ಧಾರವಾಡ: ಅಪ್ಪಟ ಕನ್ನಡತಿ ಡಾ.ಮಾಧುರಿಗೆ ಸೇನೆಯ ತ್ರೀಸ್ಟಾರ್ ರ್ಯಾಂಕ್
ಭಾರತೀಯ ಸೇನೆಯ ತ್ರೀಸ್ಟಾರ್ ರ್ಯಾಂಕ್ ಗೌರವಕ್ಕೆ ಪಾತ್ರರಾದ ಡಾ. ಮಾಧುರಿ ಕಾನಿಟ್ಕರ್|ಲೆಫ್ಟಿನೆಂಟ್ ಜನರಲ್ ಹುದ್ದೆಗೆ ಬಡ್ತಿ ಪಡೆದಿದ ಡಾ. ಮಾಧುರಿ ಕಾನಿಟ್ಕರ್| ಡಾ.ಮಾಧುರಿ ಪತಿ ರಾಜೀವ್ ಕಾನಿಟ್ಕರ್ ಕೂಡ ಲೆಫ್ಟಿನೆಂಟ್ ಜನರಲ್ ಆಗಿ ನಿವೃತ್ತಿ ಪಡೆದಿದ್ದಾರೆ| ಪತಿ-ಪತ್ನಿ ಇಬ್ಬರೂ ಸೇನಾಪಡೆಯಲ್ಲಿ ಲೆಫ್ಟಿನೆಂಟ್ ಜನರಲ್ ಹುದ್ದೆ ಅಲಂಕರಿಸಿದ ಅಪರೂಪದ ಜೋಡಿ|
ಧಾರವಾಡ(ಆ.26): ಧಾರವಾಡ ಮೂಲದ ಡಾ. ಮಾಧುರಿ ಕಾನಿಟ್ಕರ್ ಅವರಿಗೆ ಭಾರತೀಯ ಸೇನೆಯ ತ್ರೀಸ್ಟಾರ್ ರ್ಯಾಂಕ್ ಗೌರವಕ್ಕೆ ಪಾತ್ರವಾಗಿದ್ದು, ಲೆಫ್ಟಿನೆಂಟ್ ಜನರಲ್ ಹುದ್ದೆಗೆ ಬಡ್ತಿ ಪಡೆದಿದ್ದಾರೆ. ಈ ಮೂಲಕ ಈ ರೀತಿಯ ತ್ರೀಸ್ಟಾರ್ ಗೌರವ ಪಡೆದ ದೇಶದ 3ನೇ ಮಹಿಳಾ ಅಧಿಕಾರಿ ಎಂಬ ಗರಿಮೆಗೆ ಡಾ.ಮಾಧುರಿ ಪಾತ್ರರಾಗಿದ್ದಾರೆ. ಲೆಫ್ಟಿನೆಂಟ್ ಜನರಲ್ ಪುನೀತಾ ಅರೋರಾ ಮತ್ತು ಏರ್ ಮಾರ್ಷಲ್ ಪದ್ಮಾ ಬಂಡೋಪಾಧ್ಯಾಯ ಈ ಗೌರವ ಪಡೆದಿರುವ ಇನ್ನಿಬ್ಬರು ಮಹಿಳೆಯರು.
ಡಾ.ಮಾಧುರಿ ಅವರಿಗೆ ವೈದ್ಯಕೀಯ ಕ್ಷೇತ್ರದಲ್ಲಿ ಕಾರ್ಯನಿರ್ವಹಿಸಬೇಕು ಎನ್ನುವ ಪ್ರೇರಣೆ ನೀಡಿದವರು ಅವರ ಮುತ್ತಜ್ಜಿ ಸರಳಾದೇವಿ. ಸರಳಾದೇವಿ ಅವರು 1920ರಲ್ಲಿಯೇ ವೈದ್ಯರಾಗಿದ್ದರು. ಇನ್ನು ಎಂಬಿಬಿಎಸ್ ಪದವಿಯ ಮೂರು ಹಂತಗಳಲ್ಲಿ ಉತ್ಕೃಷ್ಟ ದರ್ಜೆಯೊಂದಿಗೆ ಪುಣೆ ವಿವಿಯಲ್ಲಿ ಪ್ರಥಮ ರ್ಯಾಂಕ್ ಪಡೆದ ಹೆಮ್ಮೆ ಮಾಧುರಿ ಕಾನಿಟ್ಕರ್ ಅವರದ್ದು. 1982ರಲ್ಲಿ ಪದವಿ ಮುಗಿಸಿದಾಗ ಪಠ್ಯ-ಪಠ್ಯೇತರ ಚಟುವಟಿಕೆಯಲ್ಲಿ ಅತ್ಯುತ್ತಮ ಸಾಧನೆ ಮಾಡಿದ್ದಕ್ಕಾಗಿ ರಾಷ್ಟ್ರಪತಿಗಳ ಬಂಗಾರ ಪದಕ ಸಹ ಪಡೆದಿದ್ದರು.
ಸ್ಮಾರ್ಟ್ಸಿಟಿ ಯೋಜನೆಯಿಂದ ಹುಬ್ಬಳ್ಳಿ-ಧಾರವಾಡ ಅಭಿವೃದ್ಧಿ: ಸಚಿವ ಪ್ರಹ್ಲಾದ ಜೋಶಿ
ಡಾ.ಮಾಧುರಿ ಅವರ ಪತಿ ರಾಜೀವ್ ಕಾನಿಟ್ಕರ್ ಕೂಡ ಲೆಫ್ಟಿನೆಂಟ್ ಜನರಲ್ ಆಗಿ ನಿವೃತ್ತಿ ಪಡೆದಿದ್ದಾರೆ. ಪತಿ-ಪತ್ನಿ ಇಬ್ಬರೂ ಸೇನಾಪಡೆಯಲ್ಲಿ ಲೆಫ್ಟಿನೆಂಟ್ ಜನರಲ್ ಹುದ್ದೆ ಅಲಂಕರಿಸಿದ ಅಪರೂಪದ ಜೋಡಿ ಇದು.