7th Pay Commission: ನೌಕ​ರರ ಮುಷ್ಕರ; ಸರ್ಕಾರಿ ಆಸ್ಪ​ತ್ರೆ​ಗ​ಳಲ್ಲಿ ರೋಗಿ​ಗಳ ಪರದಾಟ!

ರಾಮ​ನ​ಗರ (ಮಾ.2) : ಮೂಲ ವೇತ​ನದ ಶೇ. 17ರಷ್ಟುಮಧ್ಯಂತರ ಪರಿ​ಹಾರ ಮಂಜೂರು ಹಾಗೂ ಒಪಿ​ಎಸ್‌ ಜಾರಿ ಮಾಡ​ಲು​ ಸಮಿತಿ ರಚಿಸಿ ರಾಜ್ಯ​ಸ​ರ್ಕಾರ ಆದೇಶ ಹೊರ​ಡಿ​ಸಿದ ಹಿನ್ನೆ​ಲೆ​ಯಲ್ಲಿ ಸರ್ಕಾರಿ ನೌಕ​ರರು ಬುಧ​ವಾರ ಬೆಳಗ್ಗೆ ಆರಂಭಿ​ಸಿದ ಅನಿ​ರ್ದಿ​ಷ್ಟಾವಧಿ ಮುಷ್ಕರ ಮಧ್ಯಾ​ಹ್ನದ ವೇಳೆಗೆ ಅಂತ್ಯ​ಗೊಂಡಿತು.

ರಾಜ್ಯ ಸರ್ಕಾರಿ ನೌಕ​ರರ ಸಂಘ(Government Employees Union) 7ನೇ ವೇತನ ಆಯೋಗ(7th Pay Commission) ಮತ್ತು ಒಪಿಎಸ್‌ ಯೋಜನೆ(OPS Scheme) ಜಾರಿಗೊಳಿಸುವಂತೆ ರಾಜ್ಯ​ಸ​ರ್ಕಾ​ರ​ವನ್ನು ಆಗ್ರಹಿಸಿ ಜಿಲ್ಲೆಯ ಒಟ್ಟು 12 ಸಾವಿರ ಸರ್ಕಾರಿ ನೌಕರರು ಬುಧವಾರ ಬೆಳ​ಗ್ಗೆ​ಯಿಂದ ಮುಷ್ಕರ ಆರಂಭಿಸಿದ್ದರು.

7th Pay Commission: ಮಾರ್ಚ್ 1ರಿಂದ ಸರ್ಕಾರಿ ನೌಕರರು ಕರ್ತವ್ಯಕ್ಕೆ ಗೈರು!

ಈ ಹಿನ್ನೆ​ಲೆ​ಯಲ್ಲಿ ಜಿಲ್ಲಾಧಿಕಾರಿ ಕಚೇರಿ, ಜಿಲ್ಲಾ ಪಂಚಾಯಿತಿ, ತಾಲೂಕು ಕಚೇರಿ ಸೇರಿದಂತೆ 45 ಇಲಾ​ಖೆ​ಗಳು ಹಾಗೂ ತಾಲೂಕು ಮಟ್ಟದ 25 ಇಲಾ​ಖೆಯ ಕಚೇರಿಗಳ ಬಾಗಿಲು ಮುಚ್ಚಿದ್ದವು. ಸರ್ಕಾರಿ ನೌಕರರು ಕರ್ತವ್ಯಕ್ಕೆ ಹಾಜರಾಗದೆ ಮನೆಯಲ್ಲೇ ಉಳಿದಿದ್ದರು. ನೌಕರರಿಲ್ಲದೆ ಕಚೇರಿಗಳು ಬಿಕೋ ಎನ್ನುತ್ತಿದ್ದವು. ಕಚೇರಿ ಕೆಲಸಗಳಿಗಾಗಿ ಆಗಮಿಸಿದ್ದ ಜನರು ನೌಕರರಿಲ್ಲದೆ ಪರದಾಡಿದರು. ತುರ್ತು ಕೆಲಸದ ಮೇಲೆ ಬಂದಿದ್ದವರು ನೌಕರರು ಸಿಗದೆ ಪರಿತಪಿಸಿದರು.

