ದೀಪಾವಳಿಗೆ ಆಫರ್ ಕೊಟ್ಟರೂ ಚೀನಾ ಫೋನ್‌ಗಿಲ್ಲ ಬೇಡಿಕೆ!
ದೀಪಾವಳಿ ಹಬ್ಬಕ್ಕೆ ಆಫರ್ ಮೇಲೆ ಆಫರ್ ಕೊಟ್ಟರು ಚೀನಾ ಸ್ಮಾರ್ಟ್‍‌ಫೋನ್‌ಗೆ ಬೇಡಿಕೆ ಇಲ್ಲದಾಗಿದೆ. ಕೇಂದ್ರ ಸರ್ಕಾರ ನೂತನ ವರದಿ ಬಿಡುಗಡೆ ಮಾಡಿದ್ದು, ಚೀನಾ ಫೋನ್‌ಗಳ ಬೇಡಿಕೆ ಮಾಹಿತಿ ಬಹಿರಂಗವಾಗಿದೆ.
ನವದೆಹಲಿ(ನ.13): ನವರಾತ್ರಿ, ದೀಪಾವಳಿ ಸೇರಿದಂತೆ ಸಾಲು ಸಾಲು ಹಬ್ಬಕ್ಕೆ ಪ್ರತಿ ವರ್ಷ ಚೀನಾ ಕಂಪನಿಗಳು ಕೋಟಿ ಕೋಟಿ ಆದಾಯ ಎಣಿಸುತ್ತಿತ್ತು. ಆಫರ್ ಮೇಲೆ ಆಫರ್ ಮೂಲಕ ಭಾರತೀಯರನ್ನು ಮೋಡಿ ಮಾಡುತ್ತಿದ್ದ ಚೀನಾ ಸ್ಮಾರ್ಟ್‌ಫೋನ್ ಕಂಪನಿಗಳು ದಾಖಲೆ ಪ್ರಮಾಣದ ಮಾರಾಟ ಕಾಣುತ್ತಿತ್ತು. ಆದರೆ ಈ ಬಾರಿಯ ಹಬ್ಬದಲ್ಲಿ ಚೀನಾ ವಸ್ತುಗಳಿಗೆ ಬೇಡಿಕೆ ಇಲ್ಲದಾಗಿದೆ.
ಒಟಿಟಿ ಪ್ಲಾಟ್‌ಫಾರಂಗೆ ಅಂಕುಶ: ಕೇಂದ್ರಕ್ಕೆ ಹ್ಯಾಟ್ಸಾಫ್‌
ದೀಪಾವಳಿ ಹಬ್ಬಕ್ಕೆ ವಿಶೇಷ ಆಫರ್, ರಿಯಾಯಿತಿ, ವೋಚರ್ ಸೇರಿದಂತ ಹಲವು ಗಿಫ್ಟ್‌ಗಳನ್ನು ನೀಡಲಾಗಿದೆ. ಆದರೆ ಕಳೆದ ವರ್ಷಕ್ಕೆ ಹೋಲಿಸಿದರೆ, ಈ ಬಾರಿ ಬರೋಬ್ಬರಿ 27% ಆಮದು ಕುಸಿತ ಕಂಡಿದೆ. ಈ ಬಾರಿ ಅಕ್ಟೋಬರ್ ತಿಂಗಳಲ್ಲಿ 25 ಮಿಲಿಯನ್ ಫೋನ್‌ಗಳು ಭಾರತಕ್ಕೆ ಆಮದು ಮಾಡಲಾಗಿದೆ. 2019ರಲ್ಲಿ ಈ ಸಂಖ್ಯೆ 34.6 ಮಿಲಿಯನ್ ಆಗಿತ್ತು.
ಸೆಪ್ಟೆಂಬರ್ ತಿಂಗಳಲ್ಲೂ ಭಾರಿ ಕುಸಿತ ಕಂಡಿದೆ. ಶೇಕಡಾ 36% ರಷ್ಟು ಕುಸಿತ ಕಂಡಿದೆ. 2020ರ ಸೆಪ್ಟೆಂಬರ್ ತಿಂಗಳಲ್ಲಿ 22 ಮಿಲಿಯನ್ ಚೀನಾ ಫೋನ್‌ಗಳು ಭಾರತಕ್ಕೆ ಆಮದು ಮಾಡಲಾಗಿದೆ. ಆದರೆ ಈ ಸಂಖ್ಯೆ 2019ರ ಸೆಪ್ಟೆಂಬರ್ ತಿಂಗಳಲ್ಲಿ 36.7 ಮಿಲಿಯನ್ ಆಗಿತ್ತು.
