Motorola Edge 30 ಭಾರತದಲ್ಲಿ ಬಿಡುಗಡೆ: ವಿಶ್ವದ ಅತಿ ತೆಳುವಾದ ಸ್ಮಾರ್ಟ್‌ಫೋನ್ ಅನ್ನುತ್ತೆ ಕಂಪನಿ
Motorola Edge 30 ಮಧ್ಯಮ ಶ್ರೇಣಿಯ ಮೊಬೈಲಾಗಿದ್ದು 144Hzಗೆ ಬೆಂಬಲದೊಂದಿಗೆ OLED ಡಿಸ್ಪ್ಲೇ, 50-ಮೆಗಾಪಿಕ್ಸೆಲ್ ಮ್ಯಾಕ್ರೋ ಕ್ಯಾಮೆರಾ ಹಾಗೂ ಅಲ್ಟ್ರಾ ವೈಡ್ ಕ್ಯಾಮೆರದಂತಹ ಕೆಲವು ಪ್ರಮುಖ ದರ್ಜೆಯ ವಿಶೇಷಣಗಳೊಂದಿಗೆ ಬಿಡುಗಡೆಯಾಗಿದೆ
FollowMotorola Edge 30: ಮೊಟೊರೊಲಾ ಒಂದರ ನಂತರ ಒಂದರಂತೆ ಫೋನ್‌ಗಳನ್ನು ಬಿಡುಗಡೆ ಮಾಡುತ್ತಿದೆ. ಈಗ ಮೊಟೊರೊಲಾದ ಪಟ್ಟಿಗೆ Motorola Edge 30 ಸೇರ್ಪಡೆಯಾಗಿದ್ದು, ಇದು Edge 30 ಸರಣಿಯ ಎರಡನೇ ಫೋನಾಗಿದೆ. ಮೊಟೊರೊಲಾ ಎಡ್ಜ್ 30 ಪ್ರೊ ಮೊದಲನೆಯದು, ಇದು ಸ್ನಾಪ್‌ಡ್ರಾಗನ್ 8 ಜನ್ 1 ಚಿಪ್ಸೆಟ್ ಬಳಸುವ ಭಾರತದಲ್ಲಿನ ಅಗ್ಗದ ಫ್ಲ್ಯಾಗ್‌ಶಿಪ್ ಫೋನಾಗಿದೆ. Motorola Edge 30 ವಿಶ್ವದ ಅತ್ಯಂತ ತೆಳುವಾದ ಫೋನ್ ಎಂದು ಮೊಟೊರೊಳಾ ಹೇಳಿಕೊಂಡಿದೆ.
ಮೊಟೊರೊಲಾ ಹೇಳುವಂತೆ, ಇದನ್ನು ದೃಡೀಕರೀಸಲು ಗಣನೀಯ ಡೇಟಾ ಇಲ್ಲದಿದ್ದರೂ, ಫೋನ್ ಸಾಕಷ್ಟು ಸ್ಲಿಮ್ ಆಗಿದೆ. ಅಲ್ಲದೇ ಮೊಟೊರೊಲಾ ಈ ಹಿಂದೆ ಬಿಡುಗಡೆ ಮಾಡಿದ ಫೋನ್‌ಗಳಿಗಿಂತ ಭಿನ್ನವಾಗಿದೆ.
Motorola Edge 30 ಮಧ್ಯಮ ಶ್ರೇಣಿಯ ಮೊಬೈಲಾಗಿದ್ದು 144Hzಗೆ ಬೆಂಬಲದೊಂದಿಗೆ OLED ಡಿಸ್ಪ್ಲೇ, 50-ಮೆಗಾಪಿಕ್ಸೆಲ್ ಮ್ಯಾಕ್ರೋ ಕ್ಯಾಮೆರಾ ಹಾಗೂ ಅಲ್ಟ್ರಾ ವೈಡ್ ಕ್ಯಾಮೆರದಂತಹ ಕೆಲವು ಪ್ರಮುಖ ದರ್ಜೆಯ ವಿಶೇಷಣಗಳೊಂದಿಗೆ ಬಿಡುಗಡೆಯಾಗಿದೆ.
