ಹೆಣ್ಣು ಹುಟ್ಟಿತು ಎಂದು ಅಪ್ಪ ಆತ್ಮಹತ್ಯೆ, ಅಂಧ ಮಗಳು ಕಟ್ಟಿದ ಸಾಧನೆ ತೊಟ್ಟಿಲು
ಕೆಲವೊಂದು ರಿಯಾಲಿಟಿ ಶೋಗಳು ನಮ್ಮ ಮನಸ್ಸಿಗೆ ಬಹಳ ಹತ್ತಿರವಾಗಿಬಿಡುತ್ತವೆ. ಅಲ್ಲಿ ಭಾವನೆಗಳು ಇರುತ್ತವೆ, ಕಣ್ಣಿರು ಇರುತ್ತದೆ, ಸಾಧನೆ ಮಾಡುವ ಛಲ ಇರುತ್ತದೆ. ಅಂಥದ್ದೆ ಒಂದು ಕತೆ ಇಲ್ಲಿದೆ.
ಬೆಂಗಳೂರು[ಮಾ. 08] ಕನ್ನಡದ ಖಾಸಗಿ ವಾಹಿನಿಯಲ್ಲಿ ಮಕ್ಕಳು ರಾಗಕ್ಕೆ ಕಿವಿಯಾಗುವ ಶೋ ಸರಿಗಮಪ ಲಿಟಲ್ ಚಾಂಪ್ಸ್ ಆರಂಭವಾಗಿದೆ. ಅದರೊಂದಿಗೆ ಕೆಲ ಕಣ್ಣೀರ ಕತೆಗಳು ನಮ್ಮ ಮುಂದೆ ಬಂದಿವೆ.
ಈ ಗದಗದ ಹುಡುಗಿಯ ಕತೆ ನಿಜಕ್ಕೂ ಒಂದು ಕ್ಷಣ ನಮ್ಮ ಕಣ್ಣಲ್ಲಿ ನೀರು ತರಿಸುತ್ತದೆ. 7ನೇ ತರಗತಿ ಓದುತ್ತಿರುವ ಈ ಹುಡುಗಿಗೆ ಎರಡು ಕಣ್ಣು ಕಾಣುವುದಿಲ್ಲ. ವಿಷ ಕುಡಿದು ತಂದೆ ಆತ್ಮಹತ್ಯೆ ಮಾಡಿಕೊಂಡಿರುವ ದುರಂತವೂ ಪುಟ್ಟ ಮಗುವಿನ ಬಾಳಲ್ಲಿ ನಡೆದು ಹೋಗಿದೆ.
ಆಕೆಯ ಜೀವನದ ನೋವಿನ ಕತೆಗಳನ್ನೆಲ್ಲ ಮೆಟ್ಟಿ ನಿಂತು ಈಗ ದೊಡ್ಡ ರಿಯಾಲಿಟಿ ಶೋ ಒಂದಕ್ಕೆ ಆಯ್ಕೆಯಾಗಿದ್ದಾರೆ. ಈ ಶೋ ಆಕೆಯ ಬಾಳಲ್ಲಿ ಬೆಳಕನ್ನು ತರಲಿ ಎಂದು ಆಶಿಸೋಣ..