಶ್‌ ಟಿಕೆಟ್‌ ಕುರಿತು ಅಂತಿಮ ನಿರ್ಧಾ​ರ​ ಕೈಗೊ​ಳ್ಳ​ಲಿ​ದ್ದಾ​ರೆ.

ಅಂಬ​ರೀಶ್‌ ಅವರು ಸ್ಪರ್ಧಿ​ಸ​ಬ​ಯ​ಸಿ​ದರೆ ಅವ​ರಿಗೆ ಕಾಂಗ್ರೆಸ್‌ ಟಿಕೆಟ್‌ ನೀಡು​ವುದು ಖಚಿತ. ಆದರೆ, ಸ್ಪರ್ಧೆ ಬಗ್ಗೆ ಅಂಬ​ರೀಶ್‌ ಅವರ ನಡೆ ಏನು ಎಂಬುದೇ ಕಾಂಗ್ರೆಸ್‌ ನಾಯ​ಕ​ತ್ವಕ್ಕೆ ಬಗೆಹ​ರಿ​ದಿಲ್ಲ. ಅಂಬ​ರೀಶ್‌ ಅವ​ರಿಗೆ ತಮ್ಮನ್ನು ಪಕ್ಷ ಕಡೆ​ಗ​ಣಿ​ಸಿದೆ ಎಂಬ ಬೇಸ​ರ​ವಿದೆ. ವಿಶೇ​ಷ​ವಾಗಿ ಮಂಡ್ಯ ಜಿಲ್ಲೆಯ ನಿರ್ಧಾ​ರ​ಗಳ ವಿಚಾ​ರ​ದಲ್ಲಿ ಅಂಬ​ರೀಶ್‌ ಅವ​ರನ್ನು ಪಕ್ಷದ ನಾಯ​ಕತ್ವ ವಿಶ್ವಾ​ಸಕ್ಕೆ ತೆಗೆ​ದು​ಕೊ​ಳ್ಳು​ತ್ತಿಲ್ಲ ಎಂಬ ಭಾವನೆ ಹೊಂದಿ​ದ್ದಾರೆ. ಹೀಗಾ​ಗಿ ಮಂಡ್ಯ ಕ್ಷೇತ್ರದ ಟಿಕೆಟ್‌ಗಾಗಿಯೂ ಅವರು ಅರ್ಜಿ ಸಲ್ಲಿ​ಸಿಲ್ಲ ಹಾಗೂ ಈ ಬಗ್ಗೆ ಯಾವ ನಾಯ​ಕ​ರೊಂದಿಗೂ ಮಾತು​ಕತೆ ನಡೆ​ಸಿಲ್ಲ. ಇದು ಗೊಂದಲ ಸೃಷ್ಟಿ​ಸಿದೆ. ಹೀಗಾಗಿ, ಅಂಬ​ರೀಶ್‌ ಮನ​ಸ್ಸಿ​ನ​ಲ್ಲಿದೆ ಏನಿದೆ ಎಂಬು​ದನ್ನು ತಿಳಿದು ಅವ​ರಿಗೆ ಟಿಕೆಟ್‌ ನೀಡುವ ಅಥವಾ ಅವರ ಬದ​ಲಾಗಿ ಮಂಡ್ಯ ಕ್ಷೇತ್ರಕ್ಕೆ ಸೂಕ್ತ ಅಭ್ಯರ್ಥಿ ಆಯ್ಕೆ ಮಾಡುವ ಹೊಣೆ​ಯನ್ನು ಕಾಂಗ್ರೆಸ್‌ ನಾಯ​ಕತ್ವ ಮುಖ್ಯ​ಮಂತ್ರಿ ಸಿದ್ದ​ರಾ​ಮಯ್ಯ ಅವ​ರಿಗೆ ಬಿಟ್ಟಿದೆ.

ಈ ಹಿನ್ನೆ​ಲೆ​ಯಲ್ಲಿ ಮುಖ್ಯ​ಮಂತ್ರಿ ಸಿದ್ದ​ರಾ​ಮಯ್ಯ ಅವರು ಇತ್ತೀ​ಚೆಗೆ ಅಂಬ​ರೀಶ್‌ ಅವ​ರನ್ನು ದೂರ​ವಾ​ಣಿ​ಯಲ್ಲಿ ಸಂಪ​ರ್ಕಿಸಿ ನಿರ್ಧಾ​ರ​ವೇನು ಎಂದು ಪ್ರಶ್ನಿ​ಸಿದ್ದು, ಅದಕ್ಕೆ ಅಂಬ​ರೀಶ್‌ ಮನೆಗೆ ಊಟಕ್ಕೆ ಬನ್ನಿ ಅಲ್ಲೇ ಮಾತ​ನಾ​ಡೋಣ ಎಂದಿ​ದ್ದಾರೆ ಎನ್ನ​ಲಾ​ಗಿದೆ. ಈ ಹಿನ್ನೆ​ಲೆ​ಯಲ್ಲಿ ಸೋಮ​ವಾರ ರಾತ್ರಿ ಸಿಎಂ ಅವರು ಅಂಬ​ರೀಶ್‌ ಮನೆಗೆ ಊಟಕ್ಕೆ ಹೋಗ​ಬೇ​ಕಿತ್ತು. ಆದರೆ, ಮೈಸೂ​ರಿ​ನಲ್ಲಿ ಅವರ ಕಾರ್ಯ​ಕ್ರಮ ತಡ​ವಾದ ಹಿನ್ನೆ​ಲೆ​ಯಲ್ಲಿ ತೆರ​ಳ​ಲಿಲ್ಲ.