ಇದನ್ನೂ ಓದಿ: Motorola Moto G82 5G ಜಾಗತಿಕವಾಗಿ ಬಿಡುಗಡೆ: ಭಾರತದಲ್ಲೂ ಶೀಘ್ರದಲ್ಲೇ ಲಾಂಚ್
ಮಧ್ಯಮ-ಶ್ರೇಣಿಯ ವಿಭಾಗದಲ್ಲಿ ಯಾವುದೇ ಫೋನ್ 50-ಮೆಗಾಪಿಕ್ಸೆಲ್ ಮ್ಯಾಕ್ರೋ ಸಂವೇದಕವನ್ನು ಹೊಂದಿಲ್ಲ, ಆದ್ದರಿಂದ ಮ್ಯಾಕ್ರೋ ಪಿಕ್ಚರ್ ಗುಣಮಟ್ಟದಲ್ಲಿ ಮೊಟೊರೊಲಾ ದೊಡ್ಡ ಅಂಕಗಳನ್ನು ಗಳಿಸುವ ಒಂದು ಕ್ಷೇತ್ರವಾಗಿದೆ. ಇದಲ್ಲದೆ, ಫೋನ್ Qualcomm Snapdragon 778+5G ಪ್ರೊಸೆಸರ್‌ನೊಂದಿಗೆ ಬರುತ್ತದೆ, ಇದು ಭಾರತದಲ್ಲಿ ಮೊದಲನೆಯದು ಏಕೆಂದರೆ ಬೇರೆ ಯಾವುದೇ ಫೋನ್ ಈ ಪ್ರೊಸೆಸರ್ ಹೊಂದಿಲ್ಲ. ಮೊಟೊರೊಲಾ ಎಡ್ಜ್ 30 ರ ವಿಶೇಷಣ ಹಾಗೂ ಬೆಲೆಗಳ ಬಗ್ಗೆ ಇಲ್ಲಿದ ಮಾಹಿತಿ
Motorola Edge 30 ಭಾರತದಲ್ಲಿ ಬೆಲೆ: Motorola Edge 30 ಭಾರತದಲ್ಲಿ 6GB+128GB ರೂಪಾಂತರಕ್ಕಾಗಿ 27,999 ರೂಗಳ ಆರಂಭಿಕ ಬೆಲೆಯಲ್ಲಿ ಬಿಡುಗಡೆ ಮಾಡಲಾಗಿದೆ. 8GB+256GB ರೂಪಾಂತರಕ್ಕಾಗಿ, ಸಾಧನದ ಬೆಲೆ 29,999 ರೂ ಆಗಿದೆ.
ಆದಾಗ್ಯೂ, ಆರಂಭಿಕ ಖರೀದಿದಾರರು ಫೋನ್‌ಗಳಲ್ಲಿ 2000 ರೂಪಾಯಿಗಳ ರಿಯಾಯಿತಿಯನ್ನು ಪಡೆಯಬಹುದು, ಇದು ಪರಿಣಾಮಕಾರಿಯಾಗಿ 6GB ರೂಪಾಂತರ 25,999 ಮತ್ತು 8GB ರೂಪಾಂತರ 27,999 ರೂ ಬೆಲೆಯಲ್ಲಿ ಲಭ್ಯವಾಗಿವಂತೆ ಮಾಡುತ್ತದೆ. ಸ್ಮಾರ್ಟ್‌ಫೋನ್ ಎರಡು ಬಣ್ಣಗಳ ಆಯ್ಕೆಗಳಲ್ಲಿ ನೀಡಲಾಗುತ್ತದೆ ಮತ್ತು ಇದು ಫ್ಲಿಪ್‌ಕಾರ್ಟ್ ಮತ್ತು ರಿಲಯನ್ಸ್ ಡಿಜಿಟಲ್ ಸ್ಟೋರ್‌ಗಳಲ್ಲಿ ಮೇ 19, ಮಧ್ಯಾಹ್ನ 12 ರಿಂದ ಮಾರಾಟವಾಗಲಿದೆ.
Motorola Edge 30 ಫೀಚರ್ಸ್: Motorola Edge 30 6.7-ಇಂಚಿನ OLED ಡಿಸ್ಪ್ಲೇ ಜೊತೆಗೆ 144hz ರಿಫ್ರೆಶ್ ದರಕ್ಕೆ ಬೆಂಬಲವನ್ನು ಹೊಂದಿದೆ. ಡಿಸ್ಪ್ಲೇ HDR10+, DC-ಡಿಮ್ಮಿಂಗ್ ಸಹ ಬೆಂಬಲಿಸುತ್ತದೆ ಮತ್ತು ಇನ್-ಡಿಸ್ಪ್ಲೇ ಫಿಂಗರ್ಪ್ರಿಂಟ್ ರೀಡರ್ನೊಂದಿಗೆ ಬರುತ್ತದೆ.
