ಅಪ್ಪ-ಅಮ್ಮ ಇಬ್ಬರೂ ಉದ್ಯೋಗಕ್ಕೆ ಹೋಗುವಂಥ ಈ ಸಂದರ್ಭದಲ್ಲಿ ಹೆಚ್ಚಿನವರು ಮಕ್ಕಳನ್ನು ಬೇಬಿಸಿಟ್ಟಿಂಗ್ನಲ್ಲೋ, ಪ್ಲೇಹೋಂನಲ್ಲೋ ಬಿಟ್ಟು ಹೋಗುತ್ತಾರೆ. ಕೆಲಸದ ಅವಧಿ ಮುಗಿದ ಬಳಿಕ ಮಕ್ಕಳನ್ನು ಅಲ್ಲಿಂದ ಕರೆದೊಯ್ಯುತ್ತಾರೆ. ಆದರೆ, ನಿಮ್ಮ ಮಕ್ಕಳನ್ನು ಅಲ್ಲಿಗೆ ಸೇರಿಸುವ ಮೊದಲು ಅವರ ಸುರಕ್ಷತೆಯ
ಅಪ್ಪ-ಅಮ್ಮ ಇಬ್ಬರೂ ಉದ್ಯೋಗಕ್ಕೆ ಹೋಗುವಂಥ ಈ ಸಂದರ್ಭದಲ್ಲಿ ಹೆಚ್ಚಿನವರು ಮಕ್ಕಳನ್ನು ಬೇಬಿಸಿಟ್ಟಿಂಗ್ನಲ್ಲೋ, ಪ್ಲೇಹೋಂನಲ್ಲೋ ಬಿಟ್ಟು ಹೋಗುತ್ತಾರೆ. ಕೆಲಸದ ಅವಧಿ ಮುಗಿದ ಬಳಿಕ ಮಕ್ಕಳನ್ನು ಅಲ್ಲಿಂದ ಕರೆದೊಯ್ಯುತ್ತಾರೆ. ಆದರೆ, ನಿಮ್ಮ ಮಕ್ಕಳನ್ನು ಅಲ್ಲಿಗೆ ಸೇರಿಸುವ ಮೊದಲು ಅವರ ಸುರಕ್ಷತೆಯ ದೃಷ್ಟಿಯಿಂದ ಕೆಲವೊಂದು ವಿಚಾರಗಳನ್ನು ಗಮನದಲ್ಲಿಟ್ಟುಕೊಳ್ಳುವುದು ಸೂಕ್ತ.
ಗಮನಿಸಿ: ಬೇಬಿ ಸಿಟ್ಟಿಂಗ್ ಸಿಬ್ಬಂದಿಯ ವರ್ತನೆ ಹೇಗಿದೆ ಎಂಬುದನ್ನು ಗಮನಿಸಿ. ಮಕ್ಕಳ ಮೇಲೆ ರೇಗುವುದು, ಕಿರುಚಾಡುವುದು, ಅಸಹನೆ ತೋರಿಸುವಂಥ ಸಿಬ್ಬಂದಿಯಾದರೆ ಅಲ್ಲಿಂದ ದೂರವಿರುವುದೇ ಉತ್ತಮ.
ಮೇಲೆ ಗಮನ: ಪ್ಲೇ ಹೋಂ ಇರುವಂಥ ಸ್ಥಳ, ಅಲ್ಲಿನ ಭದ್ರತೆ, ಸುರಕ್ಷೆ ಮತ್ತಿತರ ವಿಚಾರಗಳ ಬಗ್ಗೆ ಹೆಚ್ಚಿನ ಗಮನ ಕೊಡಿ. ಅಲ್ಲಿಯ ಸಿಬ್ಬಂದಿಯ ಕುರಿತೂ ಒಂದಿಬ್ಬರಲ್ಲಿ ಕೇಳಿ, ಮಾಹಿತಿ ಸಂಗ್ರಹಿಸಿ. ಎಲ್ಲವೂ ಓಕೆ ಎಂದಾದರೆ ಮಾತ್ರ ಮಕ್ಕಳನ್ನು ಅಲ್ಲಿಗೆ ಸೇರಿಸಿ.
ಬಗ್ಗೆ ತಿಳಿಸಿ: ಪ್ಲೇ ಹೋಂನಲ್ಲಿರುವ ಸಿಬ್ಬಂದಿಗೆ ನಿಮ್ಮ ಮಗುವಿನ ಚಟುವಟಿಕೆಗಳ ಬಗ್ಗೆ ತಿಳಿಸಿ. ಮಗು ನಿದ್ದೆ ಮಾಡುವ ಹೊತ್ತು, ಆಹಾರದ ಅಭ್ಯಾಸ, ಇಷ್ಟಪಡುವ ಆಟಿಕೆಗಳು, ಡಯಾಪರ್ ಬದಲಿಸುವ ಸಮಯ... ಹೀಗೆ ಎಲ್ಲ ವಿಚಾರಗಳನ್ನೂ ಅವರಿಗೆ ತಿಳಿಸಿದರೆ ಸೂಕ್ತ.
ತಿಳಿಸಿ: ಮಕ್ಕಳ ಬ್ಯಾಗ್ನಲ್ಲೂ ನಿಮ್ಮ ಸಂಪರ್ಕ ಸಂಖ್ಯೆಯನ್ನು ಇಟ್ಟು, ಅದನ್ನು ಅವರಿಗೆ ತೋರಿಸಿಬಿಡಿ. ಮಗು ದೊಡ್ಡದಾಗಿದ್ದರೆ, ಮನೆಯ ದೂರವಾಣಿ ಸಂಖ್ಯೆ, ವಿಳಾಸವನ್ನು ಹೇಳಿಕೊಡಿ.
ಸಂಖ್ಯೆ: ಪ್ಲೇ ಹೋಂಗಳಿಗೆ ನಿಮ್ಮ ಮೊಬೈಲ್ ಸಂಖ್ಯೆಯನ್ನಷ್ಟೇ ನೀಡಿದರೆ ಸಾಲದು. ನಿಮ್ಮಿಬ್ಬರ ಮನೆಯ, ಕಚೇರಿಯ ದೂರವಾಣಿ ಸಂಖ್ಯೆ, ಪ್ಲೇ ಹೋಂ ಹತ್ತಿರ ವಾಸವಿರುವ ನಿಮ್ಮ ನಂಬಿಕಸ್ಥ ಸ್ನೇಹಿತರು ಅಥವಾ ಸಂಬಂಧಿಕರ ಸಂಖ್ಯೆಯನ್ನೂ ನೀಡಿ. ಇದು ಕಷ್ಟಕಾಲದಲ್ಲಿ ಸಹಾಯಕ್ಕೆ ಬರುತ್ತದೆ.
