ಬಿಡಿಎ ಸೈಟ್ ಇ-ಹರಾಜು ಪ್ರಕ್ರಿಯೆ ಆರಂಭ, ನಿಮ್ಮ ಮನೆಯ ಕನಸು ನನಸಾಗಲಿ!
ನೀವು ಖರೀದಿಸಿಲು ಯೋಜಿಸಿದ ಯಾವುದೇ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ಸೈಟ್ ಅನ್ನು ನೀವು ಮನೆಯಲ್ಲೇ ಕುಳಿತು ನೋಡಬಹುದಾದ ಸಮಯ ಬಂದಿದೆ. ನಿಮ್ಮ ನೆಚ್ಚಿನ ಕನಸಿನ ಸೈಟ್ ವೀಕ್ಷಿಸಲು ಮತ್ತು ಖರೀದಿಸಲು ತ್ವರೆ ಮಾಡಿ.
ಬೆಂಗಳೂರು, (ಜುಲೈ.19): ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (BDA) ವತಿಯಿಂದ 308 ನಿವೇಶನಗಳ ಇ-ಹರಾಜು ಪ್ರಕ್ರಿಯೆ ನಾಳೆ ಬೆಳಗ್ಗೆ ಅಂದ್ರೆ ಸೋಮವಾರ (ಜುಲೈ 20)11 ಗಂಟೆಯಿಂದ ಪ್ರಾರಂಭವಾಗಲಿದೆ.
ಒಟ್ಟು 5 ಹಂತದಲ್ಲಿ ಇ-ಹರಾಜು ಪ್ರಕ್ರಿಯೆ ನಡೆಯಲಿದ್ದು, ಇದೇ ಮೊದಲ ಬಾರಿಗೆ 308 ಸೈಟ್‌ಗಳಿಗೆ ಇ-ಮ್ಯಾಪಿಂಗ್ ಅಳವಡಿಕೆ ಮಾಡಲಾಗಿದೆ. ಈ ಮೂಲಕ ಸೈಟ್ ಎಲ್ಲಿದೆ? ಎನ್ನುವುದನ್ನ ಖರೀದಿದಾರರು ಇದ್ದಲಿಯೇ ತಿಳಿದುಕೊಳ್ಳಬಹುದು.
ಬೆಂಗಳೂರಿನ ಅಂಜನಾಪುರ, ಸರ್.ಎಂ. ವಿಶೇಶ್ವರಯ್ಯ ಮತ್ತು ಬನಶಂಕರಿ ಒಳಗೊಂಡಂತೆ ಹಲವು ಪ್ರತಿಷ್ಠಿತ ಬಡಾವಣೆಗಳಲ್ಲಿ ಬಿಡಿಎ ಸೈಟ್‌ಗಳು ಲಭ್ಯ ಇದ್ದು, ಬ್ರೋಕರ್‌ಗಳ ಕಾಟವಿಲ್ಲದೇ ನೇರವಾಗಿ ಇ-ಹರಾಜಿನಲ್ಲಿ ಭಾಗವಹಿಸಿ.
ಕೊರೋನಾ ಮಧ್ಯೆಯೇ ಬಿಡಿಎದಿಂದ 2 ನೇ ಬಿಡ್ಡಿಂಗ್; ಸೈಟ್ ಮಾರಾಟಕ್ಕೆ ಇ- ಮ್ಯಾಪಿಂಗ್..!