ಜನ​ರಿಗೆ ತಟ್ಟಿದ ಮುಷ್ಕ​ರದ ಬಿಸಿ:

ಸರ್ಕಾರಿ ನೌಕ​ರರ ಮುಷ್ಕ​ರದ ಹಿನ್ನೆ​ಲೆ​ಯಲ್ಲಿ ಸರ್ಕಾರಿ ಕಚೇ​ರಿ​ಗಳ ಬಾಗಿಲು ಬೀಗಿ ಹಾಕಿ​ದ್ದ​ರಿಂದ ಆಡಳಿತ ಯಂತ್ರವೂ ಸಂಪೂರ್ಣವಾಗಿ ನಿಷ್ಕಿ್ರಯಗೊಂಡಿತ್ತು. ಇದರ ಪರಿಣಾಮ ಸಾರ್ವಜನಿಕರಿಗೆ ಮುಷ್ಕರ ಬಿಸಿ ತಟ್ಟಿತ್ತು. ಸರ್ಕಾರಿ ಕಚೇರಿಗೆ ತೆರಳಿ ವಾಪಸಾಗುತ್ತಿದ್ದ ದೃಶ್ಯ ಕಂಡು ಬಂದಿತು.

ಮುಷ್ಕರದಿಂದಾಗಿ ಆರೋಗ್ಯ ಇಲಾಖೆಯ ಸೇವೆಯಲ್ಲಿಯೂ ವ್ಯತ್ಯಯ ಉಂಟಾ​ಯಿತು. ಜಿಲ್ಲಾಸ್ಪತ್ರೆಯಲ್ಲಿ ತುರ್ತು ಚಿಕಿತ್ಸಾ ಘಟಕ ಮಾತ್ರ ಕಾರ್ಯ​ನಿ​ರ್ವ​ಹಿ​ಸಿತು. ಉಳಿ​ದಂತೆ ಕನಕಪುರ ಹಾಗೂ ಮಾಗಡಿ ಸಾರ್ವಜನಿಕ ಆಸ್ಪತ್ರೆಗೆ ಬೀಗ ಹಾಕಿ ಸಂಪೂರ್ಣ ಬಂದ್‌ ಮಾಡಲಾಗಿತ್ತು. ಇದರಿಂದಾಗಿ ರೋಗಿಗಳು ಸಾಕಷ್ಟುತೊಂದರೆ ಅನುಭವಿಸುವಂತಾಯಿತು.

ಕೆಲ ಸಂಘ​ಟ​ನೆ​ಗಳು ಸಮಸ್ಯೆ ಬಗೆಹರಿಸಿಕೊಡುವಂತೆ ಆಗ್ರಹಿಸಿ ಜಿಲ್ಲಾಧಿಕಾ​ರಿ​ಗಳ ಕಚೇರಿ ಮುಂಭಾಗ ಪ್ರತಿ​ಭ​ಟನೆ ನಡೆ​ಸಿ​ದರು. ಆದರೆ, ಮುಷ್ಕರದ ಕಾರಣ ಅಲ್ಲಿಯೂ ಮನವಿ ಪಡೆಯಲು ಯಾರು ಇಲ್ಲದ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಸ್ವಲ್ಪ ಸಮಯದ ನಂತರ ಜಿಲ್ಲಾಧಿಕಾರಿ ಕಚೇರಿ ತಹಸೀಲ್ದಾರ್‌ ಆಗಮಿಸಿ ಮನವಿ ಸ್ವೀಕ​ರಿ​ಸಿ​ದ​ರು.

ಸರ್ಕಾರಿ ರೇಷ್ಮೆ​ಗೂಡು ಮಾರು​ಕ​ಟ್ಟೆ​ಯಲ್ಲಿ ಮುಷ್ಕರದಿಂದಾಗಿ ಕಾಯಂ ನೌಕರರು ಕರ್ತವ್ಯಕ್ಕೆ ಗೈರಾಗಿದ್ದರು. ಹಾಗಾಗಿ ಗುತ್ತಿಗೆ ಆಧಾರದ ಸಿಬ್ಬಂದಿಯಿಂದಲೇ ಮಧ್ಯಾಹ್ನದವರೆಗೆ ಮಾರುಕಟ್ಟೆಯಲ್ಲಿ ವಹಿ​ವಾಟು ನಡೆ​ಸ​ಲಾ​ಯಿತು.

ಕಚೇರಿ ಟೂ ಕಚೇರಿ ಭೇಟಿ:

ಈ ಅನಿ​ರ್ದಿ​ಷ್ಟಾ​ವಧಿ ಮುಷ್ಕ​ರಕ್ಕೆ ಪೊಲೀಸ್‌ ಹಾಗೂ ಸಾರಿಗೆ ಇಲಾಖೆ ಅಧಿ​ಕಾ​ರಿ​ಗಳು ಬಾಹ್ಯ ಬೆಂಬಲ ವ್ಯಕ್ತ​ಪ​ಡಿ​ಸಿ​ದ್ದರು. ಈ ಇಲಾ​ಖೆ​ಗಳಲ್ಲಿ ಅಧಿ​ಕಾ​ರಿ​ಗಳು ಮತ್ತು ಸಿಬ್ಬಂದಿ ಎಂದಿ​ನಂತೆ ಕರ್ತವ್ಯ ನಿರ್ವ​ಹಿ​ಸಿ​ದರು.

