2017ರಲ್ಲಿ 822 ಕೋಮು ಗಲಭೆಗಳು, 111 ಸಾವು; ಉತ್ತರ ಪ್ರದೇಶ ಟಾಪ್

ಉತ್ತರ ಪ್ರದೇಶದಲ್ಲಿ ಅತೀ ಹೆಚ್ಚು ಕೋಮುಗಲಭೆಗಳು
ಕರ್ನಾಟಕದಲ್ಲಿ 100 ಕೋಮುಗಲಭೆಗಳು

add add 111 killed in 822 communal incidents in 2017 Says Govt

ನವದೆಹಲಿ: ಕಳೆದ ಮೂರು ವರ್ಷಗಳಲ್ಲಿ ದೇಶಾದ್ಯಂತ ಕೋಮು ಗಲಭೆಗಳು ಹೆಚ್ಚಾಗಿದ್ದು, 2017ರಲಲ್ಲಿ 822 ಕೋಮುಗಲಭೆಗಳು ನಡೆದಿವೆ. ಅವುಗಳಲ್ಲಿ 111 ಮಂದಿ ಸಾವನಪ್ಪಿದ್ದಾರೆ ಹಾಗೂ 2384 ಮಂದಿ ಗಾಯಗೊಂಡಿದ್ದಾರೆ.

ಉತ್ತರ ಪ್ರದೇಶದಲ್ಲಿ ಅತೀ ಹೆಚ್ಚು ಕೋಮುಗಲಭೆಗಳು ನಡೆದಿವೆ. ಅಲ್ಲಿ ನಡೆದ 195 ಕೋಮುಗಲಭೆಗಳಲ್ಲಿ 44 ಮಂದಿ ಮೃತಪಟ್ಟಿದ್ದಾರೆ ಹಾಗೂ 542 ಮಂದಿ ಗಾಯಗೊಂಡಿದ್ದಾರೆಂದು, ಕೇಂದ್ರ ಗೃಹ ಇಲಾಖೆ ರಾಜ್ಯ ಸಚಿವ ಹಂಸರಾಜ್ ಆಹಿರ್ ಲೋಕಸಭೆಗೆ ಮಾಹಿತಿ ನೀಡಿದ್ದಾರೆ.

ಕರ್ನಾಟಕದಲ್ಲಿ ನಡೆದಿರುವ 100 ಕೋಮು ಸಂಘರ್ಷಗಳಲ್ಲಿ 9 ಮಂದಿ ಮೃತಪಟ್ಟಿದ್ದು 229 ಮಂದಿ ಗಾಯಗೊಂಡಿದ್ದಾರೆ. ರಾಜಸ್ಥಾನದಲ್ಲಿ 91, ಬಿಹಾರದಲ್ಲಿ 85, ಮಧ್ಯ ಪ್ರದೇಶದಲ್ಲಿ 60, ಪಶ್ಚಿಮ ಬಂಗಾಳದಲ್ಲಿ 58 ಹಾಗೂ ಗುಜರಾತಿನಲ್ಲಿ 50 ಗಲಭೆಗಳು ನಡೆದಿವೆ ಎಂದು ಆಹಿರ್ ತಿಳಿಸಿದ್ದಾರೆ.

2016ರಲ್ಲಿ 703 ಕೋಮುಗಲಭೆಗಳು ನಡೆದಿದ್ದು, 86 ಮಂದಿ ಸಾವನಪ್ಪಿದ್ದರೆ, 2321 ಮಂದಿ ಗಾಯಗೊಂಡಿದ್ದರು. 2015ರಲ್ಲಿ, 751 ಕೋಮು ಗಲಭೆಗಳಲ್ಲಿ 97 ಮಂದಿ ಮೃತಪಟ್ಟಿದ್ದು, 2264 ಮಂದಿ ಗಾಯಗೊಂಡಿದ್ದರು.

2017ರಲ್ಲಿ ನಡೆದ ಕೋಮುಗಲಭೆಗಳು:

	ಪ್ರಕರಣಗಳು	ಸಾವು	ಗಾಯಗೊಂಡವರು
ಉತ್ತರ ಪ್ರದೇಶ	195	44	542
ಕರ್ನಾಟಕ	100	9	229
ರಾಜಸ್ಥಾನ	91	12	175
ಬಿಹಾರ	85	3	321
ಮಧ್ಯ ಪ್ರದೇಶ	60	9	191
ಪ. ಬಂಗಾಳ	58	9	230
ಗುಜರಾತ್	50	8	125