ಪ್ರಸ್ತುತ ಕೊರೋನಾ ಲಾಕ್‌ಡೌನ್ ಕಾರಣದಿಂದಾಗಿ, ಖರೀದಿದಾರರು ಯಾವುದೇ ಆಸ್ತಿಯನ್ನು ಖರೀದಿಸುವ ಮೊದಲು ಈ ಸೈಟ್‌ಗಳನ್ನು ಸ್ಥಳಕ್ಕೆ ತೆರಳಿ ನೋಡುವುದು ಕಠಿಣವಾಗಿದೆ. ಈ ಹಿನ್ನೆಲೆಯಲ್ಲಿ ಜಿಯೋ-ಟ್ಯಾಗ್ ಮಾಡಲಾದ ಸೈಟ್ ಪಟ್ಟಿಯನ್ನು ಬಿಡಿಎ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗಿದ್ದು, ವಿಶ್ವದ ಯಾವುದೇ ಭಾಗದಿಂದ ಜನರು ಈ ಮಾಹಿತಿಯನ್ನು ತಾವು ಕುಳಿತಲ್ಲೇ ಪಡೆದುಕೊಳ್ಳುವಷ್ಟು ಬಿಡಿಎ ತಂತ್ರ ಉಪಯೋಗಿಸಿದೆ.
ಕುಳಿತಲ್ಲೇ ಸೈಟ್ ವೀಕ್ಷಣೆ
ಹೌದು...ಸೈಟ್ ಖರೀದಿಗೆ ಯೋಚಿಸುವವರು ಇದ್ದಲ್ಲಿಯೇ ಕುಳಿತು ಸೈಟಿನ ಸಂಪೂರ್ಣ ಮಾಹಿತಿ ಪಡೆದುಕೊಳ್ಳಬಹುದು. ಪ್ರಾಧಿಕಾರದ ವೆಬ್‌ಸೈಟ್‌ನ ಹರಾಜು ಕೊಂಡಿಯಲ್ಲಿ ಅಳವಡಿಸಿರುವ ಇ-ಹರಾಜು ಸೈಟ್ ಜಿಯೋಟ್ಯಾಗ್ ಮಾಡಿದ ನಕ್ಷೆಯ ಮೇಲೆ ಸಾರ್ವಜನಿಕರು ತಾವು ಖರೀದಿಸಲು ಇಚ್ಛಿಸಿರುವ ನಿವೇಶನ ಸಂಖ್ಯೆಯ ಮೇಲೆ ಬಟನ್ ಅನ್ನು ಕ್ಲಿಕ್ ಮಾಡಿದರೆ, ಗೂಗಲ್ ಮ್ಯಾಪ್ ಮುಖಾಂತರ ಕುಳಿತಲ್ಲಿಯೇ ನೇರವಾಗಿ ನಿವೇಶನಗಳನ್ನು ವೀಕ್ಷಿಸಬಹುದು. ಈ ವೇಳೆ ಬಡಾವಣೆಯ ಹೆಸರುಗಳನ್ನೊಳಗೊಂಡಂತೆ ನಿವೇಶನದ ಖಚಿತ ಅಳತೆ ಹಾಗೂ ನಿವೇಶನದ ಪರಿಸರವು ಸಹ ನಾಗರಿಕರಿಗೆ ಲಭಿಸಲಿದೆ.
ಮೊದಲ ಹಂತ
1 ರಿಂದ 75 ಸಂಖ್ಯೆಯ ನಿವೇಶನಗಳ ಇ-ಹರಾಜು ಪ್ರಕ್ರಿಯೆ 06/08/2020 ರಂದು ಸಂಜೆ 6 ಕ್ಕೆ ಮುಕ್ತಾಯವಾಗಲಿದೆ. ನಾಲ್ಕು ಲಕ್ಷ ರೂಪಾಯಿಗಳನ್ನು ಪಾವತಿಸಿ ನೋಂದಣಿ ಮಾಡಿಕೊಳ್ಳಲು ಕೊನೆಯ ದಿನಾಂಕ 05/08/2020 ಸಂಜೆ 4 ಗಂಟೆ.
