ಫ್ರಿಡ್ಜ್ನಲ್ಲಿಟ್ಟ ಹಳೆಯ ಪದಾರ್ಥಗಳಿಂದ ಬರುವ ಕೆಟ್ಟ ವಾಸನೆಯನ್ನು ನಿವಾರಿಸಲು ಈ ಲೇಖನವು ಸರಳ ಮನೆಮದ್ದುಗಳನ್ನು ನೀಡುತ್ತದೆ. ಬೇಕಿಂಗ್ ಸೋಡಾ, ವಿನೆಗರ್ ಮತ್ತು ನಿಂಬೆಹಣ್ಣಿನ ಬಳಕೆಯಿಂದ ದುರ್ವಾಸನೆಯನ್ನು ಹೋಗಲಾಡಿಸುವುದು ಹೇಗೆ ಮತ್ತು ಫ್ರಿಡ್ಜ್ ಅನ್ನು ಸದಾ ಸುವಾಸನೆಯಿಂದ ಇರಿಸಿಕೊಳ್ಳಲು ಅನುಸರಿಸಬೇಕಾದ ಕ್ರಮಗಳ ಬಗ್ಗೆ ಇಲ್ಲಿ ವಿವರಿಸಲಾಗಿದೆ.
ಫ್ರಿಡ್ಜ್ ಎನ್ನೋದು ಹಲವರ ಮನೆಯಲ್ಲಿ ಮಿನಿ ಅಡುಗೆ ಕೋಣೆಯೇ ಆಗಿರುತ್ತದೆ. ಅಡುಗೆ ಮನೆಯಲ್ಲಿ ಇಡುವ ಎಲ್ಲಾ ಸಾಮಗ್ರಿಗಳೂ ಫ್ರಿಡ್ಜ್ನಲ್ಲಿ ತುಂಬಿರುತ್ತವೆ. ಬೇಳೆ, ಕಾಳುಗಳಿಂದ ಹಿಡಿದು, ನಿನ್ನೆಯ, ಮೊನ್ನೆಯ, ಭವಿಷ್ಯಕ್ಕೆ ಬೇಕಾಗುವ... ಎಲ್ಲಾ ಅಡುಗೆ ಪದಾರ್ಥಗಳೂ ಅದರಲ್ಲಿ ತುಂಬಿರುತ್ತವೆ. ಫ್ರಿಡ್ಜ್ಗೇನಾದ್ರೂ ಬಾಯಿ ಇದ್ದರೆ, ಅದು ಮನೆಯವರನ್ನು ಎಷ್ಟು ಶಪಿಸುತ್ತಿತ್ತೋ ಎನ್ನುವಷ್ಟರ ಮಟ್ಟಿಗೆ ಕೆಲವರ ಮನೆಯ ಫ್ರಿಡ್ಜ್ ನೋಡಲು ಸಾಧ್ಯವಾಗದ ರೀತಿಯಲ್ಲಿ ತುಂಬಿ ತುಳುಕಾಡುತ್ತಿರುತ್ತದೆ.
ಇಷ್ಟೆಲ್ಲಾ ತುಂಬಿದ ಮೇಲೆ ವಾಸನೆ ಬರದೇ ಇರುತ್ತಾ? ಅದರಲ್ಲಿಯೂ ಹೆಚ್ಚಾಗಿ ಹಳೆಯ ಪದಾರ್ಥಗಳೇ ಇರುವ ಕಾರಣದಿಂದ ಫ್ರಿಡ್ಜ್ ಓಪನ್ ಮಾಡಿದ ತಕ್ಷಣ ಘಂ ಎನ್ನುವ ಪರಿಮಳದ ಬದಲು ಘುಂ ಎನ್ನುವ ಕೆಟ್ಟ ವಾಸನೆ ಬರುತ್ತದೆ. ಮನೆಯಲ್ಲಿ ಯಾರಾದರೂ ನೆಂಟರಿಷ್ಟರು ಬಂದಾಗ, ಅವರ ಎದುರು ಫ್ರಿಡ್ಜ್ ತೆಗೆಯುವ ಭಯ ಕೂಡ ಇದೇ ಕಾರಣಕ್ಕೆ ಕೆಲವರಿಗೆ ಕಾಡುವುದು ಉಂಟು. ಹಾಗಿದ್ದರೆ, ಇಲ್ಲಿ ಎರಡು ವಿಭಾಗದಲ್ಲಿ ಟಿಪ್ಸ್ ನೀಡಲಾಗಿದೆ. ಮೊದಲನೆಯದ್ದು ನಿಮ್ಮ ಮನೆಯ ಫ್ರಿಡ್ಜ್ ಹೀಗೆ ನಾರುತ್ತಿದ್ದರೆ ಅದನ್ನು ಸರಿ ಮಾಡುವುದು ಹೇಗೆ ಎನ್ನುವುದು, ಇನ್ನೊಂದು, ಸದಾ ಫ್ರಿಡ್ಜ್ ಸುವಾಸನೆಯಿಂದ ಕೂಡಿರಲು ಏನು ಮಾಡಬೇಕು ಎನ್ನುವುದು.
ವಾಸನೆ ಬಾರದಿರಲು ಏನು ಮಾಡಬೇಕು?
- ಒಂದು ಪಾತ್ರೆಯಲ್ಲಿ ಸ್ವಲ್ಪ ಬೇಕಿಂಗ್ ಸೋಡವನ್ನು ಹಾಕಿ ಅದನ್ನು ಫ್ರಿಡ್ಜ್ನಲ್ಲಿ ಇದೆ. ಹೀಗೆ ಮಾಡಿದರೆ, ಕೆಟ್ಟ ವಾಸನೆಗಳನ್ನೆಲ್ಲಾ ಈ ಸೋಡಾ ಹೀರಿಕೊಂಡು ಫ್ರಿಡ್ಜ್ ಕೆಟ್ಟ ವಾಸನೆಯಿಂದ ಮುಕ್ತವಾಗುವ ರೀತಿಯಲ್ಲಿ ಮಾಡುತ್ತದೆ.