ಹೀಗಾಗಿ ಅಂಬ​ರೀಶ್‌ ಹಾಗೂ ಸಿಎಂ ಭೇಟಿ ಮುಂದಕ್ಕೆ ಹೋಗಿದೆ. ವಾಸ್ತ​ವ​ವಾಗಿ ಮಂಗ​ಳವಾರ ಅಂಬ​ರೀಶ್‌ ಅವ​ರನ್ನು ಭೇಟಿ ಮಾಡುವ ಉದ್ದೇ​ಶ​ವಿ​ದ್ದರೂ ರಾಹುಲ್‌ ಗಾಂಧಿ ಅವರ ಕಾರ್ಯ​ಕ್ರಮವಿರುವ ಹಿನ್ನೆ​ಲೆ​ಯಲ್ಲಿ ಇದು ಖಚಿ​ತ​ವಾ​ಗಿಲ್ಲ. ಮಂಗ​ಳ​ವಾರ ಬೆಳಗ್ಗೆ ಕಾಲಾ​ವ​ಕಾಶ ದೊರೆ​ತರೆ ಉಪ​ಹಾ​ರದ ವೇಳೆ ಅಂಬ​ರೀಶ್‌ ಭೇಟಿ​ಯಾ​ಗ​ಬ​ಹುದು. ಇಲ್ಲ​ದಿ​ದ್ದರೆ, ಈ ಭೇಟಿ ರಾಹುಲ್‌ ಅವರ ಎರಡು ದಿನ​ಗಳ ಜನಾ​ಶೀ​ರ್ವಾದ ಯಾತ್ರೆಯ ಮುಗಿದ ನಂತರ ನಡೆ​ಯ​ಬ​ಹುದು ಎಂದು ಸಿಎಂ ಆಪ್ತ ಮೂಲ​ಗಳು ತಿಳಿ​ಸಿ​ವೆ. ಒಟ್ಟಾರೆ, ಸಿಎಂ ಅವರು ಅಂಬ​ರೀಶ್‌ ಭೇಟಿಯ ನಂತ​ರವೇ ಅವರ ಸ್ಪರ್ಧೆ ವಿಚಾರದಲ್ಲಿ ಸ್ಪಷ್ಟತೆ ಬರ​ಲಿದೆ ಎನ್ನು​ತ್ತವೆ ಮೂಲ​ಗ​ಳು.

ಮೂಲ​ಗಳ ಪ್ರಕಾರ ಅಂಬ​ರೀಶ್‌ ಅವರು ಈ ಬಾರಿ ಸ್ಪರ್ಧಿ​ಸಲು ಹಿಂಜ​ರಿ​ದರೆ ಅವರ ಪತ್ನಿ ಸುಮ​ಲತಾ ಅವ​ರನ್ನು ಕಣಕ್ಕೆ ಇಳಿ​ಸಲು ಕಾಂಗ್ರೆಸ್‌ ಸಿದ್ಧ​ವಿದೆ. ಇದಾಗದ ಪಕ್ಷ​ದಲ್ಲಿ ಬೇರೆ ಅರ್ಹ ವ್ಯಕ್ತಿ​ಯನ್ನು ಹುಡು​ಕ​ಬೇ​ಕಾ​ಗು​ತ್ತದೆ. ಆದರೆ, ಪಕ್ಷ ಅಂಬ​ರೀಶ್‌ ಬಯ​ಸಿ​ದಂತೆ ಪ್ರಾಮು​ಖ್ಯತೆ ನೀಡಿ​ದರೆ ಅವರು ಬೇಸರ ಬಿಟ್ಟು ಮತ್ತೆ ಸ್ಪರ್ಧೆಗೂ ಮುಂದಾ​ಗುವ ಸಾಧ್ಯ​ತೆ​ಯಿದೆ ಎನ್ನ​ಲಾ​ಗಿದೆ. ಈ ಎಲ್ಲಾ ಕಾರ​ಣ​ಗಳ ಹಿನ್ನೆ​ಲೆ​ಯಲ್ಲಿ ಅಂಬ​ರೀಶ್‌ ಮನ​ಸ್ಸಿ​ನಲ್ಲಿ ಏನಿದೆ ಎಂಬು​ದನ್ನು ತಿಳಿ​ಯಲು ಸಿದ್ದ​ರಾ​ಮಯ್ಯ ಮುಂದಾ​ಗಿ​ದ್ದಾರೆ ಎನ್ನ​ಲಾ​ಗಿ​ದೆ.