2ನೇ ಹಂತ
76 ರಿಂದ 127ನೇ ಸಂಖ್ಯೆಯ ನಿವೇಶನಗಳ ಇ-ಹರಾಜು ಪ್ರಕ್ರಿಯೆ 07/08/2020 ರಂದು ಸಂಜೆ 6 ಕ್ಕೆ ಮುಕ್ತಾಯವಾಗಲಿದೆ. ನಾಲ್ಕು ಲಕ್ಷ ರೂಪಾಯಿಗಳನ್ನು ಪಾವತಿಸಿ ನೋಂದಣಿ ಮಾಡಿಕೊಳ್ಳಲು ಕೊನೆಯ ದಿನಾಂಕ 06/08/2020 ಸಂಜೆ 4 ಗಂಟೆ.
3ನೇ ಹಂತ
128 ರಿಂದ 191 ಸಂಖ್ಯೆಯ ನಿವೇಶನಗಳ ಇ-ಹರಾಜು ಪ್ರಕ್ರಿಯೆ 08/08/2020 ರಂದು ಸಂಜೆ 6 ಕ್ಕೆ ಮುಕ್ತಾಯವಾಗಲಿದೆ. ನಾಲ್ಕು ಲಕ್ಷ ರೂಪಾಯಿಗಳನ್ನು ಪಾವತಿಸಿ ನೋಂದಣಿ ಮಾಡಿಕೊಳ್ಳಲು ಕೊನೆಯ ದಿನಾಂಕ 07/08/2020 ಸಂಜೆ 4 ಗಂಟೆ.
4ನೇ ಹಂತ
192 ರಿಂದ 254 ಸಂಖ್ಯೆಯ ನಿವೇಶನಗಳ ಇ-ಹರಾಜು ಪ್ರಕ್ರಿಯೆ 11/08/2020 ರಂದು ಸಂಜೆ 6 ಕ್ಕೆ ಮುಕ್ತಾಯವಾಗಲಿದೆ.ನಾಲ್ಕು ಲಕ್ಷ ರೂಪಾಯಿಗಳನ್ನು ಪಾವತಿಸಿ ನೋಂದಣಿ ಮಾಡಿಕೊಳ್ಳಲು ಕೊನೆಯ ದಿನಾಂಕ 10/08/2020 ಸಂಜೆ 4 ಗಂಟೆ.
5ನೇ ಹಂತ
255 ರಿಂದ 308 ಸಂಖ್ಯೆಯ ನಿವೇಶನಗಳ ಇ-ಹರಾಜು ಪ್ರಕ್ರಿಯೆ 12/08/2020 ರಂದು ಸಂಜೆ 6 ಕ್ಕೆ ಮುಕ್ತಾಯವಾಗಲಿದೆ. ನಾಲ್ಕು ಲಕ್ಷ ರೂಪಾಯಿಗಳನ್ನು ಪಾವತಿಸಿ ನೋಂದಣಿ ಮಾಡಿಕೊಳ್ಳಲು ಕೊನೆಯ ದಿನಾಂಕ 11/08/2020 ಸಂಜೆ 4 ಗಂಟೆ.
ಹೆಚ್ಚಿನ ಮಾಹಿತಿಗಾಗಿ
* ಬಿಡಿಎ ಸೈಟ್‌ಗಳಿಗೆ ಸಂಬಂಧಿಸಿದ ಪ್ರಶ್ನೆಗಳಿಗೆ ದೂರವಾಣಿ ಸಂಖ್ಯೆ 080-23368435/23368036 ಸಂಪರ್ಕಿಸಬಹುದು.
* ಇ\ಇ-ಹಾರಾಜು ವೆಬ್‌ಸೈಟ್‌ನ ಮುಖಾಂತರ ನೇರವಾಗಿ ಭಾಗವಹಿಸಲು ಇಚ್ಛಿಸುವವರು eproc.karnataka.gov.in ಸಂಪರ್ಕಿಸಿ.
* ಈ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ www.bdabangalore.org .
* ಸೈಟಿನ ಇ-ಹರಾಜು ಮಾಹಿತಿಗಾಗಿ http://bdabengaluru.org/englishe-auction
