ಶಿಯೋಮಿ 12ಟಿ, 12ಟಿ ಪ್ರೋ ಅನಾವರಣ, ವಿಶೇಷತೆಗಳೇನು?
*ಶಿಯೋಮಿ 12 ಸೀರೀಸ್‌ನಲ್ಲಿ ಎರಡು ಹೊಸ ಫೋನ್ ಅನಾವರಣಗೊಳಿಸಿದೆ
*ಈ ಎರಡೂ ಫೋನುಗಳು ಪ್ರೀಮಿಯಂ ಸೆಗ್ಮೆಂಟ್‌ ಸ್ಮಾರ್ಟ್‌ಫೋನ್‌ಗಳಾಗಿವೆ
*ಶಿಯೋಮಿಯ ಈ ಫೋನ್ ಭಾರತೀಯ ಮಾರುಕಟ್ಟೆಗೆ ಯಾವಾಗ ಬಿಡುಗಡೆಯಾಗಲಿವೆ?
ಚೀನಾ ಮೂಲದ ಶಿಯೋಮಿ (Xiaomi 12T) ಕಂಪನಿಯು ಶಿಯೊಮಿ 12 ಟಿ (Xiaomi 12T) ಮತ್ತು ಶಿಯೋಮಿ 12ಟಿ ಪ್ರೋ (Xiaomi 12T Pro) ಫೋನ್‌ಗಳನ್ನು ಜಾಗತಿಕ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಇದರೊಂದಿಗೆ ಶಿಯೋಮಿ 12 ಸರಣಿ ಸ್ಮಾರ್ಟ್‌ಫೋನ್‌ಗಳ ಸಂಖ್ಯೆಯನ್ನು ಮಾರುಕಟ್ಟೆಯಲ್ಲಿ ಹೆಚ್ಚಳ ಮಾಡಿದೆ. ಈಗಾಗಲೇ 12 ಸರಣಿ ಫೋನುಗಳಿಗೆ ಬಳಕೆದಾರರಿಂದ ವ್ಯಾಪಕ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಹಾಗಾಗಿ, ಈ ಹೊಸ ಫೋನುಗಳಿಗೆ ಅದೇ ಬೇಡಿಕೆ ಸೃಷ್ಟಿಯಾಗಬಹುದು. ಸದ್ಯಕ್ಕೆ ಈ ಫೋನುಗಳ ಬಗೆಗಿನ ಟೀಸರ್ ಸಾರ್ವಜನಿಕರಿಗೆ ಲಭ್ಯವಿದೆ. ಈ ಫೋನುಗಳ ಹೇಗಿದೆ ಎಂದು ನೋಡೋಣ ಬನ್ನಿ.
ಶಿಯೋಮಿ 12ಟಿ (Xiaomi 12T) 8GB RAM + 128GB ಸ್ಟೋರೇಜ್ ವೆರಿಯೆಂಟ್ ಫೋನ್ ಬೆಲೆ ಅಂದಾಜು 48,800 ರೂ. ಗಳಾಷ್ಟಗಲಿದೆ. ಹಾಗೆಯೇ, ಈ ಫೋನ್ 8GB RAM ಮತ್ತು 256 GB ಸ್ಟೋರೇಜ್‌ನಲ್ಲಿ ಗ್ರಾಹಕರಿಗೆ ಸಿಗಲಿದೆ. 8 GB RAM ಮತ್ತು 128 GB ಸ್ಟೋರೇಜ್ ಇರುವ ಶಿಯೋಮಿ 12ಟಿ ಪ್ರೋ (Xiaomi 12T Pro) ಫೋನ್ ಬೆಲೆ ಅಂದಾಜು 60,500 ರೂ. ಇರಲಿದೆ. ಆದರೆ 8GB RAM ಮತ್ತು 256 GB ಸ್ಟೋರೇಜ್ ಮತ್ತು 12GB RAM ಮತ್ತು 256 GB ಸ್ಟೋರೇಜ್ ವೆರಿಯೆಂಟ್ ಫೋನ್‌ಗಳ ಬೆಲೆ ಎಷ್ಟು ಎಂಬುದನ್ನು ಕಂಪನಿಯು ಮಾಹಿತಿ ನೀಡಿಲ್ಲ.