ಜಿಲ್ಲಾ ಸರ್ಕಾರಿ ನೌಕ​ರರ ಸಂಘದ ಪದಾಧಿಕಾರಿಗಳ ತಂಡ ಪ್ರತಿಯೊಂದು ಸರ್ಕಾರಿ ಕಚೇ​ರಿ​ಗ​ಳಿಗೆ ಭೇಟಿ ನೀಡಿ, ಮುಷ್ಕರ ಸಂಬಂಧ ಮಾಹಿತಿ ಪಡೆದುಕೊಳ್ಳುವ ಕೆಲಸ ಮಾಡಿತು. ಈ ವೇಳೆ ಕಚೇರಿ ತೆರೆದಿದ್ದರೆ, ಸಿಬ್ಬಂದಿ ಕೆಲಸ ಮಾಡು​ತ್ತಿ​ದ್ದರೆ ಅವರ ಮನ​ವೊ​ಲಿಸಿ ಮುಷ್ಕ​ರಕ್ಕೆ ಬೆಂಬ​ಲಿ​ಸು​ವಂತೆ ಕಿವಿಮಾತು ಹೇಳುವ ಕೆಲಸ ಸಹ ಮಾಡಿತು.

ರಾಜ್ಯ ಸರ್ಕಾರ ಸರ್ಕಾರಿ ನೌಕ​ರರ ಮೂಲ ವೇತ​ನದ ಶೇ.17ರಷ್ಟುಮಧ್ಯಂತರ ಪರಿ​ಹಾರ ಮಂಜೂರು ಹಾಗೂ ಒಪಿ​ಎಸ್‌ ಜಾರಿ ಮಾಡ​ಲು​ ಸಮಿತಿ ರಚಿಸಿ ಆದೇಶ ಹೊರ​ಡಿ​ಸಿದ ನಂತರ ಸರ್ಕಾರಿ ನೌಕ​ರರು ಹರ್ಷ ವ್ಯಕ್ತ​ಪ​ಡಿ​ಸಿ​ದರು. ಸಂಘದ ಸೂಚನೆ ಮೆರೆಗೆ ಕೆಲವು ಇಲಾಖೆ ಅಧಿಕಾರಿಗಳು ಬುಧವಾರ ಮಧ್ಯಾಹ್ನವೇ ಕರ್ತವ್ಯಕ್ಕೆ ಹಾಜರಾದರು. ಕೆಲವು ಇಲಾಖೆಗಳ ಕಚೇ​ರಿ​ಗಳು ಮಾತ್ರ ಬೀಗ ಹಾಕಲಾಗಿತ್ತು.

ಎಮ್ಮೆ ಕರುವಿನ ಮೇಲೆ ದಾಳಿ; ಕಿವಿ, ಬಾಯಿ, ಹೊಟ್ಟೆಕಚ್ಚಿ ತಿಂದ ಬೀದಿ ನಾಯಿಗಳ ಗುಂಪು!

ರಾಜ್ಯ​ಸ​ರ್ಕಾರ ಮಧ್ಯತರ ಪರಿಹಾರ(ಐಆರ್‌) ಶೇ.17ರಷ್ಟುನೀಡಿದೆ. ಹಾಗಾಗಿ ಸರ್ಕಾರಕ್ಕೆ ಅಭಿನಂದನೆ ಸಲ್ಲಿಸುತ್ತೇವೆ. ಈಗ ಮುಷ್ಕರವನ್ನು ಅಂತ್ಯಗೊಳಿಸಲಾಗಿದ್ದು, ನೌಕ​ರರು ಮತ್ತೆ ಕರ್ತವ್ಯಕ್ಕೆ ಹಾಜರಾಗಿದ್ದಾರೆ. ಜತೆಗೆ, ಸರ್ಕಾರಿ ನೌಕ​ರರ ಸಂಘದ ರಾಜ್ಯಾಧ್ಯಕ್ಷರಿಗೆ ಧನ್ಯವಾದ ತಿಳಿ​ಸು​ತ್ತೇವೆ

- ಸತೀಶ್‌,ಜಿಲ್ಲಾಧ್ಯಕ್ಷರು ,ಸ​ರ್ಕಾರಿ ನೌಕರರ ಸಂಘ, ರಾಮನಗರ.

• Ramanagar
• 7th Pay Commission
• Karnataka
• Government employees
• Strike
• Govt Hospital
• Kannada NEws