Asianet Suvarna News Asianet Suvarna News

ನಾಲಿಗೆಗೆ ರುಚಿಯಾದ ಉಪ್ಪು, ದೇಹಕ್ಕೆಷ್ಟು ಬೇಕು?

 'ತಾಯಿಗಿಂತ ಬಂಧುವಿಲ್ಲ, ಉಪ್ಪಿಗಿಂತ ರುಚಿಯಿಲ್ಲ...' ಎನ್ನೋ ಗಾದೆಯೇ ಇದೆ. ಉಪ್ಪಿಲ್ಲದ ಅಡುಗೆ ಅಪೂರ್ಣ. ರುಚಿಗೆ ಮಾತ್ರವಲ್ಲ, ಆರೋಗ್ಯಕ್ಕೂ ಇದು ಅಗತ್ಯ. ಆದರೆ, ಅಗತ್ಯಕ್ಕಿಂತ ಹೆಚ್ಚು ಬಳಸಿದರೆ ಆರೋಗ್ಯಕ್ಕೂ ಕುತ್ತು ಗ್ಯಾರಂಟಿ.

Uncooked salt is harmful for the human body
Author
Bengaluru, First Published Oct 7, 2018, 3:38 PM IST
  • Facebook
  • Twitter
  • Whatsapp

ಉಪ್ಪು ಕಮ್ಮಿ ಎಂದು ಕೆಲವರು ಅಡುಗೆಗೆ ಮೇಲುಪ್ಪು ಹಾಕಿ ಕೊಳ್ತಾರೆ. ಇದು ರಕ್ತದೊತ್ತಡ, ಹೊಟ್ಟೆ ಕ್ಯಾನ್ಸರ್, ತೂಕದಲ್ಲಿ ಏರು-ಪೇರು ಮತ್ತು ಆಸ್ತಮಾದಂಥ ರೋಗಗಳಿಗೂ ಕಾರಣವಾಗಬಹುದು. ಅಲ್ಲದೇ ಮೇಲುಪ್ಪು ಹೆಚ್ಚಾಗಿ ಬಳಸುವವರಿಗೆ ಹೃದಯಾಘಾತ , ಮೂತ್ರಪಿಂಡ ಸಮಸ್ಯೆಯಲ್ಲದೇ, ರಕ್ತದ ಸುಗಮ ಸಂಚಾರಕ್ಕೆ ಕುತ್ತು ಹಾಗೂ ನರ ವ್ಯವಸ್ಥೆ ಮೇಲೂ ಪರಿಣಾಮ ಬೀರುವ ಸಾಧ್ಯತೆ ಇರುತ್ತದೆ, ಎನ್ನುತ್ತಾರೆ ಡಯಟಿಷಿಯನ್ಸ್.

ಅಡುಗೆ ಮಾಡುವಾಗಲೇ ಹಾಕಿರುವ ಉಪ್ಪು, ಸರಿಯಾಗಿ ಕರಗುವುದರಿಂದ, ದೇಹದ ಮೇಲೆ ಯಾವುದೇ ದುಷ್ಪರಿಣಾಮ ಬೀರುವುದಿಲ್ಲ. ಅದರೆ, ಮೇಲುಪ್ಪು ಹಾಕಿಕೊಳ್ಳುವುದರಿಂದ ಅದು ಆಹಾರದೊಡನೆ ಸರಿಯಾಗಿ ಬೆರೆಯದೇ ಅನಾರೋಗ್ಯ ಕಾಡುವಂತೆ ಮಾಡುತ್ತದೆ. ಇದರಿಂದಲೇ ಅಧಿಕ ರಕ್ತದೊತ್ತಡ ಹಾಗೂ ಹೃದ್ರೋಗದಂಥ ಸಮಸ್ಯೆಗಳೂ ಕಾಣಿಸಿಕೊಳ್ಳುತ್ತವೆ.

ಹಾಗಂತ ಕಡಿಮೆ ಉಪ್ಪು ಸೇವಿಸುವುದೂ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಇದರಿಂದಲೂ ಕಡಿಮೆ ರಕ್ತದೊತ್ತಡದಂಥ ಸಮಸ್ಯೆಗಳು ಕಾಡೋ ಸಾಧ್ಯತೆ ಇರುತ್ತದೆ. ದಿನಕ್ಕೆ ಸುಮಾರು ಎರಡು ಸ್ಪೂನ್ ಉಪ್ಪು ಬಳಸಿದರೆೊಳಿತು, ಎನ್ನುವುದು ತಜ್ಞರ ಅಭಿಪ್ರಾಯ.

Follow Us:
Download App:
  • android
  • ios