ಏ.1ರಿಂದ ಮೊಬೈಲ್ ಫೋನ್‌ ಬಲು ದುಬಾರಿ!
ಜಿಎಸ್‌ಟಿ ಏರಿಕೆ| ಏ.1ರಿಂದ ಮೊಬೈಲ್ ಫೋನ್‌ ದುಬಾರಿ
 )
Followನವದೆಹಲಿ[ಮಾ.15]: ಮೊಬೈಲ್ ಫೋನ್‌ ಹಾಗೂ ಫೋನ್‌ಗೆ ಬಳಸುವ ಕೆಲವು ಬಿಡಿ ಭಾಗಗಳ ಮೇಲಿನ ಜಿಎಸ್‌ಟಿ ದರಗಳನ್ನು ಶೇ.12ರಿಂದ ಶೇ.18ಕ್ಕೆ ಏರಿಕೆ ಮಾಡಲು ಜಿಎಸ್‌ಟಿ ಮಂಡಳಿ ಶನಿವಾರ ತೀರ್ಮಾನ ಕೈಗೊಂಡಿದೆ. ಪರಿಷ್ಕೃತ ದರ ಏ.1ರಿಂದ ಜಾರಿ ಆಗಲಿದೆ ಎಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ತಿಳಿಸಿದ್ದಾರೆ.
ಇದೇ ವೇಳೆ, 2018-19ನೇ ಸಾಲಿನಲ್ಲಿ 2 ಕೋಟಿಗಿಂತ ಕಡಿಮೆ ವಹಿವಾಟು ನಡೆಸುವ ಕಂಪನಿಗಳು ವಿಳಂಬವಾಗಿ ವಾರ್ಷಿಕ ತೆರಿಗೆ ಪಾವತಿ ವಿವರ ಸಲ್ಲಿಕೆ ಮಾಡಿದ್ದಕ್ಕೆ ವಿಧಿಸಿರುವ ದಂಡವನ್ನು ಮನ್ನಾ ಮಾಡಲು ಜಿಎಸ್‌ಟಿ ಮಂಡಳಿ ನಿರ್ಧರಿಸಿದೆ.
ಇದೇ ವೇಳೆ ಜಿಎಸ್‌ಟಿ ನೆಟ್‌ವರ್ಕ್ ಸಮರ್ಥ್ಯವನ್ನು ಹೆಚ್ಚಿಸುವ ನಿಟ್ಟಿನಿಂದ ಹೆಚ್ಚಿನ ಮಾನವ ಸಂಪನ್ಮೂಲ ಬಳಕೆ ಮಾಡುವಂತೆ ಜಿಎಸ್‌ಟಿ ಮಂಡಳಿ ಜಿಎಸ್‌ಟಿ ಸಾಫ್ಟ್‌ವೇರ್‌ ಅಭಿವೃದ್ಧಿಪಡಿಸಿದ ಇಸ್ಫೋಸಿಸ್‌ಗೆ ಸೂಚನೆ ನೀಡಿದೆ.
