Asianet Suvarna News Asianet Suvarna News

ಕೂಡ್ಲಿಗಿ: ಆ್ಯಂಬುಲೆನ್ಸ್‌ನಲ್ಲಿ ಅವಳಿ ಮಕ್ಕಳ ಜನನ

*  ವಿಜಯನಗರ ಜಿಲ್ಲೆಯ ಕೂಡ್ಲಿಗಿ ಸಮೀಪದ ಪಾಲಯ್ಯಕೋಟೆಯಲ್ಲಿ ನಡೆದ ಘಟನೆ
*  ಹಂಪಮ್ಮ ಎಂಬ ಮಹಿಳೆ ಅವಳಿ ಮಕ್ಕಳಿಗೆ ಜನ್ಮ ನೀಡಿದ ತಾಯಿ
*  ಹೆಚ್ಚಿನ ಚಿಕಿತ್ಸೆಗಾಗಿ ಉಜ್ಜಿನಿ ಆಸ್ಪತ್ರೆಗೆ ದಾಖಲು
 

Birth of Twins in an Ambulance at Kudligi in Vijayanagara grg
Author
Bengaluru, First Published Sep 22, 2021, 12:54 PM IST
  • Facebook
  • Twitter
  • Whatsapp

ಕೂಡ್ಲಿಗಿ(ಸೆ.22):  ಹೆರಿಗೆ ನೋವಿನಿಂದ ಬಳಲುತ್ತಿದ್ದ ಮಹಿಳೆಯನ್ನು ಆಸ್ಪತ್ರೆಗೆ ಕರೆದೊಯ್ಯುವ ಮಾರ್ಗ ಮಧ್ಯದಲ್ಲಿ ಅವಳಿ ಹೆಣ್ಣು ಮಕ್ಕಳಿಗೆ ಆ್ಯಂಬುಲೆಸ್ಸ್‌ (Ambulance)ನಲ್ಲೇ ಜನ್ಮ ನೀಡಿದ ಘಟನೆ ವಿಜಯನಗರ ಜಿಲ್ಲೆಯ ಕೂಡ್ಲಿಗಿ ಸಮೀಪದ ಪಾಲಯ್ಯಕೋಟೆಯಲ್ಲಿ ಸೋಮವಾರ ಮಧ್ಯರಾತ್ರಿ ನ​ಡೆ​ದಿ​ದೆ.

ಪಾಲಯ್ಯನಕೋಟೆ ಗ್ರಾಮದ ಹಂಪಮ್ಮ ಬಸವರಾಜ (30) ಎಂಬ ಮಹಿಳೆ ಅವಳಿ(Twins) ಮಕ್ಕಳಿಗೆ ಜನ್ಮ ನೀಡಿದ ಮಹಾತಾಯಿ. ಹೆರಿಗೆ ನೋವು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ 108ಕ್ಕೆ ಕರೆ ಮಾಡಿದ್ದು, ತಕ್ಷಣ ಧಾವಿಸಿದ ಉಜ್ಜಿನಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ಆ್ಯಂಬುಲೆಸ್ಸ್‌ ಹಂಪಮ್ಮನನ್ನು ಕರೆದುಕೊಂಡು ಉಜ್ಜಿನಿಗೆ ಹೊರಟಿತು. ಈ ವೇಳೆ ಮಾರ್ಗ ಮಧ್ಯದಲ್ಲೆ ತೀವ್ರ ಹೆರಿಗೆ ನೋವು ಕಾಣಿಸಿಕೊಂಡಾಗ 108ರ ಶುಶ್ರೂಷಕಿ ನಾಗವೇಣಿ ಮತ್ತು ಚಾಲಕ ಕೊಟ್ರೇಶ ತಕ್ಷಣ ಸಹಜ ಹೆರಿಗೆ ಮಾಡಿಸಿದ್ದಾ​ರೆ.

ಹಾವೇರಿ: 108 ಅಂಬ್ಯುಲೆನ್ಸ್‌ನಲ್ಲೇ ಮಗುವಿಗೆ ಜನ್ಮ ನೀಡಿದ ತಾಯಿ

ಮಧ್ಯರಾತ್ರಿ 12ಕ್ಕೆ ಮೊದಲ ಹೆಣ್ಣು ಮಗು ನಂತರ 12-20ಕ್ಕೆ ಎರಡನೇ ಮಗು ಜನಿಸಿದ್ದು, ಅವಳಿ ಮಕ್ಕಳು ಮತ್ತು ಹಂಪಮ್ಮ ಆರೋಗ್ಯವಾಗಿದ್ದಾರೆ. ಅವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಉಜ್ಜಿನಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
 

Follow Us:
Download App:
  • android
  • ios