Related Articles
- ಒಂದು ಸಣ್ಣ ಬೌಲ್ನಲ್ಲಿ ವೈಟ್ ವಿನೆಗರ್ನ್ನು ಫ್ರಿಡ್ಜ್ನಲ್ಲಿ ದಿನಪೂರ್ತಿ ಇಟ್ಟರೆ, ರೆಫ್ರಿಜರೇಟರ್ನ ಕೆಟ್ಟ ವಾಸನೆ ಕ್ರಮೇಣವಾಗಿ ದೂರವಾಗುತ್ತದೆ.
- ನಿಂಬೆ ಹಣ್ಣನ್ನು ಮೂರು ನಾಲ್ಕು ಹೋಳುಗಳನ್ನಾಗಿ ಮಾಡಿ, ಫ್ರಿಡ್ಜ್ನ ಪ್ರತಿಯೊಂದು ಸೆಲ್ಫ್ನಲ್ಲಿಯೂ ಕೂಡ ಅಲ್ಲಲ್ಲಿ ಇಡಿ. ಒಂದು ದಿನ ಪೂರ್ತಿ ಇದನ್ನು ಫ್ರಿಡ್ಜ್ನಲ್ಲಿ ಇಟ್ಟರೆ ಕ್ರಮೇಣವಾಗಿ ರೆಫ್ರಿಜರೇಟರ್ನ ಕೆಟ್ಟ ವಾಸನೆ ದೂರವಾಗುತ್ತದೆ.
ಇನ್ನು ಫ್ರಿಜ್ ಸದಾ ವಾಸನೆಯಿಂದ ಮುಕ್ತವಾಗಿರಲು ಏನು ಮಾಡಬೇಕು ಎನ್ನುವ ಟಿಪ್ಸ್ ಇಲ್ಲಿ ನೀಡಲಾಗಿದೆ.
- ಮೊದಲು ಫ್ರಿಡ್ಜ್ನಲ್ಲಿ ಹಳೆಯ ಪದಾರ್ಥಗಳು, ಕೊಳೆತ ಆಹಾರ ಅಥವಾ ಹಣ್ಣು-ತರಕಾರಿಗಳು ಇದ್ದರೆ ತೆಗೆದುಬಿಡಿ. ನಾಳೆ ಎಸೆಯುವ ಬದಲು ಇಂದೇ ಎಸೆಯಿರಿ.
- ಉಳಿದಿರುವ ಆಹಾರಪದಾರ್ಥವನ್ನು ಇಡಲೇಬೇಕಾದರೆ ಏರ್ಟೈಟ್ನರ್ ಗಾಜಿನ ಕಂಟೇನರ್ನಲ್ಲಿ ಇಟ್ಟು ಅದನ್ನು ಫ್ರಿಡ್ಜ್ನಲ್ಲಿ ಇಡಿ. ಇಲ್ಲದಿದ್ದರೆ ವಾಸನೆ ಕಟ್ಟಿಟ್ಟದ್ದೇ.
- ಇನ್ನು ಇದಾಗಲೇ ಫ್ರಿಜ್ಡ್ ವಾಸನೆ ಬಂದಿದ್ದರೆ, ಮೇಲೆ ಹೇಳಿದಂತೆ ಅಡುಗೆ ಸೋಡಾ ಟ್ರಿಕ್ಸ್ ಬಳಸಿ. ಒಂದು ಬೌಲ್ಗೆ ಉಗುರು ಬೆಚ್ಚಗಿನ ನೀರು ಸೇರಿಸಿ, ಅದಕ್ಕೆ ಒಂದೆರಡು ಚಮಚ ಬೇಕಿಂಗ್ ಸೋಡಾ ಹಾಕಿ ಮಿಕ್ಸ್ ಮಾಡಿ, ಸ್ವಲ್ಪ ದಪ್ಪಗೆ ಗಟ್ಟಿಯಾಗುವವರೆಗೆ ಕಲಸಿ. ಬಳಿಕ ಈ ಪೇಸ್ಟ್ ಅನ್ನು ಫ್ರಿಡ್ಜ್ನ ಒಳಬದಿಯ ಎಲ್ಲಾ ಜಾಗ ಗಳಲ್ಲೂ ಉಜ್ಜಿ, ಆಮೇಲೆ ರೆಫ್ರಿಜರೇಟರ್ನ ಬಾಗಿಲನ್ನು ಮುಚ್ಚಿ, ಸುಮಾರು ಒಂದು ಗಂಟೆಯವರೆಗೆ ಹಾಗೆ ಯೇ ಬಿಟ್ಟುಬಿಡಿ. ಆಮೇಲೆ, ಮೃದುವಾದ ಬಟ್ಟೆಯನ್ನು ನೀರಿನಲ್ಲಿ, ಅದ್ದಿಕೊಂಡು ಫ್ರಿಡ್ಜ್ನ ಒಳಭಾಗ ವನ್ನು ಚೆನ್ನಾಗಿ ಉಜ್ಜಿ, ಸ್ವಚ್ಛ ಮಾಡಿಕೊಳ್ಳಿ. ಈ ಟ್ರಿಕ್ಸ್ ಅನ್ನು ವಾರದಲ್ಲಿ ಒಂದೆರಡು ಬಾರಿಯಾದರೂ ಮಾಡಿದರೆ ಒಳ್ಳೆಯದು.