ಶಿಯೋಮಿ 12 ಟಿ ಸ್ಮಾರ್ಟ್‌ಫೋನ್ ಟಿಎಸ್ಎಂಸಿಯ 5 nm ತಂತ್ರಜ್ಞಾನದಲ್ಲಿ ಅಭಿವೃದ್ಧಿಪಡಿಸಲಾದ ಮೀಡಿಯಾ ಟೆಕ್ ಡೈಮೆನ್ಸಿಟಿ 8100-ಅಲ್ಟ್ರಾ CPUನಿಂದ ಚಾಲಿತವಾಗಿದೆ. ಫೋನ್ ಅಡಾಪ್ಟಿವ್ ಸಿಂಕ್ ಮತ್ತು ಅಡಾಪ್ಟಿವ್ ರೀಡಿಂಗ್ ಮೋಡ್ನಂತಹ ವೈಶಿಷ್ಟ್ಯಗಳೊಂದಿಗೆ 6.67 - ಇಂಚಿನ 120Hz HDR10+ CrystalRes AMOLED ಡಿಸ್‌ಪ್ಲೇಯನ್ನು ಹೊಂದಿದೆ. ಇದು 256 GB ಸ್ಟೋರೇಜ್ ಮತ್ತು 8 GB RAM ಅನ್ನು ಒಳಗೊಂಡಿದೆ. ಫೋನ್ನ ಹಿಂಭಾಗದಲ್ಲಿ 108 MP ಮುಖ್ಯ ಕ್ಯಾಮೆರಾ ಇದ್ದರೆ, 8 MP ಅಲ್ಟ್ರಾವೈಡ್ ಲೆನ್ಸ್ ಮತ್ತು 2 MP ಮ್ಯಾಕ್ರೋ ಕ್ಯಾಮೆರಾವನ್ನು ಒಳಗೊಂಡಿರುವ ಟ್ರಿಪಲ್ ಕ್ಯಾಮೆರಾ ಸೆಟ್ಅಪ್ ಕಾಣಬಹುದು. ಉಳಿದಂತೆ 5,000 mAh ಬ್ಯಾಟರಿಯಿಂದ ಈ ಫೋನ್ ಚಾಲಿತವಾಗಿದೆ. 120W ತ್ವರಿತ ಚಾರ್ಜಿಂಗ್ ಈ ಬ್ಯಾಟರಿ ಬೆಂಬಲಿಸುತ್ತದೆ. ಶಿಯೋಮಿ 12ಟಿ (Xiaomi 12T) ಮೂಲ ಮಾದರಿಯು 8GB RAM ಮತ್ತು 128 GB ಸ್ಟೋರೇಜ್ನೊಂದಿಗೆ ಬರುತ್ತದೆ.
ಜಿಯೋದಿಂದ 15000 ರೂಪಾಯಿಗೆ 4ಜಿ ಲ್ಯಾಪ್‌ಟಾಪ್‌?
ಅದೇ ರೀತಿ, ಶಿಯೋಮಿ 12ಟಿ ಪ್ರೋ (Xiaomi 12T Pro) ಸ್ಮಾರ್ಟ್‌ಫೋನ್ 6.67-ಇಂಚಿನ 120Hz HDR10+ CrystalRes AMOLED ಡಿಸ್ಪ್ಲೇ ಮತ್ತು TSMC ಸ್ನ್ಯಾಪ್ಡ್ರಾಗನ್ 8+ Gen 1 CPU ಹೊಂದಿದೆ. ಇದು ಮೂರು ಕಾನ್ಫಿಗರೇಶನ್ಗಳಲ್ಲಿ ಲಭ್ಯವಿದೆ. 256 GBವರೆಗೆ ಸ್ಟೋರೇಜ್ ಮತ್ತು 12 GB RAM ಒಳಗೊಂಡಿದೆ. ಫೋನ್ನ ಹಿಂಭಾಗದಲ್ಲಿ 200 MP ಮುಖ್ಯ ಕ್ಯಾಮೆರಾ ಇದ್ದರೆ, 8 MP ಅಲ್ಟ್ರಾವೈಡ್ ಮತ್ತು 2 MP ಮ್ಯಾಕ್ರೋ ಕ್ಯಾಮೆರಾಗಳಿವೆ. ಈ ಫೋನ್ ಪೂರ್ಣ-ರೆಸಲ್ಯೂಶನ್ 8K ವೀಡಿಯೊ ಕ್ಯಾಪ್ಚರ್ ಅನ್ನು ಸಹ ಬೆಂಬಲಿಸುತ್ತದೆ. ಈ ಫೋನ್ 5,000mAh ಬ್ಯಾಟರಿಯನ್ನು ಹೊಂದಿದೆ ಮತ್ತು 120W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಫೋನ್ನ ಮೂಲ ಮಾದರಿಯು 8 GB RAM ಮತ್ತು 128 GB ಆಂತರಿಕ ಸ್ಟೋರೇಜ್ನೊಂದಿಗೆ ಬರುತ್ತದೆ. ಭಾರತೀಯ ಮಾರುಕಟ್ಟೆಯಲ್ಲಿ ಫೋನ್ ಯಾವಾಗ ಲಭ್ಯವಿರುತ್ತದೆ ಎಂದು ಕಂಪನಿಯು ಇನ್ನೂ ಮಾಹಿತಿ ನೀಡಿಲ್ಲ. ಈ ಫೋನುಗಳಿಗೆ ಭಾರತೀಯ ಗ್ರಾಹಕರು ಕಾಯಬೇಕಾಗುತ್ತದೆ.
5G Internet in India: ಮೋದಿ ಯುಗದ ಮತ್ತೊಂದು ಮೈಲುಗಲ್ಲು: ಹೇಗಿರಲಿದೆ ಡಿಜಿಟಲ್ ಭವಿಷ್ಯ?
