ಸೂರ್ಯನಲ್ಲಿ ಸಿಗೋ ಪೋಷಕಾಂಶವೂ ಈ ತರಕಾರಿಯಲ್ಲಿದೆ...
ನಮ್ಮ ಪೂರ್ವಿಕರು ಬಳಸುತ್ತಿದ್ದ ಪ್ರತಿಯೊಂದೂ ತರಕಾರಿ ದೇಹಕ್ಕೆ ಅಗತ್ಯವಿರುತ್ತಿತ್ತು. ಆ ಕಾರಣದಿಂದಲೇ ಅವರು ವೈದ್ಯರಿಂದ ಬಹಳ ದೂರವೇ ಉಳಿಯುತ್ತಿದ್ದರು. ಅಂಥ ತರಕಾರಿಯಾದ ಪಡುವಳಕಾಯಿ ದೇಹಕ್ಕೇಕೆ ಬೇಕು?
 )
Followಪಡುವಲಕಾಯಿಯಲ್ಲಿ ಬಹಳಷ್ಟು ಔಷಧೀಯ ಗುಣಗಳಿವೆ. ಮೆಗ್ನಿಷಿಯಂ, ಸುಣ್ಣ, ಗಂಧಕ, ಪೊಟ್ಯಾಶಿಯಂ, ರಂಜಕ, ನಾರು, ಶರ್ಕರ, ಪಿಷ್ಟ, ತಾಮ್ರ, ಕಬ್ಬಿಣ, ಸತು ಅಲ್ಲದೆ ವಿಟಾಮಿನ್ ಎ, ಸಿ, ಡಿ, ಇ ಮತ್ತು ಬಿ1, ಬಿ12 ಜೇವಸತ್ವಗಳೂ ಈ ತರಕಾರಿಯಲ್ಲಿವೆ. ಇಂಥ ತರಕಾರಿಯನ್ನು ಅಡುಗೆಯಲ್ಲಿ ಬಳಸುವುದರಿಂದ ಆಗೋ ಲಾಭಗಳೇನು?
- ಸಂಧಿವಾತ ಮತ್ತು ಮಧುಮೇಹ ಉಪಶಮನವಾಗುತ್ತದೆ.
- ಶರೀರವನ್ನು ತಂಪಾಗಿಡುತ್ತದೆ. ಅದಕ್ಕೆ ಶೀತ ಪ್ರಕೃತಿಯವರು ಬಳಸದಿದ್ದರೆ ಒಳಿತು.
- ಇದರಲ್ಲಿ ಕ್ಯಾಲೋರಿ ಇದ್ದರೂ ದೇಹದ ತೂಕವನ್ನು ಹೆಚ್ಚಿಸದೇ, ಇಳಿಸುತ್ತದೆ.
- ರಕ್ತದಲ್ಲಿರುವ ಸಕ್ಕರೆ ಅಂಶವನ್ನು ಕಡಿಮೆ ಮಾಡಲು ಸಹಕರಿಸುತ್ತದೆ. ಅದಕ್ಕೆ ಮಧುಮೇಹಕ್ಕೆ ಮದ್ದು.
- ಪಚನಕ್ರಿಯೆಯನ್ನುಸುಲಭಗೊಳಿಸುತ್ತದೆ.
- ಪಡುವಲಕಾಯಿಯಲ್ಲಿರುವ ನಾರಿನ ಅಂಶ ಮಲಬದ್ಧತೆ ಸಮಸ್ಯೆಯನ್ನೂ ನಿವಾರಿಸುತ್ತದೆ.
- ಹೊಟ್ಟೆಯುಬ್ಬರ ಮೊದಲಾದ ಸಮಸ್ಯೆ ನಿವಾರಿಸಿ, ಅರೋಗ್ಯ ಉತ್ತಮವಾಗಿಡುತ್ತದೆ.
- ಕಾಮಾಲೆ ರೋಗಿಗಳಿಗೆ ಇದು ಉತ್ತಮ ಔಷಧ. ಕಾಮಾಲೆ ಖಾಯಿಲೆ ಇರೋರು ಅನ್ನದೊಂದಿಗೆ ಪಡುವಲಕಾಯಿಯನ್ನು ಬೇಯಿಸಿ ಸೇವಿಸಿದರೆ ಒಳಿತು.
- ಈ ತರಕಾರಿಯ ಪಲ್ಯ ಸೇವಿಸುತ್ತಿದ್ದರೆ ಕ್ಷಯಕ್ಕೂ ಮದ್ದು.
- ಪಡುವಲಕಾಯಿ ತಿನ್ನುತ್ತಾ ಬಂದರೆ ದೇಹಕ್ಕೆಅಗತ್ಯ ಶಕ್ತಿ ದೊರೆಯುತ್ತದೆ.
