'ನನ್ನ ಮಗನನ್ನು ಕಂಡ್ರೆ ತುಂಬಾ ಪ್ರೀತಿ : ಅದಕ್ಕೆ ಬರ್ತಾರೆ'
ಅವರಿಗೆ ನನ್ನ ಮಗನನ್ನು ಕಂಡರೆ ಅತ್ಯಂತ ಅಚ್ಚು ಮೆಚ್ಚು ಆದ್ದರಿಂದ ಆಗಾಗ ನಮ್ಮ ಮನೆಗೆ ಬಂದು ಹೋಗ್ತಾರೆ ಎಂದು ಡಿಕೆ ಶಿವಕುಮಾರ್ ತಾಯಿ ಗೌರಮ್ಮ ಹೇಳಿದ್ದಾರೆ
Followರಾಮನಗರ (ಅ.06): ನನ್ನ ಮಗನನ್ನು ಕಂಡ್ರೆ ಇಡಿ, ಪಿಡಿ, ಸಿಡಿ, ಸಿಬಿಐನವರಿಗೆ ತುಂಬಾ ಇಷ್ಟ. ಅದ್ದರಿಂದಲೇ ಆಗಾಗ ಬಂದು ಸುಮ್ಮನೆ ಹೊಟ್ಟೆಉರಿಸುತ್ತಾರೆ ಎಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಅವರ ತಾಯಿ ಗೌರಮ್ಮ ಸಿಬಿಐ ದಾಳಿ ವಿರುದ್ಧ ಕಿಡಿಕಾರಿದರು.
ಕನಕಪುರ ತಾಲೂಕಿನ ಕೋಡಿಹಳ್ಳಿ ನಿವಾಸದಲ್ಲಿ ಸಿಬಿಐ ದಾಳಿಯ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ನನ್ನ ಮಗನನ್ನು ಅವರೆಲ್ಲರೂ ತುಂಬಾ ಇಷ್ಟಪಡುತ್ತಾರೆ. ಅವರಿಗೂ ಬೇರೆ ಕೆಲಸ ಇಲ್ಲದೆ ನಮ್ಮನೆ ಬಾಗಿಲಿಗೆ ತಿರುಗುತ್ತಲೇ ಇರ್ತಾರೆ ಎಂದರು.
ಸಿಬಿಐ ಪರಿಶೀಲನೆ ಅಂತ್ಯ: ಸಂಸದ ಡಿಕೆ ಸುರೇಶ್ ಫಸ್ಟ್ ರಿಯಾಕ್ಷನ್...! .
ನನ್ನ ಮಗನನ್ನು ಅವರ ಮನೆಗೆ ಕರೆದುಕೊಂಡು ಹೋಗಿ ಕೂರಿಸಿಕೊಳ್ಳಲಿ. ನನನ್ನು ಕರದ್ರೆ ನಾನೂ ಹೋಗ್ತೀನಿ. ಆದರೆ, ಸಮಯ ಸಮಯಕ್ಕೆ ಊಟ ಹಾಕಿದರೆ ಸಾಕು. ನನ್ನ ಮಗನ ಮೇಲೆ ರಾಜಕೀಯ ದ್ವೇಷದ ಬಗ್ಗೆ ನನಗೆ ಗೊತ್ತಿಲ್ಲ.
ಆದರೆ, ದಾಳಿ ನಡೆಸುವಾಗ ಏನು ಸಿಗುತ್ತೊ ಅದನ್ನು ತೆಗೆದುಕೊಂಡು ಹೋಗಲಿ. ಅಲ್ಲಿರುವ ಇಟ್ಟಿಗೆಗಳನ್ನು ಕೂಡ ತೆಗೆದುಕೊಂಡು ಹೋಗಲಿ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