Motorola Edge 30 Qualcomm Snapdragon 778+ 5G ಪ್ರೊಸೆಸರ್ ಹೊಂದಿದೆ. Motorola Edge 30 ಭಾರತದಲ್ಲಿ Snapdragon 778+ 5g ಪ್ರೊಸೆಸರ್‌ನೊಂದಿಗೆ ಬಂದ ಮೊದಲ ಸ್ಮಾರ್ಟ್‌ಫೋನಾಗಿದೆ. ಚಿಪ್ಸೆಟ್ Qualcomm Snapdragon 778ನ ಉತ್ತರಾಧಿಕಾರಿಯಾಗಿದೆ.
ಇದನ್ನೂ ಓದಿ: ಕ್ವಾಡ್ ರಿಯರ್ ಕ್ಯಾಮೆರಾ, 5,000mAh ಬ್ಯಾಟರಿ: ಅತೀ ಅಗ್ಗದ Moto G22 ಭಾರತದಲ್ಲಿ ಲಾಂಚ್!
ಮೊಟೊರೊಲಾ ಎಡ್ಜ್ 30 ಎರಡು ರ‍್ಯಾಮ್ ರೂಪಾಂತರಗಳಲ್ಲಿ ಬರುತ್ತದೆ, 6GGB+128GB ಸಂಗ್ರಹಣೆ ಮತ್ತು 8GB+256GB ಸ್ಟೋರೇಜ್ ರೂಪಾಂತರ. ಮೊಟೊರೊಲಾ ಎಡ್ಜ್ 30 ಗೆ ಆಂಡ್ರಾಯ್ಡ್ 12 ಔಟ್‌ ಆಫ್‌ ದಿ ಬಾಕ್ಸ್ ರನ್ ಮಾಡುತ್ತದೆ. ಇದು Android 13 ಮತ್ತು 14 ಗೆ ಖಚಿತವಾದ ನವೀಕರಣಗಳೊಂದಿಗೆ 3 ವರ್ಷಗಳವರೆಗೆ ಭದ್ರತಾ ನವೀಕರಣಗಳೊಂದಿಗೆ ಬರುತ್ತದೆ. Motorola Edge 30 4020mAh ಬ್ಯಾಟರಿಯನ್ನು ಹೊಂದಿದ್ದು, 33W ವೇಗದ ಚಾರ್ಜಿಂಗ್‌ಗೆ ಬೆಂಬಲವನ್ನು ಹೊಂದಿದೆ.
ಇನ್ನು Motorola Edge 30 ವಿಶ್ವದ ಅತ್ಯಂತ ಸ್ಲಿಮ್ ಫೋನ್ ಎಂದು ಮೊಟೊರೊಲಾ ಹೇಳಿಕೊಂಡಿದೆ, ಇದು ಕೇವಲ 6.79mm ದಪ್ಪವಿದೆ. ಫೋನ್ Mi 11 Liteಗಿಂತ ತೆಳ್ಳಗಿರುತ್ತದೆ, ಇದು 6.89mm ದಪ್ಪ ಹೊಂದಿದೆ.
ಸಾಧನವು ಡಾಲ್ಬಿ ಅಟ್ಮಾಸ್‌ನೊಂದಿಗೆ ಬರುವ ಸ್ಟಿರಿಯೊ ಸ್ಪೀಕರ್‌ಗಳನ್ನು ಹೊಂದಿದೆ ಮತ್ತು ಹೆಚ್ಚು ತಲ್ಲೀನಗೊಳಿಸುವ ಮತ್ತು ಲಾಸ್-ಲೆಸ್ ಆಡಿಯೊ ಅನುಭವಕ್ಕಾಗಿ ಸ್ನಾಪ್‌ಡ್ರಾಗನ್ ಸೌಂಡ್ ಬೆಂಬಲಿಸುತ್ತದೆ.
Motorola Edge 30 ಭಾರತದ ಮೊದಲ 50 MP ಹೈ ರೆಸಲ್ಯೂಶನ್ ಅಲ್ಟ್ರಾವೈಡ್ + ಮ್ಯಾಕ್ರೋ ಕ್ಯಾಮರಾ, OIS ಜೊತೆಗೆ 50MP ಪ್ರೈಮರಿ ಕ್ಯಾಮರಾ ಮತ್ತು 32MP ಸೆಲ್ಫಿ ಕ್ಯಾಮೆರಾದೊಂದಿಗೆ ಬರುತ್ತದೆ.
