ಫಲವತ್ತತೆಯ ಸಂಕೇತವಾದ ಪ್ರಾಚೀನ ಮಿಥುನ ಕಲ್ಲುಗಳು ಪತ್ತೆಯಾಗಿವೆ. ಈ ಕಲ್ಲುಗಳು ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿ ನಡೆಯುವ ವೇಳೆ ಪತ್ತೆಯಾಗಿವೆ. ಈ ಕಲ್ಲುಗಳ ವಿಶೇಷತೆಯೂ ಇಲ್ಲಿದೆ.
ಶಿವಮೊಗ್ಗ [ಜ.02]: ಪುರಾತತ್ವ ಇಲಾಖೆಗೆ ಸಂಬಂಧಪಟ್ಟಎರಡು ಕಲ್ಲುಗಳು ಸಾಗರ ತಾಲೂಕಿನ ಆನಂದಪುರದಲ್ಲಿ ರಾಷ್ಟ್ರೀಯ ಹೆದ್ದಾರಿ 206 ನಲ್ಲಿ ರಸ್ತೆ ಕಾಮಗಾರಿ ನಡೆಯುವ ಸಂದರ್ಭದಲ್ಲಿ ದೊರೆತಿದೆ.
ರಾಷ್ಟೀಯ ಹೆದ್ದಾರಿಯಲ್ಲಿ ಕೆರೆಯ ಏರಿಯಲ್ಲಿ ಸಾಗಿ ಹೋಗಿರುವ ಈ ಕೆರೆ ಆನಂದ ಪುರದ ಕೆರೆಯಾಗಿದೆ. ಇಲ್ಲಿ ರಸ್ತೆ ಕಾಮಗಾರಿ ನಡೆಸುವಾಗ ಎರಡು ಕಲ್ಲುಗಳು ದೊರೆತಿವೆ. ಈ ಕಲ್ಲುಗಳನ್ನು ಮಿಥುನದ ಕಲ್ಲುಗಳು ಎಂದು ಗುರುತಿಸಲಾಗಿದೆ.
ಇದರಲ್ಲಿ ಒಂದು ಕಲ್ಲು ಅರ್ಧ ತುಂಡಾಗಿವೆ. ಕೆಳದಿ ಕಾಲದ ಸಂದರ್ಭದಲ್ಲಿ ಕೆರೆ ಏರಿಗಳಲ್ಲಿ ಈ ಕಲ್ಲುಗಳನ್ನು ಬಳಸಲಾಗುತ್ತಿತ್ತು ಎಂದು ಶಿವಮೊಗ್ಗದ ಪುರಾತತ್ವ ಇಲಾಖೆ ತಿಳಿಸಿದೆ.
ಮುತ್ತು ಕೊಡಲು ಹೋದವನಿಗೆ ಕಚ್ಚಿ ಹರಿದ ಹಾವು..
ಈಗಾಗಲೇ ಸೊರಬ ತಾಲೂಕು ಉಳವಿಯ ಕೆರೆ ಮತ್ತು ಸಾಗರದ ಕೆಲ ಕೆರೆಗಳಲ್ಲಿ ಈ ಮಿಥುನದ ಕಲ್ಲುಗಳು ಕಂಡುಬರುತ್ತವೆ. ಬೆಳೆಯ ಉತ್ಪಾದನೆ ಹೆಚ್ಚಾಗಲಿ ಎಂದು ಆಗಿನ ಕಾಲದಲ್ಲಿ ಕೆರೆ ಏರಿಯ ಮೇಲೆ ಈ ಕಲ್ಲುಗಳನ್ನ ಬಳಸಲಾಗುತ್ತಿತ್ತು. ಈ ಮಿಥುನ ಕಲ್ಲುಗಳು ಉತ್ಪಾದನೆಯ ಸಂಕೇತವಾಗಿವೆ ಎಂದು ಇಲಾಖೆಯ ಸಹಾಯಕ ನಿರ್ದೇಶಕ ಶೇಜೇಶ್ವರ್ ತಿಳಿಸಿದ್ದಾರೆ.
